Yohana 17

Kwac pa Yesu pi Julubne

1Yesu yero gin maeni; e eng’ayu wang’e malu de i polo, ewacu kumae, Vwa, saa daru wok; yung Wodi, kara Wodi de yungi: 2cil calu imio ire ng’ol wi kum nzu, kara emi kwo ma rondo ku rondo ni ceke m’imio ire. 3E kwo ma rondo ku rondone e eni, nia ging’ei in m’i Mungu mandha i kendi, ku ng’atu m’ioro, ma Yesu Kristu. 4Ayungi i ng’om, adaru timo tic m’imio ira atim. 5Vwa, kawono keth abed dwong’ karacelo kudi ku dwong’ ma yang’ abedo ko karacelo kudi ma fodi ng’om de mbe. 6Anyutho nyingi ni ju m’imio ira kud i ng’om: gi peri, man imiogi ira: man gidara woro lembe peri. 7Kawono ging’eyo nia gin ceke ma tek imio ira uai i beng’i: 8kum amio igi lembe m’imio ira; man gijologi, man ging’eyo andha nia aai i beng’i, giyio de nia iora. 9Akwayu pigi: akwayu pi ng’om ungo, ento pi ju m’imio ira; kum gi peri: 10man gin ceke ma para gi peri, man ma peri de gi para: abedo dwong’ de ni kumgi. 11Anuti i ng’om kendo ngo, gin re gini i ng’om, man abino i beng’i. Vwa Maleng’, gwok ju m’imio ira i nyingi, kara gibed acel, calu wan. 12#Zab 41:9; Yoh 13:18Kinde ma fodi wani karacelo kugi, agwoko ju m’imio ira i nyingi: akurogi de, ng’atu acel de mbe i kindgi m’urwinyo, ndhu wod nyoth kende; kara lembagora pa Mungu timbre kakare. 13Ento kawono abino i beng’i; e gin maeni ayero i ng’om, kara gibed kud anyong’a para m’upong’ i igi. 14Adaru mio igi lem peri; ng’om de dagugi, kum gi mi ng’om ungo, cu calu an a mi ng’om ungo. 15Akwayu ngo nia ikabgi kud i ng’om, ento nia igwokgi ni ng’atu ma rac. 16Gi rai ng’om ungo cil calu an de a mi ng’om ungo. 17Dwokgi leng’ ku lemandha: lembe peri en e lemandha. 18Cil calu iora i ng’om, e kumeno an bende aorogi i ng’om. 19Adwokra leng’ gira pigi, kara gin bende judwokgi leng’ i lemandha. 20Joni kendgi ngo m’abekwayu pigi, endre pi ju m’ubeyio ira bende ni kum lem migi; 21kara gin ceke gibed acel; cil calu in, Vwa, ini i ia, an de ani ii, kara gin de gibed i iwa: kara ng’om uyi nia iora. 22Man dwong’ m’idaru mio ira amio igi; kara gibed acel, cil calu wan wan acel; 23ani i igi, in de ini i ia, kara giteng’ni i acel; kara ng’om ung’ei nia iora, man imarugi de, cil calu imaru an. 24Vwa, ayenyo nia gin bende m’imio ira wabed kugi karacelo ka m’ani ie, kara ginen dwong’ para, m’imio ira: kum imara ma fodi ng’om ku thekre ngo. 25E Vwa ma pwe, ng’om ung’ei ngo, ento an ang’ei; joni bende ging’eyo nia iora; 26man aketho ging’ei nyingi, man abiketho eng’eire: kara mer m’imara ko bed i igi, an de i igi.

Currently Selected:

Yohana 17: AB1970

Highlight

Copy