Ai 6

1Man Yehova wacu ni Musa kumae, Kawono ibineno gin m’abitimo kum Farao; kum ebiweko gicidho ni kum cing’ ma tek, man ebixiemogi woko kud i ng’om pare ni kum cing’ ma tek.

Mungu Nyuthve ni Musa Kendo

2 # Tha 17:1; 28:3; 35:11; Ai 3:13-15 Man Mungu yero ni Musa, man ewacu ire kumae, An a Yehova: 3man anyuthra ni Ibrahim, ni Isak, man ni Yakobo, calu Mungu ma Jategokpo; ento ang’eira igi ngo ku nyinga ma Yehova. 4Man aketho lembariba para cungo kugi, ya ami igi ng’om Kanan, ng’om mir umondo migi, ma gibedo ni umondo i ie. 5Man mange ke awinjo cur mi nyithindho mir Israel, ma Junaisiri ketho gibedo i ng’eca; man apoi kum lembariba para. 6Kum kumeno wac ni nyithindho mir Israel kumae, An a Yehova, man abiwodhowu woko ku the ter mi Jumisiri, man abibodhowu kud i ng’eca migi, man abiwaruwu ku bot m’arieya, man ku pokolembe ma dit: 7man abigamuwu i bang’a ni dhanu, man abibedo iwu ni Mungu; e wubing’eyo nia an a Yehova Mungu mu, m’uwodhowu woko ku the ter mi Jumisiri. 8Man abikelowu i ng’om m’ating’o cinga pire ya amie ni Ibrahim, ni Isak, man ni Yakobo; man abimie iwu ni aba: an a Yehova. 9E Musa yero kumeni ni nyithindho mir Israel: ento giwinjo dwand Musa ngo ni kum can mi cwiny, man kum ng’eca ma tek.

10E Yehova yero ni Musa, ewacu kumae, 11Mondi, iwac ni Farao m’ubimo mi Misiri, ya ewek nyithindho mir Israel giai i ng’om pare. 12E Musa yero i wang’ Yehova, ewacu kumae, Nen, nyithindho mir Israel giwinjo dwanda ngo; e ka Farao ke biwinja nenedi, an ma yaa mbe i dendhoga? 13Man Yehova yero ni Musa man ni Harun, man emio igi lembang’ola ni nyithindho mir Israel, man ni Farao m’ubimo mi Misiri, ya uwodh nyithindho mir Israel kud i ng’om Misiri.

Thekwaru pa Musa giku Harun

14Maeni wi juudi pa weggi. Wot Ruben ma kayu mir Israel gi eni: Hanok, man Palu, man Hezron, ku Karmi; maeni gi wat pa Ruben. 15Man wot Simeon gi eni: Yemuel, man Yamin, man Ohad, man Yakin, man Zohar, man Caul ma wod dhaku ma Nyakanani; maeni gi wat pa Simeon. 16#Wel 3:17-20; 26:57, 58; 1 Kei 6:16-19Man maeni gi nying’ wot Lawi calku dhanum’utuk migi: Gercon, man Kohath, man Merari; man rundi mi camung’om pa Lawi en e rundi dak acel ku pier adek wi abiro. 17Wot Gercon gi eni: Libni ku Cimei, calku wat migi. 18Man wot Kohath gi eni: Amram, man Izhar, ku Hebron, man Uziel; man rundi mi camung’om pa Kohath en e rundi dak acel ku pier adek wi adek. 19Man wot Merari gi eni: Mali ku Muci. Maeni gi wat mi Julawi calku dhanum’utuk migi. 20Man Amram ugamu Yokebed ma nyamin won ni dhaku; man enyolo ire Harun giku Musa: man rundi mi camung’om pa Amram en e rundi dak acel ku pier adek wi abiro. 21Man wod Izhar gi eni: Kora, man Nefeg, ku Zikri. 22Man wot Uziel gi eni: Micael, man Elzafan, ku Sithri. 23Man Harun ugamu Eliceba, ma nyar Aminadab, ma nyamin Nacon, ni dhaku; man enyolo ire Nadab kud Abihu, man Eleazar ku Ithamar. 24Man wot Kora gi eni: Asir, man Elkana, kud Abiasaf; maeni gi wat mi Jukorahi. 25Man Eleazar ma wod Harun ugamu ire kind nyig Putiel acel ni dhaku; man enyolo ire Finehaz. Maeni gi judongo mi Julawi ma wi juudi pa weggi calku wat migi. 26Maeni gi Harun ku Musa maeno, ma Yehova wacu igi kumae, Wuwodh nyithindho mir Israel woko kud i ng’om Misiri calkud udulgi. 27Maeni gi ju ma giyero ni Farao m’ubimo mi Misiri, ya uwodh nyithindho mir Israel kud i Misiri: maeni gi Musa ku Harun maeno.

Lembang’ola pa Yehova ba Musa giku Harun

28Maeni timbre i nindo ma Yehova yero ie lembe ni Musa i ng’om Misiri, 29nia Yehova yero ni Musa, ewacu kumae, An a Yehova: yer lembe ceke m’ayero iri ni Farao m’ubimo mi Misiri. 30Man Musa wacu kumae i wang’ Yehova, Nen, an a ng’atu ma yaa mbe i dendhoga, ka Farao ke biwinja nenedi?

Currently Selected:

Ai 6: AB1970

Highlight

Copy