YUHANI 2
2
Na mbabu nika la Kana
1Pa-là ngangu dà mbu lodu ningu mambabu nika la paraingu Kana la tana Nggalilia, ninya lai nu na inana i Yehu. 2Pa-dundangu-mbuya la mbabu nuna i Yehu dà ngu da papanau-na. 3Ba nanjà pu-ka na wai angguru, napanii-nya i Yehu paraïna inana, “Nanjà pu-njaka ni wai angguru,” wà nanya.
4Nanapa-ya i Yehu, “Àmbu parà ha-dungga ina, ndedi jia-aya duku na rehi pa-lohangu-nggu wikinggu,” wà nanya.
5Tà ka na inana i Yehu napanii-nja da ma-paloku, “Nunju biaya jà ka nggà raya na papanii-nanggai, ai!” wà nanja.
6Lai nu ninja ba nomu mbuada da mbà lu da pa-payemangu ka baha wà ngu wihi pa-namatu-nya na huri Yahundi. Rà kangu hangahu litaru ihida nimbuhu-da. 7Napanii-nja da ma-paloku i Yehu, “Tunja ihida nida da mbà lu,” wà nanja. Ka paihi-danjaka wai lundu dambinu. 8Hi napanii-nja paraïna i Yehu, “Takunya hakudu na ngora mbabu kai ngà ndinya,” wà nanja. Ka ngà ndi-danyaka nu na wai la ngora mbabu 9tà ka hi na-tupuku-ya nu na wai na mambà da pambeli-ya wai angguru. (Nda na pianya jà ka nggi weli nina nuna na wai angguru, mbulungu da ma-paloku, da ma-paihi-nja da mbà lua da mapiinya.) Tà ka na ngora mbabu hi nalua lihinya na bidi papa mini, 10hi napanii-nya, “Na pakà li wà nguma duna là ti, wua mangilu-nyapa duna wai angguru mahà mu halawà la na ariyaa, jà ka hoda-daka pa-unungu, hina duka hi mangu pawua-nya wai angguru marà ka-ana. Tà ka nyumu dumu pahà mu bia-munyai lundu nà hu na wai angguru na mahà mu halawà la!” wà nanya.
11Nunaya na pa-hangĂ tarungu na pa-kawunga wundana i Yehu. Nuna nu la Kana nawunda niya la tana Nggalilia. Na tanda nuna jiaya na pa-pajiliku wĂ nanya na mangunju-na. Ka pawai-danyaka lai Nyuna da papanau-na.
12HĂ laka nu laku-nanyaka la Kapinaumu i Yehu dĂ ngu na inana, da anguna paluhu, hamangui da papanau-na. Nda pira mbua lodu-ada ba da-ndĂ diku lai nu.
Na tamana la Umana i Miri i Miri Yehu
(Mat. 21:12-13; Mrk. 11:15-17; Luk. 19:45-46)
13Ba na-mareni-ka na Lodu Remi Paha tau Yahundi, lua-nanyaka la Yeruhali i Yehu. 14Ka toma-nanjaka la Umana i Miri la Yeruhali da ma-danggangu hapi, mbimbi dà ngu kulundiha; hamanai da manjepa à mahu da ma-mandapu lai nu. 15Ka puti-nanyaka liku rà mbahu i Yehu, hi nawà ngga ndà baha nuda da banda welingu la Umana i Miri, nu da mbimbi hamangui da hapi. Na-kabeli-ha da menjada da manjepa à mahu hi da-tanyalangu la nggi - nggi da à mahu-da. 16Hi napanii-nja da ma-danggangu kulundiha, “Ngà ndi hà laha yiada welingu lai yiahu. Àmbi tuya ngia pabili batu na Umana na Amanggu!” wà nanja. 17Ka namu-danyaka paraï da papanau-na na maninya la Huratu Matua, “Nambuha-nggunya na Umamu, ou Ala, na-hajiuru-ya na etinggu,” na mawà na.
18Da liku uru Yahundi da-ndubaku-ya i Yehu, “Kamangu nu kau wunda pa-hangà tarungu, ka jiaya na tanda ndumama nyuma ba ningu wai ngabamu Nyumu la patumu nu,” wà danya.
19Nanapa-ya i Yehu, “Nyungguru-ya yiana na Uma, napa ku-pahada belinya la tailu mbua lodu,” wà nanja.
20Hi dapanii, “Patu kambulu nomu mbua ndaungu mandaina ba pahada-nya yiana na Umana i Miri. Tà ka Nyumu pà ku dumu ka ku-pahada belinya la tailu mbua lodu, wà mu?” wà danya.
21Na nyuna na Umana i Miri na palaana i Yehu, jiaya na wikina duna. 22Ba tuna la lodu malamiri, ba pahada beli-nyaka i Yehu welingu la meti, namu-danyaka paraĂŻ da papanau-na, ba mbĂ da panii-nanyaka nuna. Ka wai-danyaka nu na pa-tulihu la Huratu Matua dĂ ngu nu na papanii-na i Yehu.
Natanda ndĂ baya na tau i Miri Yehu
23Ba la Yeruhali-ya i Yehu, nu ba Mbabunya na Paha, nadangu na tau na mawaiya Nyuna rukuda da pa-hangĂ tarungu pawunda-na. 24TĂ ka nda na-pajia-aha paraĂŻna i Yehu, nadu ba natanda ndĂ ba-maya duna na tauka. 25Nda nggĂ ra naihi wĂ ngua tau ma-kaloka-nya Nyuna rukuna na tau, ba pi wiki-mananya duna na wini eti tau.
Currently Selected:
YUHANI 2: KAM
Highlight
Share
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
