Eksodusi 15
15
A Lisimu la ka Jehova.
1Zonake Mosi ni vanana va ka Israeli va lo yimbelela ka Jehova lisimu leli, vaku:
Nzi ta yimbelela ka Jehova hakuva i tlakukile nguvu;
I hoxile bimbini a haxi ni mukhileli wa gona.
2Jehova hi ntamu wa mina, ni lisimu la mina;
Yena hi Muhanyisi wa mina.
Hi yena Nungungulu wa mina, nzi ta mu dumisa;
I Nungungulu wa dadani, nzi ta mu kulisa.
3Jehova i nhenha ya ntamu,
A vito gakwe hi Jehova.
4I hoxile a tikareta ta Faro, ni yimpi yakwe lomu bimbini;
A tinhenha takwe ta milangelwa ti rikhile lomu Bimbini go Pswhuka.
5A mabyandlati ma va fenengetile;
Va rikhile lomu nonzweni kota maribye.
6A canja ga wena Jehova gi dzunzekile hi ntamu;
A canja ga wena ga xinene, Jehova, gi hangalasile valala.
7Hi wukulu ga wuhosi ga wena, Wa hangalasa lava va ku vukelako;
U humesa a zanga ya wena,
Yi va hisa kota byanyi.
8Hi kuhefemula ka tinhovu ta wena, a mati ma lo tsemeka,
A mati lawa ma khulungako ma yimisilwe ma maha nhulu;
A mabyandlati ma 16 woma xikari ka bimbi.
9A nala ite: Nzi ta tsutsumisa, nzi khoma, nzi phanga.
A muhefemulo wa mina wu ta xuriswa ha vona;
Nzi ta hlomula a tlhari ga mina, nzi va daya.
10U lo pupuxa hi moya wa wena:
A bimbi gi lo va khubunyeta;
Va lo rikha kota xiketse,
Lomu nonzweni wa mati yo eta.
11Himani a fananako na wena Jehova, a xikari ka vanungungulu?
Himani wo hatima, loyi a basileko kota wena,
Loyi a faneleko ku chabyiwa ni ku dumiswa hi tisimu?
U mahile zihlamaliso!
12U nawulutile a canja ga wena ga xinene,
A misava yi va mita,
13Hi tipswalo ta wenawu lo tlhatlhisa vanhu, u va humesa;
U va fambisile hi ntamu wa wena,
A wutshanwini ga wena go basa.
14A vamatiko loku va zi zwile va lo rurumela;
A vaFilistia va lo telwa hi hlenekera;
15a tihosana ta va ka Edome ti lo dzuka;
A tinhenha ta maMoabi ti lo khomiwa hi kudzevetana;
A vaaki vontlhe va le Kanani va lo mbhela ntamu.
16A kuchava ni kururumela zi lowa hehla kabye;
Hi canja ga wena ga ntamu,
Va hunzukile va maha timbeveve ti fananako ni maribye,
Kala a vanhu va wena va tlhatuka, O Jehova!
Va kala va tlhatuka a vanhu lava u va tiruleko.
17U ta va chiketa, u ya va zimeka xitsungeni xa tshomba ya wena,
Wutshanwini legi u gi longiseleko kuva ga wena, O Jehova!
A yindlu yo basa leyi yi mahilweko hi mandla ya wena, Hosi!
18Jehova i ta fuma kala kupinzuka.
19Hakuva laha a mahaxi ya Faro ni tikareta takwe, ni vakhileli va wona va jamile bimbini; Jehova i lo tlhelisela a mati ya bimbi hehla ka vona; kasi lezo a vanana va ka Israeli va lo famba misaveni yi womileko lomu xikari ka bimbi.
20Zonake Miriamu, muprofeti wa xisati, a makabye wa Aroni, i lo teka a mutandanda canjeni gakwe, a vavasati vontlhe va huma va mu lanzela, na va hi ni mitandanda, va kina.
21Miriamu i lo vumelana navo, aku:
Tsakelani Jehova hakuva i dzunzekile nguvu;
I hoxile a haxi ni mukhileli wa gona lomu bimbini.
A mati yo buva ya Mara.
22Zonake Mosi i lo rangela vaIsraeli hi le Bimbini go Pswhuka, va famba hi tlhelo ga xiwula xa Xura; va lo famba masiku manharu lomu xiwuleni na va nga kumi mati. Mitse. 33:8
23Va loya chikela Mara, kanilezi va lo tsanzeka kunwa mati ya le Mara, hakuva ma wa bava; hikwalaho a wutshamu lego gi lo chuliwa vito ga Mara.
24A vanhu va lo zangarela Mosi, vaku; Hi tanwa yini?
25Mosi i lo kombela ka Jehova, zonake Jehova i lo mu kombisa a sinya kasi a fela ku yi hoxa lomu matini, a mati ma lo nanziha. Anzhako ka lezo i lo va yimisela milayo ni ziyimiso; laho i lo va ringa, aku:
26Loku u ingisa a gezu ga Jehova. Nungungulu wa wena, u maha kululama mahlweni kakwe, ni loku u demba ndleve ka ziyimiso zakwe, ni ku hlayisa yontlhe milayo yakwe, cima nzi nga ta neha ka wena a zixaniso lezi nzi nga veka hehla ka vaGipite; hakuva hi mina Jehova loyi a ku chumako.
27Zonake va lo chikela Elima; laho va lo kuma 12 wa tihlowo, ni 70 wa micinzu. Va lo zimeka matenda yabye kusuhani ni mati. Mitse. 33:9
Currently Selected:
Eksodusi 15: TSC72
Highlight
Share
Compare
Copy
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
