Nkanee NHƐNMU
NHƐNMU
Nkanee anaadɛ Sar Do Akwantu nwoma no ka abakɔsɛm a ɔfa Israelmba no hɔn mfe eduanan a wɔdze twaa kwan fii Sinai Bepɔw ho dze kodur anohoba asaase no ne he do wɔ boka afamu no ho asɛm. Sar Do Akwantu nwoma no ka Israelmba hɔn abakɔsɛm no mu fa tsitsir bi ho asɛm. Ɔfa kan a Moses kaan Israelmba no hun hɔn dodow wɔ Sinai Bepɔw no ho ana worutu efi hɔ akɔ no ho. Ɔsanee kaan hɔn bio wɔ Moab asaase do wɔ esutsen Jordan afamu mfe eduasa ekyir. Israelmba dze mber a ɔda nyimpakan a odzi kan na dza otsia ebien no ntamu no kodur Kades Barnea wɔ Keenan anaafo afamu tɔnn; naaso woenntum ammfa hɔ annkɔ anohoba asaase no do. Wɔtsenaa Kades Barnea kyɛree ara yie ana worututu do akɔ asaase a ɔda esutsen Jordan no boka afamu no do. Ha na hɔn mu binom tsenaa afebɔɔ, na hɔn a wɔaka no so boaboaa hɔn ho twaa esutsen no kɔr Keenan.
Sar Do Akwantu nwoma no ka ɔman bi a mpɛn pii wohyiaa amandzehu ma wosuroo yie ma wɔpaa abaw no ho asɛm. Wɔtseew Nyankopɔn na Moses a Nyankopɔn yii no dɛ ondzi hɔn enyim no do etua. Israelmba hɔn mberɛwyɛ na asoɔdzen nyina ekyir no, Nyankopɔn dzii nokwar maa hɔn hwɛɛ hɔn do daa nyina. Ɔka Moses no nokwardzi ho asɛm dɛmara. Ɔwɔ mu dɛ ɔtɔfabi a, Moses nntum nnya abotar dze, naaso oyii ne yamu soom Nyankopɔn na ne mamfoo wɔ nokwar mu.
Dza Ɔwɔ Mu
Israelmba boaboa hɔn ho tu fi Sinai Bepɔw no ho 1.1—9.23
1. Nyimpakan no 1.1—4.49
2. Mbra na nhyehyɛɛ ahorow 5.1—8.26
3. Apaho Afahyɛ a ɔtɔ do ebien 9.1-23
Ofi Sinai Bepɔw do kɔ Moab 10.1—21.35
Dza osii wɔ Moab asaase do 22.1—32.42
Akwantu a ofi Egypt kɔ Moab mu nsɛm no mbubudo 33.1-49
Dza wɔkyerɛɛ hɔn dɛ wɔnyɛ ana woetwa esutsen Jordan 33.50—36.13
Currently Selected:
Nkanee NHƐNMU: MFANBRP
Highlight
Copy
Compare
Share
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.