O MARKUS 16
16
O Yesus ai momiki
(Mat. 28:1-8; Luk. 24:1-12; Yoh. 20:1-10)
1Maöraha o Yahudioka manga Puji mawange ipahaka, o ngo Maria Magdalena, o ngo Maria o Yakobus ngoi ayo, deʼ o ngo Salome yoiki yo ija o rampa-rampa la mangale yaminya o Yesus ai mayeti. 2O ngoru-ngorumino duru, maoraha o wange iböa, o wange madodihiraka o minggu gënanga, önanga yoiki o jereika. 3-4O ngëkomo mahoanika önanga ima koketemo, ”O nagona yakunu inä riwo ngone yaheloro mahelewo o lungunu mapidaha madadamunu?” Hababu o helewo gënanga duru kahä pako. Mä imahi adonika genangoka önanga yamäke o helewo gënanga i luluoka. 5Daha önanga yowohama o lungunu gënanga magoronaika. Magoronaka o nirakoka, iwimäke womatëngo o goduru wapäke o juba magare-garehe wogogeruku, deʼ onanga yätodokana.
6O goduru gënanga wätemo, ”Uha nihawana! Ngohi tohiöriki ngini niwi lingiri o Yesus o Nazaret manyawa iwisosaliboka. Unanga koi wiwa nenangoka. Unanga womomikoka! Niolega dika, nënanga mangï önanga iwi idu. 7#Mat. 26:32; Mark. 14:28 Orahanënanga nioiki, nihingahu o abari nënanga iwinö ninïkika de o Petrusikaö. Nia hëtongo, ’Unanga woiki wohira de ngini o Galileaika. Dokengoka ngini aha niwi mäke Unanga, hokä Unanga winihi ngahuoka nginika.’ ”
8De önanga o lungunoka de yohupu daha imapopäta karana yätodokana deʼ yohawana. Onanga kamoi ikaö de yahetongua karana yohawana.
O ABARI MA OA O MARKUS WATĂ– TULI-TULIHI MA BO BAHA I MOTEKE MA DULIHI MA HIRAINO
O Yesus womahi matoko Ai diri o ngo Maria Magdalenaika
(Mat. 28:9-10; Yoh. 20:11-18)
[9Ipahaika o Yesus wohonenge de womomiki o ngoru-ngorumino o Minggu ma wangeoka, Unanga madodihiraka womahi matoko Ai diri o ngo Maria Magdalenaika. (O ngo Mariaino gënanga o Yesus wohi hupuoka tumidi o womaha madorou.) 10De o ngo Maria Magdalena mohingahu idädadioka gënanga o Yesus ai dodiawoika, magogiria yohaharu deʼ yoari. 11Mä maöraha önanga yoihene o Yesus wowango deʼ o ngo Maria mïmäkeoka Unanga onanga yongakua.
O Yesus womahi matoko Ai diri iwinö ninïkika yahinoto
(Luk. 24:13-35)
12Ipaha de gënanga o Yesus womahi matoko Ai diri iwinö ninïkika yahinoto de madodagi hara moioli. Gënanga idadi maöraha o nyawa yahinoto gënanga yotagi magogiriaka o kapongo moika. 13Hoʼ onanga ima kilioro deʼ i hi ngahu o hali gënanga mahomoaika. Mä onanga yongakua.
O Yesus womahi matoko Ai diri iwinöninïkika
(Mat. 28:16-20; Luk. 24:36-49; Yoh. 20:19-23; Kis. 1:6-8)
14Mabobaha o Yesus womahi matoko Ai diri iwinö ninïkika yangimoi de yamoi, maöraha önanga yol̄omo magogiriaka. Unanga wätaaere önanga hababu önanga manga ngongaku i kuranga deʼ manga häeke itogowiniholi hiädono yängakua o nyawa iwi mäke-mäkeoka o Yesus wowango. 15#Kis. 1:8 Daha o Yesus wätemo onangika, ”Nioiki o dunia nia möde-mödeke deʼ nihinga ngahu o Abari ma Oa ma Jou Madutuino gënanga o nyawaika niä gëto-gëtongo mata-mata. 16O nyawa yongakua aha yähukumu. Mä o nyawa yongaku deʼ yä ohiki, aha yohalamati. 17Hoka manyonyata i goungu önanga yongaku, o nyawa ge önanga aha yaduhu o womaha madorou de Ahi romanga; önanga aha yotemo-temo de o demo-o demo kiaka mahira önanga yanäkoua. 18Nako önanga yasö o dodiha ekola yaokere o rasongo, önanga aha yamäkeua o bodito. Nako önanga yakelenga manga giama o nyawa yopopanyakeuku, o nyawa ge önanga aha yotogumu.”
O Yesus iwi göraka o horogail̄e
(Luk. 24:50-53; Kis. 1:9-11)
19 #
Kis. 1:9-11
Ma Jou Yesus woade-ade dede önanga ipaha, Unanga iwi göraka o horogaika. Dokengoka Unanga wopareta de ma Jou Madutu. 20Deʼ iwinö ninïki yoiki deʼ ihi ngahu o abari ma Jou Madutuino o ngï yögëto-gëtongo. Deʼ ma Jouö womahi moteke womanarama dede önanga deʼ o nonako i hëra-hëranga idadi manyonyata i goungu to önanga manga hingahu itiai.]
O DULIHI MA HIRAINO MAHOMOA MABOBAHA
[9O ngo ngoheka gënanga yoiki o Petrus deʼ ai dodiawoika, daha yoade-ade de madipoko mata-mata wahi ngahu-ngahuoka onangika magoduru gënanga. 10Ipaha de gënanga o Yesus mahirete mangale de iwinöninïki ihiabari o wange mahiwaroko hiädono o wange madumuniha o abari madebi-debini deʼ i kokakali yakorona mangale o halamati ikokakali.]
Currently Selected:
O MARKUS 16: TLB
Highlight
Share
Copy
Want to have your highlights saved across all your devices? Sign up or sign in
