Eksodusi 25
25
1Jehova i lo wulawula ka Mosi, aku:
2Byela a vanana va ka Israel lezaku va nzi nehela a hlengo. Mu ta amukela a hlengo wa mina ka munhu ni munhu loye a humesako hi kuxalala.
3A hlengo lowu mu ta nga amukela ka vona i nzalama, ni siliva, ni suku;
4ni, nguwo ya wukuxe, ni yo zirila, ni yo pswhuka, ni ya wukene go basa, ni ya woya ga timbuti;
5ni mabhebhe ya tiyivu ma totilweko a tinta yo pswhuka, ni mabhebhe ya macalo, ni sinya ya munga;
6ni mafura ya tikandiya, ni mpepo yi patsilweko ni mafura yo tola, ni libani lo nuhela;
7ni maribye ya onikisi, ni maribye ma ta nga rungelwa lomu ka nguwo ya efode, ni ya nguwo ya laha xifuveni.
8A va nzi mahele a yindlu yo basa, kasi nza fela ku tshama xikari kabye.
9Mu ta maha a tabernakeli ni zibya zontlhe za gona khwatsi hi mufananiso lowu nzi ku kombisileko. A nghaxa ya xivumelwano.
10Va ta maha a nghaxa hi sinya ya munga. A kuleha ka yona ku tava mikono mimbiri ni khihlanya; a kuanama ka yona i nkono munwe ni khihlanya; kutlakuka ka yona i nkono munwe ni khihlanya.
11U ta yi nameketela hi nzalama yi basileko, u yi nameketa lahandle ni lomu nzeni; zonake u yi mehela a kwenge wa nzalama wu yi renzelekela.
12U ta fula mune wa zingwavila za nzalama lezi u ta nga zi mehela matlhelweni ya mune; zingwavila zimbiri hi tlhelo ginwe, ni zimbiri hi tlhelo ginwani.
13U ta yi mahela mipingo hi sinya ya munga, u yi nameketa hi nzalama;
14zonake u enghenisa a mipingo lomu ka zingwavila za lomu matlhelweni ya nghaxa, kasi ku rwala a nghaxa ha yona.
15A mipingo yi ta tshama lomu zingwavileni za nghaxa, yi nga susiwi.
16U ta veka lomu nghaxeni a Wumboni legi nzi ta nga ku nyika gona.
17U ta maha a xitshamu xa wuxinji hi nzalama yi basileko. A kuleha ka xona xi tava mikono mimbiri ni khihlanya, a kuanama ka xona i nkono munwe ni khihlanya.
18U ta maha makerubima mambiri hi nzalama leyi yi tlombilweko, lomu magumo ka xitshamu xa wuxinji hi matlhelo mambiri.
19U ta maha a kerubima hi magumo ya tlhelo ga seno, ni kerubima ginwani hi magumo ya tlhelo ga seniya; mu ta maha makerubima ma sukelako magunweni mambiri ya xitshamu xa wuxinji.
20A makerubima ma ta tshambuluta a tipapa ta wona le hehla, ma fenengeta a xitshamu xa wuxinji hi tipapa ta wona na ti xungetene, a tinghohe ta makerubima na ti cuwuka a xitshamu xa wuxinji. Maheb. 9:5
21U ta tlhateka a xitshamu xa wuxinji hehla ka arke, a nzeni ka gona u ta veka a Wumboni legi nzi ta nga ku nyika gona.
22Nzi ta ti wonekisa ka wena kwalomo hi le xitshanwini xa wuxinji, xikari ka makerubima lawa ma nga hehla ka nghaxa ya xivumelwano, nzi wulawula na wena hi zileletelo zontlhe lezi nzi ta nga zi nyika vaIsraeli ha wena.
A meza ya xibaba xa xikombiso.
23U ta maha a meza hi sinya ya munga. A kuleha ka yona ku tava mikono mimbiri, a kuanama ka yona ku tava nkono munwe, ni kutlakuka ka yona i nkono munwe ni khihlanya.
24U ta yi nameketela hi nzalama yi hlutilweko, u yi mahela a kwenge hi nzalama wu yi renzelekela.
25U ta yi mahela a kwenge wu ringanako a canja, zonake u wu nameketa hi nzalama matlhelo wontihe,
26U ta yi mahela a mune wa zingwavila za nzalama, zonake u ta veka a zingwavila ka mune wa magwitsi, lomu ka mune wa milenge ya meza.
27A zingwavila zi tava kusuhani ni kwenge, kasi ku enghenisa ka zona a pingo wa ku rwala ha wona a meza.
28U ta maha mipingo hi sinya ya munga, u yi nameketa hi nzalama, kasi ku rwala ha yona a meza.
29U ta maha mingelo ya kona, ni mingelwana, ni mikombe, ni magombe ya kona, kasi va chela ha zona; u zi maha hi nzalama yi hlutilweko.
30Laha mezeni u ta veka a zibaba za zikombiso, ziva kona wontihe masiku. A meza ya tikandiya.
31U ta maha a meza ya tikandiya hi nzalama yi hlutilweko; u ta yi maha hi nzalama yi tlombilweko, ni nenge wa yona, ni popi wa yona. A tikopo ta kona, ni matluka ni zitsangi zi ta patswa khatiginwe zi mehelwa laha ka yona.
32Ku ta huma a ntlhanu wa maravi ni ginwe hi lomu matlhelweni ya yona; maravi manharu hi tlhelo ginwe ga kandiya, ni maravi manharu hi tlhelo ginwani.
33A ka ravi ginwe ku tava ni tikopo tinharu to fanana ni zitsangi za almondi ka xitata xinwe, ni xivuvu ni xitsangi; ni ka ginwani ravi kambe ku tava ni tikopo tinharu to fanana ni zitsangi za almondi ka xitata xinwe, ni xivuvu ni xitsangi; zi tava tano ka ntlhanu wa maravi ni ginwe ma humako ka kandiya.
34Laha tshinyeni ga meza ya tikandiya ku tava ni mune wa tikopo to fanana ni xitsangi xa almondi, zinwe ni zivuvu ni zitsangi.
35A xivuvu xinwe xi tava lahasi ka maravi mambiri, lexi xi humako ka kandiya a ku ecanyisa a ntlhanu wa maravi ni ginwe ya kandiya.
36A zivuvu ni maravi zi ta huma hi ka yona: xi tava xilo xinwe xi mahilweko hi nzalama yi tlombilweko, yo hatima.
37U ta yi mahela a ntlhanu wa tikandiya ni timbiri; zonake va ta tihomeka a tikandiya ta kona le hehla ka yona, ti ta woningela a tlhelo ga le mahlweni ka yona.
38A zitimo za yona ni mingelo ya khuma, zi mahiwa hi nzalama yi basileko.
39A meza ya tikandiya ni zontlhe zibya za yona zi ta mahiwa hi talenta ya nzalama yi basileko.
40Chela kota lezaku u zi maha hi mufananiso lowu nzi nga ku kombisa le xitsungeni. Miti. 7:44; Maheb. 8:5
Currently Selected:
Eksodusi 25: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
