Ai 1

Masendi mi Juisraeli i Ng’om Misiri

1 # Tha 46:8-27 Nwang’u maeni gi nying wot Israel, m’ubino i Misiri (ku ba dhanu ceke ku juode gibino ku Yakobogi): 2Ruben, ku Simeon, man Lawi, ku Yuda, 3Isakar, ku Zebulun, man Benyamin, 4Dan ku Naftali, man Gad kud Acer. 5Man ng’eyong’ec ceke m’uai i pier Yakobo gi ng’eyong’ec pier abiro: nwang’u dong’ Yusuf ni i Misiri. 6Man Yusuf utho, ku utumin mire ceke, ku dhanum’utuk maeca ceke. 7#Tic 7:17E nyithindho mir Israel ginyai, man gimedri dit, e welgi doko dupa, man tego migi doko dit hai; e ng’om upong’ kugi.

8 # Tic 7:18 Nie ubimo ma nyen uwok wi Misiri, m’ung’eyo Yusuf ungo. 9Man ewacu ni dhanu pare kumae, Nen, dhanu mi nyithindho mir Israel welgi ku tego migi sagu mwa: 10#Tic 7:19wubin, wek watimu ku rieko i kumgi, gimaru nyai dit, man emaru timbre, nia, kinde ma ali moko wok, gin bende gimaru ci ribri ku judegi mwa, man gikied kudwa, man giai kud i ng’ombuni. 11Ka kumeno giketho juwitic i wigi kara usendgi ku ter migi. Man gigomo adhura mi kanupiny Pithom ku Ramses, ni Farao. 12Ento kadok gisendogi, de gimedri ma sagu man gimoiri foo. Man lembe ton i igi kum nyithindho mir Israel. 13Man Jumisiri giketho nyithindho mir Israel gitim ma tek: 14e giketho bedo migi bedo rac ku tic ma tek, mir ulobo man biriki, man ku tic ceke de ma kwonde tung’ tung’ i thim, en e tic migi ceke, ma giketho gitimo ma tek i ie.

15Man ubimo mi Misiri yero ni jucolmon mi Juebrania, ma nying’ ng’atu acel m’i kindgi en e Cifra, man nying’ mucelo Pua: 16man ewacu kumae, Kinde ma wubecolo mon mi Juebrania, man wuneno gibenyol; tek en e nico, e wubinege; ento tek en e nyaku, e ebibedo kwo. 17Ento jucolmon gilworo Mungu, man gitimo calu ubimo mi Misiri ng’olo igi ngo, ento gibodho nyithindho ma co ma kwo. 18Man ubimo mi Misiri lwong’o jucolmon, man ewacu igi kumae, Nedi wutimo gin maeni, man wubodho nyithindho ma co ma kwo? 19Man jucolmon giwacu ni Farao kumae, Kum mon mi Juebrania gi calu mon mi Jumisiri ngo; kum gi tek, man ginyol ma fodi jucolmon kubino i bang’gi ngo. 20E Mungu timo ber ba jucolmon: man dhanu medre, e gidoko dit apila. 21Man etimbre, kum jucolmon ulworo Mungu, nia eketho udi migi cungo. 22#Tic 7:19Man Farao ng’olo ni dhanu pare ceke, ewacu kumae, Ku ba nyithindho ma co ceke ma junyolo wubibologi i kulo, man ku ba nyithindho ma nyir ceke wubiweko gibedo kwo.

Currently Selected:

Ai 1: AB1970

Highlight

Copy