Varoma 11
11
Nungungulu kha diga Israyeli
1 # Wona gambe: Fil 3:5. Eni nyi na engedza gambe gu wudzisa, kheni: Ina Nungungulu a di tsukula vathu vaye, gani? Ahihi. Eni nyi ganelago, nyi wa na Israyeli, nyi gitugulwana gya Abrahama, gya nyumbani ga Bhejami. 2Nungungulu kha tsukula vathu vaye a va hathidego gukhugela tshiguneneni. Ina kha mu si pimi esi milowo yi ganedego khu Eliya a ngaya dilela ga Nungungulu khu mahungu ya Israyeli, gani? 3#Wona gambe: 1 Dzipf 19:10-14. Khuye: “Pfhumu, va songide vaprofeti vago, va pfhungumude siluvelo sago. Nyi tshade eni nyenga, gambe va ngu vbweta gu nyi songa.” 4#Wona gambe: 1 Dzipf 19:18. Aholu Nungungulu a di mu hakha khuye ginani? A di khuye: “Nyi vegiside livbandre na mavili magumi mazana (7.000) nya vathu va ngamba khidzima va khozela Bhahali, nungungulu nya malipha.” 5Khidzo gambe kharato ni matshiguni ya muhuno, womo tengo wudugwana nya vale Nungungulu a va hathidego khu wuhindzi waye. 6Khu kharato, a gu bani ari khu wuhindzi, nasiri khu mithumo; a gu bani ari kharato, wuhindzi kha wu phasi gilo. 7Hi na khethu ginani olu? Hi na khethu va na Israyeli va tandregide gu mana esi va nga si vbweta; aholu si manidwe khu tsawa nya vale va nga hathwa khu Nungungulu. Vatshavbo vambe kha va dzina gupwa gurana gwaye, 8#Wona gambe: Isa 29:10. kha nga gu lovidwego umo nya Milowo nya Guage, pwani:
“Nungungulu a di va gira va si theli kota;
a va ninga maho nyamba wona,
ni dzindzeve nyamba pwa,
kala matshigu ya muhuno.”
9Dhavhidhe nuye a di ganela, khuye:
“Mibuzo yawe yi na khale milaphwi, yi va kanganyisa,
gasi va tshunganele va thega, va mana tsayiso.
10 # Wona gambe: Dzind 69:22-23. Maho yawe ma na khale gidema gasi va si woni,
hwambo wawe wu na gohala kala gupindruga,
khu gu lemedwa khu sigaradzo sawe.”
11Nyi na wudzisa gambe, kheni: Ina gikhati va nga tshunganelago va di thegela muphelo, gani? Khandridzo. Khu guthega gwawe va manide guvbanyiswa va nya mayigo, gasi va na Israyeli va khale wufu. 12Olu gighoho gyawe gi khadego giphaso ga va nya mayigo, ni gumbemba gwawe gu khadego thomba ga mambe mahundzu, guwani va gu kala va na Israyeli va vbindrugedza mavbanyelo? Makategwa ma na tala guvbindrisa. 13Olu nya gu ganela gwanu enu mu si gu Vajudha. Eni nyi mupostoli ga va nya mayigo, gambe nyi ngu dzipwa matshandza khu kota nya thumo wangu. 14Khu kharato, a gu dzina saye, vambe ni vambe nya lifumbu langu, va na mi dogorela, va ta vbanyiswa. 15Olu khu gu pfhuraredwa gwawe, litigo li manidego wuhigo nya gutshanganiswe ni Nungungulu, guwani esi si na dugelelago gikhati va na hakhwago nyaluphye? Ni ava va nga bani va fude va na vbanya. 16Kholu gipandre nya guhegule nya gibaba gya bani gi phasedwe Ningungulu, gu yeyedza gupwani gibaba gyatshavbo gi agisedwe Nungungulu. Mikhamba nya simbo ya gu bani yi kategide, ni matamo yakone gambe, ma kategide! 17Mambe matamo makokeledwe. Aholu, uwe u na bani uri kha nga ngure nya likhabi, u tshomegidwe matamoni momo, u tshanganiswa kharato ni mikhamba, gasi u lisedzedwa mahwe nya ngure nya mbewu nya yadi. 18U nga hingigedzi gu dzi vega vbatshani nya matamo ma nga kokwago. U na dzi kodza kharini uwe gu dzi vega vbatshani? Khandruwe u hodzisago khamba, khamba khuwo wu gu hodzisago. 19U na ganela khu mapimoni gwago, khuwe: Mambe matamo ma kokedwe gasi u tshomegwa uwe wulangani gwawe. 20Lisine ilolo. Avo va kokidwe khu kotani nya gumba khodwa, gasi uwe olu u vegidwe wulangani wowo khu kotani u khodwago. Ambari ulo, u nga dzi giri matshandza khu kotani nya isoso. Aholu gu vbwetega gu dzi wonela. 21Olu, Nungungulu a ngamba tsetsa Vajudha va gu matamo nya mavelego, ina wa gu alakanya gukhuwe a na gu tsetsa uwe, gani? 22Wona gwadi gukhuwe Nungungulu khwadi, aholu, a ngu garadza gambe. A ngu garadza ga vale va nga thega. Gwago uwe khwadi. Aholu gu vbwetega u vbanya khu edzi wu lombago khidzo wuwadi waye. Wa gumba gira kharato, u na kokedwa nuwe. 23Khidzo navo kharato, Vajudha, va gu diga gumba khodwa gwawe, va na vegwa nyaluphye wulangani gwawe. Nungungulu a na ni tshivba nya gu kodze gu va wuyisa nyaluphye. 24Ambari nya gukhuwe uwe khuri litamo nya mavelego nya ngure nya likhabi, Nungungulu kodzide gu ndraga tumbunugo, a gu koka, a gu tshomega tshinani nya ngure nya wadi. Gasi Vajudha, matamo nya mavelego nya ngure nya wadi. Gu na mu vbevbugela ngudzu gu va tshomega nyaluphye tshinani nya simbo va lumbago uwo khu gale.
Guvbanyiswa ga vathu va na Israyeli
25Vandruye, kha nyi vbweti gukheni mu hangwe khu sihalo yoyu, gasi mu si dzi randri va nya guti. Guganedza ga vathu va na Israyeli kha gu na pindruga gikhati nya gulaphe, aholu gu na simama kala mayigo yatshavbo ma vbindrugedza ma khodwa ga Nungungulu. 26#Wona gambe: Isa 59:20-21. Gikhati gyogyo, ngamo yatshavbo ya na Israyeli yi na vbanyiswa kha nga yi ganelago Milowo nya Guage, khiyo:
“Khu Siyoni a nata muvbanyisi,
a nata handzago guvivba ga sanana sa na Israyeli.
27 # Wona gambe: Jer 31:33-34. Khigyo gidzumeledzwano nyi na hungago navo,
hwane nya gu na nyi va duside khu sighohoni gwawe.”
28Ha gu khedza khu Mahungu nya Yadi, va khade valala va Nungungulu khu kotani gwanu. Aholu avo va ngu simama gu khala sihathwa sa Nungungulu khu kotani ya vababe vawe. 29Kholu Nungungulu kha vbindrugedzi mapimo yaye ga ava a va hathidego ni gu va kategisa. 30Enu mu si gu Vajudha, gale mu di gu yeyisa Nungungulu, gasi olu a navo Vajudha va yeyisidego, enu mu hakhide wuhindzi wa Nungungulu. 31Olu Vajudha va yeyisidego, Nungungulu a ngu tadza enu khu wuhindzi waye, vafela gu hakha navo wuhindzi. 32Kholu Nungungulu digide vatshavbo va thegela wugumbini nya guyeyise, afela gu yeyedza wuhindzi waye ga vathu vatshavbo. 33Nga wona idzo yi gu yingi khidzo thomba, ni guti, ni wugengeli wa Nungungulu! Khu mani a dzi kodzago gu tshamusela maalakanyo yaye? Khu mani a dzi kodzago gu pima dzindzila dzaye? 34#Wona gambe: Isa 40:13. Milowo nya Guage yi ngu ganela gwadi, khiyo:
“Khu mani a gutigo gu hingigedza ga Pfhumu?
Khu mani a mu ningago wusingalagadzi?
35 # Wona gambe: Job 41:11. Khu mani a mu ningidego gilo
gasi uye Pfhumu a mu bweledzela?”
36Satshavbo sa guta khu ga Nungungulu; satshavbo sa gu tumbuluga tshivbani gwawe gasi gu thumela uye. A na rungudzwe Nungungulu kala gupindruga. Amen.
Currently Selected:
Varoma 11: BGE2014
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
