Eksodusi 22
22
1Loku a munhu a yiva a homu kutani yivu, a yi daya kutani a yi xavisa, i ta riha a homu hi ntlhanu wa tihomu, ni yivu hi mune wa tiyivu. 2 Sam. 12:6
2Loku a khamba gi kumiwa na gi panza, gi yiva, zonake gi dawa, a ku na nanzu ka loye a gi deleko.
3Kanilezi loku gi dayiwa na gi cile, i tava ni nanzu wa nkhata. Kasike a khamba gona gi ta riha; loku gi vumala zo riha ha zona, gi ta xabyiswa kasi ku riha wukamba ga gona.
4Loku a zilo lezi zi yibyilweko zi kumiwa mandleni yakwe na za ha hanya, hambu loku yi hi homu, kutani mbongola, kutani yivu, i ta riha hi ku wuyeta kambiri.
5Loku a munhu a gisela lomu masinwini, hambu loku gi hi simu ga xivina, zonake a tsika tihomu takwe ti yaga masinwini ya munwani, i ta riha hi pfuno wa simu gakwe, ni pfuno wa xivina xakwe.
6Loku a nhova yi hisa khwati, yi kala yi thapela masimu ya vambe yi hisa mavele, loyi a hisileko a nhova leyo i ta rihela zontlhe lezi zi swileko.
7Loku a munhu a veka a mali yakwe kutani zibya zakwe ka munwani kasi ku zi hlayisa, zonake zi yibyiwa lomu ndlwini yakwe, loku a khamba gi kumiwa gi ta riha hi ku wuyeta kumbiri.
8Loku a khamba gi nga kumiwi, a nwinyi wa yindlu i ta nehiwa mahlweni ka Nungungulu kasi ku tiva loku yena a nga yivangi a tshomba ya xaka gakwe.
9Loku yi hi mhaka, hambu ya lihi lixaka la nanzu wa homu, kutani wa mbongola, kutani wa yivu, kutani wa nguwo, kutani wa xilo xo karixi lahlekileko, va kanetana ha zona, kukanetana ka vanhu ku ta yiswa ka Nungungulu; loye Nungungulu a ta nga wula lezaku i na ni nanzu, yaloye i ta riha hi kuwuyetilweko kumbiri.
10Loku a munhu a fiseta a xaka gakwe a mbongola, kutani homu, kutani yivu, hambu ni xihi xifuyo, zonake xifa, kutani xi tshoveka a xiro, kutani xi yibyiwa, a nga woniwi loyi a yivileko;
11laho ku tava kona kuhlambanya Jehova xikari ka vanhu lava vambiri, ku ta tibyiwa lezaku hakunene a nga yivangi a xifuyo xa xaka gakwe; a nwinyi wa kona i ta vumela kuhlambanya loko, zonake a nga mu rihisi nchumu.
12Kanilezi loku xi yibyilwe kakwe, yena i ta rihela ka nwinyi wa xona.
13Loku xi delwe hi zivanza, i ta humesa lezi zi seleko, kasi ku maha wumboni; yena a nga ta rihela lexi xi delweko hi xivanza.
14Loku a munhu a lombile a xifuyo ka munwani, zonake xi ta tshoveka a xiro, kutani xifa, a nwinyi wa xona na a nga hi kona, i ta xi riha.
15Kasike loku a nwinyi wa xona a hi kona, a nga na ku xi riha; ntsena loku xi lombilwe hi hakhelo, i ta humesa yona hakhelo leyo.
16Loku amunhu a xengetela a nhwana loyi a nga tekwangiko, zonake a etlela naye, i fanele ku mu teka, a humesa a nzowolo ya kona.
17Loku a raru wa nhwana a ala ku mu nyika a nhwana wakwe, yena i ta riha hi tsengo wu ringanako ku lowota nhwana.
18U nga tsiki a xitumbe xa wasati xi hanya.
19Kani hi wihi a etlelako ni xifuyo i ta dawa.
20Loyi a khozelako munwani mingungulu ahandle ka Jehova, i ta dawa.
21U nga xanisi muluveli, hambu ku mu tsimbeketa, hakuva nwinawu mu wa hi valuveli tikweni ga le Gipite. Levi 19:33; Deut. 24:17
22Mu nga dzuki mu xanisa a noni, hambu ni nwanana wa xisiwana.
23Loku u va xanisa, vona va rila ka mina, mina nzi ta va ingisa futsi,
24zonake nzi ta zangara, nzi mu daya hi tlhari; kasi a vasati va nwina va maha tinoni, ni vanana va nwina va mahawu zisiwana.
25Loku u pembisa a mali ka munhu a vumalako xikari ka vanhu va mina, loye a tshamako na wena, u nga mahi hi ndlela yo mu rihisa bhinzu u nga pembisi kasi yi fela ku tlhela na yi engetelwe.
26Loku u teka a nguwo ya munwani hi kota ya nanzu wakwe ka wena, u ta yi tlhelisa a gambo na gi nga se nga pela.
27Hakuva a nga na kumba wunwani, hi xona a xifenengelo xa miri wakwe, makunu i ta fenengela yini? Hikwalaho loku a rila ka mina, mina nzi ta mu ingisa, hakuva nzi na ni tipswalo.
28U nga dzuki u xanza Nungungulu wa wena, ni kambe u nga rukateli a hosi ya nwina.
29U nga hlweli a ku humesa a munyikelo wa mavele ya wena, ni wa vinya ga wena. U ta nzi nyika a matewula ya vana va wena.
30U ta maha zalezo hi tihomu ta wena, ni tiyivu ta wena; zi ta tshama ni nyine wa zona ntlhanu wa masiku ni mambiri; hi siku ga wuntlhanu ni manharu mu ta zi nyikela ka mina.
31Nwina mu tava vanhu va mina va basileko: mu ngagi a nyama leyi yi hanzulweko khwatini hi zivanza, mu ta yi cukunyeta le timbyaneni. Ezek. 44:31
Currently Selected:
Eksodusi 22: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
