Nkanee 32
32
Jordan Esuogya Ebusuakuw
(Deuteronomi 3.12-22)
1Afei Reubenmba nye Gadmba no wɔ ofiembowa dodow a wɔdɔɔ so kɛsenara: na aber a wohun Jazer, nye Gilead asaase no, na hwɛ, bea no fata ofiembowa bea no; 2Wɔbae bɛkaa kyerɛɛ Moses, nye ɔsɔfo Eleazar, nye mboanofo no mu mbapɔmba no dɛ, 3Atarot, nye Dibon, nye Jazer, nye Nimra, nye Hesbon, nye Eleale, nye Sebam, nye Nebo, nye Beon, 4asaase a EWURADZE bɔɔ no wɔ Israel mboanofo no enyim no, yɛ asaase a oye ma mbowanyɛn, na wo nkowaa so wɔ ofiembowa. 5Na wɔsee dɛ, Sɛ yeenya w’enyim enyimnyam a, ma wɔmfa asaase yi mma wo nkowaa ma yɛmfa; mma mmfa hɛn nntwa Jordan. 6Na Moses see Gadmba nye Reubenmba no dɛ, Aso hom nuanom nkɔ ɔsa, na hom ntsena ha? 7Na ɔyɛ dɛn ntsi na hom tu Israelmba akoma dɛ mma wonntwa nnkɔ asaase a EWURADZE dze ama hɔn no do yi? 8Dɛm na hom egyanom yɛe, wɔ aber a mosomaa hɔn fii Kades-barnea dɛ wɔnkɔhwɛ asaase no. 9Na aber a wɔfowee kɔr Eskol mbɔnsa mu, na wohun asaase no, wobotuu Israelmba no hɔn akoma dɛ mma wɔnnkɔ asaase a EWURADZE dze ama hɔn no do. 10Na EWURADZE ebufuw dzɛɛw da no, na ɔkaa ntam dɛ, 11Ampaara mbanyin a wofi Egypt bae no a woedzi mfe eduonu nye ekyir no mu biara runnhu asaase a mekaa ho ntam mekyerɛɛ Abraham, nye Isaak, nye Jakob no; osiandɛ woennwie m’ekyir dzi: 12gyedɛ Keniznyi Jefune ne babanyin Kaleb, nye Nun ne babanyin Josua: osiandɛ hɔn na woedzi EWURADZE ekyir nokwar mu. 13Na EWURADZE ebufuw dzɛɛw Israel do, na ɔmaa wokekyiin sar no do mfe eduanan, ma okodur dɛ ebusuasantsen no a wɔyɛɛ bɔn wɔ EWURADZE enyim no nyinara hyewee. 14Na, hwɛ, hom asoɛr egyina hom egyanom ananmu, ndzebɔnyɛfo asefo, dɛ hom da ho araa dze EWURADZE n’ebufuhyew no reba Israel do. 15Na sɛ hom dan fi n’ekyir a, ɔbɛda ho ara adan hɔn egya wɔ sar no do; na hom asɛɛ ɔman yi nyinara. 16Na wɔbaa ne nkyɛn bɛsee dɛ, Nguamban na yɛbɛgyegye ama hɛn ofiembowa wɔ ha, na nkurow so yɛbɛkyekyer ama hɛn mbofraba: 17na hɛnankasa dze hɛn ho bɛyɛ har yeemia edzi Israelmba enyim, ekodu dɛ yɛdze hɔn bɔkɔ ekodu hɔn tsenabew ana: na hɛn mbofraba no ntsenatsena nkurow a wɔagye ho ban mu osian asaase no do atsefo no ntsi. 18Yɛrennsan mmba hɛn efiefi, gyedɛ Israelmba ɔbanyin biara enya egyapadze edzi ana. 19Na yɛnnye hɔn remmfa enyadze wɔ Jordan egya, ɔdze kɔ no; osiandɛ hɛn egyapadze ebefir hɛn Jordan nkyɛn ha boka afamu. 20Na Moses see hɔn dɛ, Sɛ hom bɛyɛ iyi; sɛ hom bemia homho wɔ EWURADZE enyim akɔ ɔsa, 21na hom mu nyimpa biara a oemia botwa Jordan edzi EWURADZE enyim, ekodu dɛ ɔbɛpam n’atamfo efi n’enyim 22na wɔabrɛ asaase no adze wɔ EWURADZE enyim a: nna n’ekyir no hom bɛsan na hom edzi bem wɔ EWURADZE nye Israelmba ho; na asaase yi nyɛ hom enyadze wɔ EWURADZE enyim. 23Na sɛ hom annyɛ dɛm a, hwɛ hom ayɛ bɔn etsia EWURADZE: na hom nhu dɛ hom bɔn beyi hom ama. 24Hom nkyekyer nkurow mma hom mbofraba, na nguamban mma hom nguan; na hom nyɛ dza efi hom anomu epue no. 25Na Gadmba nye Reubenmba no kasaa kyerɛɛ Moses dɛ, Wo nkowaa bɛyɛ dɛ mbrɛ mo wura ahyɛ no. 26Hɛn mbofraba hɛn yernom hɛn nguankuw, nye hɛn ofiembowa nyinara, bɛtsena Gilead nkurow no mu hɔ: 27na wo nkowaa dze, ɔbanyin biara a oemia rokɔ ɔsa no, botwa mu wɔ EWURADZE enyim akɔko dɛ mbrɛ mo wura aka no.
28Nna Moses dze hɔn ho mbra maa ɔsɔfo Eleazar, nye Nun ne babanyin Josua, nye Israelmba ebusuakuw ebusuakuw mu egyanom efi do etsitsir no. 29Na Moses see hɔn dɛ, Sɛ Gadmba nye Reubenmba nye hom twa Jordan, ɔbanyin biara a oemia dzi EWURADZE enyim rokɔko no, na wɔbrɛ asaase no adze wɔ hom enyim a; ɔno hom mfa Gilead asaase mma hɔn ma wɔmfa: 30na sɛ woemmia nye hom enntwa a, ɔnodze wɔmma wonnya enyadze wɔ hom mu wɔ Keenan asaase do. 31Na Gadmba nye Reubenmba no buaa dɛ, Dɛ mbrɛ EWURADZE aka akyerɛ wo nkowaa no, dɛmara na yɛbɛyɛ. 32Yebemia wɔ EWURADZE enyim etwa mu akɔ Keenan asaase do, na hɛn egyapadze a yeenya no wɔ Jordan egya ha no ako hɛn hɔ. 33Na Moses dze Amorifo hen Sihon n’ahendzi, nye Basanhen Ɔge n’ahendzi, asaase no, dɛ mbrɛ no do nkurow nye no ntoaado tsetsee no, mekyerɛ asaase no do nkurow a ehyia do no, maa hɔn, mekyerɛ Gadmba, nye Reubenmba, nye Josef ne babanyin Manaasɛ n’ebusuakuw ɔfa no a. 34Na Gadmba no kyekyeer Dibon, nye Atarot, nye Aroer; 35nye Atroth-sofan, nye Jazer, nye Jogbeha; 36nye Bɛt-nimra, nye Bɛt-haran: nkurow a wɔagyegye ho ban, nye nguamban. 37Na Reubenmba no kyekyeer Hesbon, nye Eleale, nye Kiriataim; 38nye Nebo, nye Baal-meon, (hɔn edzin no sakyesakyeree), nye Sibma: na wɔdze edzin fofor totoo nkurow a wɔkyekyeree no. 39Na Manaasɛ ne babanyin Makir mba no sii mu Gilead, na wɔkɛfae, na wotuu Amorifo a wɔwɔ mu hɔ no. 40Na Moses dze Gilead maa Manaasɛ ne babanyin Makir; na ɔtsenaa mu. 41Na Manaasɛ ne babanyin Jair sii mu kɛfaa no nkurow no na ɔfrɛɛ no Havot-jair. 42Na Noba sii mu kɛfaa Kenat, nye no nkuroba, na ɔfrɛɛ no Noba, dɛ mbrɛ nankasa ne dzin no tse.
Currently Selected:
Nkanee 32: MFANBRP
Highlight
Copy
Compare
Share
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.