Eksodusi 1
1
A vanana va ka Israeli lomu tikweni ga Gipite.
1Laya hi mavito ya vana va Israeli, lava va ngaya Gipite zinwe na Jakobe, lava loyi ni loyi a yileko ni ngango wakwe:
2Rubeni na Simoni, na Levi, na Juda,
3na Isakari, na Zebuloni, na Benjamini,
4na Dani, na Naftali, na Gadi, na Axeri.
5A vanhu vontlhe va yindlu ya Jakobe va wa hi 70. Josefa i wa sina a hi leyo Gipite.
6Zonake Josefa i lofa ni vanakulobye vakwe vontlhe, ni vontlhe va xizukulwana lexo.
7A vanana va ka Israeli va lo beleka va anza, va tala nguvu, va hi ni ntamu, va tata tiko. Gen. 18:18; Miti. 7:17
8Zonake ku lo fuma a hosi yiswa le Gipite, leyi yi nga mu tiviko Josefa.
9Yiku ka vanhu va yona: Leli lixaka la vanana va ka Israeli, la hi hunza hi kutala ni ntamu;
10a hi va khomeni hi mano, va nga anza nguvu; ku ku loku ku huma yimpi, va hlengela ni valala va hina, valwa na hina, zonake va suka lomu tikweni.
11Zonake va lo yimisa a tinduna ta mitiro hehla kabye, va va xanisa hi mikhinyavezo. Va lo akela Faro a miti ya kuveketela ya Pitomi na Ramsesi.
12Kanilezi hambu lezo va nga wa xaniswa, hi laho va nga wa anza nguvu, va tala. Hi laho a vanana va ka Israeli va nga wa vengiwa ha kona.
13Zonake a vaGipite va lo tirisa a vanana va ka Israeli hi timbiti. Mitse. 20:15
14Va lo va hlokisa kuhanya kabye hi mitiro yo binza ya zitini, ni mitiro yontlhe ya masimu; a mitiro yontlhe leyo va wo va tirisa hi timbiti.
15Zonake a hosi ya vaGipite yi lo byela a masungukati ya maHeberu (a vito ga munwani i wa hi Xifra, ni munwani i wa hi Pua), yiku:
16Loku mu tekela wasati wa muHeberu, cuwukani na ha ku beleka, loku a hi mufana dayani; loku a hi nhanyana, mu tsikeni a hanya.
17Kanilezi a masungukati ma lo chava Nungungulu; a ma mahangi kota lezi a hosi ya Gipite yi nga va leletele ku maha; kanilezi va lo ponisa vafana.
18Kanilezi a hosi ya vaGipite yi lo vitana masungukati, yiku ka wona: Hiyini mu ponisako vafana ke?
19A masungukati maku ka Faro: Hi lezi a vasati va maHeberu a va fanani ni vasati va vaGipite; vona va na ni ntamu, loku a sungukati gi chikela gi va kuma na va belekile.
20Nungungulu i lo katekisa masungukati; a vanhu va lo anza va tala nguvu.
21Hikwalaho, hi kota ya lezi a masungukati ma nga chava Nungungulu, Nungungulu i lo katekisa a tiyindlu tabye.
22Zonake Faro i lo leletela a vanhu vakwe, aku: A vafana vontlhe lava va ta nga belekiwa, va hoxeni congweni; kanilezi a vanhanyana va tsikeni va hanya. Miti. 7:19
Currently Selected:
Eksodusi 1: TSC72
Highlight
Share
Compare
Copy
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
