YUHANI 5
5
Na ma-mĂ laru la ngia paihu la MbatendĂ hu
1Tunaka nu ba jia-yaka na rehi mbabu tau Yahundi lua-nanyaka la Yeruhali i Yehu. 2Nu la lihina la “Pindu Mbimbi” la Yeruhali ninya na hau ngia paihu,#lihina la “Pindu Mbimbi” ninya na hau ngia paihu; jà ka ndia: la lihi “Karobaku Wai Mbimbi” ninya na hau pangia. Mbatendà hu#Mbatendà hu; da lawiti ndai da manda pirada: Mbetuhata. wà danya la hilu Imbarani. Lai nu lima mbuada da kawindu-na. 3Nadangu lai nu na tau mahidu ma-tanggunggulu la kawindu - kawindu-na; ningu mapoki, ningu ma-kanjiku, dà ngu ningu ma-kaliparu. [Nyuda mbuu ndà bada patia-danya na kanggà buku-na na wai. 4Nadu talà nga handà ka-na napuru na papalewa-na i Miri la ngia paihu hi na-kunggalu-nya na waina. Tà ka na tau mahidu na mapuru mangilu la ngia paihu ba talà nga kanggà buku-na na wai, na-mà laru-ma duna jiapa ka nggà ra hiduna-kadu.] 5Lai nu ninya na haà tu tau mini na mambà da tailu kambulu walu mbua ndauna pahidu. 6Naita-ya tanggunggulu-na lai nu paraïna i Yehu, dà ngu napi-manya ba dira mandai-manaka pahidu; hi na-paà ra-nya paraïna i Yehu, “Mà la umbuhangu dumu pa-mà laru?” wà nanya.
7Nahema na tau mahidu, “Umbu, nda ningua tau yiahu mapuhi-ka la ngia paihu jà ka na kanggà buku na waina. Tà ka ba talà nga hanà hu-nggu la ngia paihu, mbà da mangilu-nanggaka tau hawiangu patama,” wà nanya.
8Ka panii-nanyaka i Yehu, “Hadangu-wa, dandanja da topumu kau laku,” wà nanya. 9Ka mà laru memangu madua-nanyaka hi nadanda-nja da topuna hi nalaku.
Nu lodu Hangahu-ya. 10Ba tuna ka panii-danyaka da liku uru Yahundi, “Ka ni hi lodu Hangahu-ya nà hu, nda ukua là ti pangà ndi-ha da topumu,” wà danya.
11Tà ka hi nahema nu na tau, “Na tau ma-pamà laru-ka ni kawai na ma-parà ha-ngga padanda-nja da topunggu la palaku,” wà nanja.
12“Ka nggamuya duna nu na tau na ma-parà ha-nggau pa-dandangu topumu la palaku?” wà da na paà ra-danya.
13TĂ ka nu na tau na ma-mĂ laru nda napi-anya jĂ ka nggamuya nu na tau, maa ba mbĂ da pa-kambelingu-naka i Yehu la honga tau dangu.
14La hambeli-na nu na-jà ngapu-ya nu na tau paraïna i Yehu la Umana i Miri, hi napanii-nya, “Nà hu mà laru-munyaka, à mbu hili wunda-dupa manjala, ka à mbu nanggà na-kau marihi mbotu,” wà nanya.
15Ka lua-nanyaka nu na tau papanii-nja da liku uru Yahundi ba i Yehu na ma-pamĂ laru-ya. 16Tuna nuduka hi kiri wuku-danya ka pa-handuka-ya i Yehu, rukuna ba na-pamĂ laru tau la lodu Hangahu.
17Ka panii-nanjaka paraïna i Yehu, “Na Amanggu rà ma pangalangu-mananya duna lundu nà hu, tuumbuna Nyungga ba kurà ma,” wà nanja.
18Rukuna na kareuku nuna-duka hi da-parukangu da liku uru Yahundi pahimbu-nya wihuna ka pameti-ya i Yehu ba wĂ da. Hi kiri tudanya nu nda mbulungu biana ba napangga-ya na kalaratu anggama rukuna na lodu Hangahu, tĂ ka jia-mbuya, Ama-nggunya i Ala ba wĂ na; nu pa-hamangu-duna-nyaka wikina dĂ ngu i Ala, wĂ danya.
Na kawaha-na i Ana
19Tuna nu ba nahema-ha nuda da tau paraïna i Yehu, “Langatà ka ka kupeka-nggai, nda peku-ana la pawà ngu eti wikina i Ana la pawunda ngga - nggà ra. Na paita-na la pawunda-na na Amana, jia-aya duna na pawunda-na. Nadu jà ka nggà raya na pawunda-na i Ama, tuna numbu na pawunda-na i Ana. 20Nadu ba nambuha-nya i Ana paraïna i Ama, hi na-paita-nya mbuu ndà bada da pawunda wikina. Jiapa na-paita-mbunyaipa napa da pawunda-na da marihi-nja yiada, hi lupa ihangà taru nyimi. 21I Ama na-pahadangu mameti, hi nawua-nja luri na ma-langatà ka dà ngu na ma-palupangu; tuna numbu i Ana ba nawua-nja luri ma-palupangu da tau da pa-wuangu luri ba wà na. 22Nyuna wiki i Ama nda haà tu-a duna pa-patanda-na wai ngera. Na kawaha la pa-patandangu wai ngera, mbà da pakata hà la-nanyaka la Anana. 23Hi tuna nu i Ama mà ta ka natembi ndà baya tau i Ana, hama tuna ba datembi-ya i Ama, wà na. Na tau manda tembiya i Ana, nda tembi-mbunanya i Ama na ma-palewa-ya i Ana.
24Langatà ka ma-deningu-maha da papanii-nggu: Na tau na maeti wà nja da papanii-nggu, dà ngu na mawaiya nu na Mapalewa-ka, mangu-nanyaka duna na luri na ma-langatà ka dà ngu na ma-palupangu. Nda pahuku-anyapa; pahà langu-nanyaka duna welingu la meti hi na-ngalangu luri. 25Langatà ka-manggunya: Napa ningu rehina – dà ngu rehi-mana-nyaka nà hu – da tau da mameti napa darongu-ya na talia liina na Anana i Ala. Tà ka da tau da marongu-ya napa daluri. 26Nadu hama tuna i Ama wiki ba ngia paweli luriya, tunanya numbu ba natuya i Ana ka ngia paweli luriya. 27Mbà da pawai ngaba-nanyaka na Anana la pa-patandangu wai ngera, maa ba Ana Tau-duya. 28Àmbi hangà taru-du bai ronguya yiana, nadu ba ningu rehina napa, mbuu ndà bana na tau na mambà da meti ba darongu-ya na talia liina, 29hi daluhu welingu la reti. Da tau da mambà da wunda mahà mu hadangu dà nya la luri. Tà ka da tau da mambà da wunda ma-akatu hadangu-danya ka hukunja,” wà nanja.
Da mbuti rukuna i Yehu
30“Nda nggà ra-a duku pawunda-nggu la pambuha eti wikinggu. Ba ku-patandangu wai ngera, pa-namatungu-nggunya la hupu liina i Ala-ma-a. Tà ka na botangu-nggu namola, nadu ba nda ku-namatu niaya duku na pambuha wikinggu, ba jiaya na pambuha-na i Ama-ma-a duku na ma-palewa-ka.
31Ngera hama tuna jĂ ka ku-hakahiingu wikinggu nda peku-ana la pawaiya nu na pa-hakahiingu-nggu. 32Na nyuna nimanya duna na haĂ tu na ma-hakahii-nya na rukunggu Nyungga, dĂ ngu kupi-manya duku ba ma-deningu-maya na pa-hakahiingu-na. 33MbĂ da parĂ hangu-mika tau palua lai Yuhani, tĂ ka mbĂ da hakahii-nanyaka na rukunggu Nyungga la ma-padeningu. 34Hi kiri panii-nggunya yiana, keha ka na-hakahii-ngga tau nda wĂ nggua, tĂ ka mĂ ta ka peku pamĂ na-nja nyuda wĂ nggunggai. 35I Yuhani hama palita maroka-ya na ma-handarakungu hambila-na. Nda nggi tuana mandaina bai mbaha etinya na hambila-na. 36TĂ ka narihi-pa duku na pa-hakahiingu-nggu Nyungga welingu la pa-hakahiingu-na i Yuhani. Da pawunda-nggu nĂ hu, nu da parĂ ma ba wĂ nangga i Ama, jiaha da mbuti ba i Ama na mambĂ da palewa-ka. 37TĂ ka i Ama na ma-palewa-ka na hakahii-mbunya na rukunggu Nyungga. Ndedi ihandĂ kangu-a nyimi parongu-ya na talia liina jĂ ka ndia paita-ya na matana. 38Da papanii-na ndai pakĂ pa-aya la etimi, maa ba ndai wai-duka Nyungga papalewa-na Nyuna. 39Mimanginjiru-ya na Huratu Matua rukuna nakaka-minya ba tunda nu jiaya na pangala wĂ ndanya na luri na ma-langatĂ ka dĂ ngu na ma-palupangu, ba wĂ midui. TĂ ka jiaya na Huratu Matua-maka lĂ ti na ma-hakahii-nya na rukunggu Nyungga. 40Ba tuna ndai bihua pamai lai Nyungga la pangala-nya na luri ma-palupangu.
41Keha ka natembi-ka tau nda wà nggua. 42Kutanda-makai. Kupi-manggai ba ndai mbuhanya i Ala daa la etimi. 43Mai ngà ndi-nggunya na kawaha-na na Amanggu, tà ka ba tuna ndai yema-aka. Na nyuna jà ka ningu tau hawiangu na mamai ngà ndi kawaha wikina, jia niyai na payema-mi. 44Nggiki hama pawai-mika, keha ka natembi-ta angunda jà ka wà mi, tà ka hi ndai pamukarungu ka natembi-kai paraïna i Ala Kamehangu? 45Àmbi kaka duya ba Nyungga napa makà la-kai la hanggana i Ama. Hi jiaya i Muha duna na makà la-kai, nu i Muha na pamonu-mi. 46Jà ka iwaiya là ti i Muha, jiangu-ma là ti bai waika Nyungga, maa ba jiaya na rukunggu Nyunggadu na pa-tulihu-na. 47Tà ka jà ka ndai wai-maduha da pa-tulihu-na i Muha, nggiki hama wai-mihaka da papanii-nggu Nyungga?” wà nanja.
Currently Selected:
YUHANI 5: KAM
Highlight
Share
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
