Bambata Pai 36
36
Pa angbatunga Esau
(1 Peka 1:34-36)
1Were agi yo re nangia angbatunga Esau, ko nangia Edome. 2Esau arogo ade ni adiako dagba awiri aboro Kanana: i nangia Ada wiri Erone boro Eto, na Oribama nangia wiri Ana, Ana ki ngia wiri Sibona, boro Ivo, 3na Basemata wiri Yisamaere, dawiri Nebayota. 4Ada ki batika kumbagude nangia Erifaza fu Esau; Basemata ki batika Ruere; 5Oribama ki batika Yusa, Yarama, na Kora. Agi yo re nangia awiri Esau i abatika yo fu ko ringara Kanana yo.
6Esau ki rogo adiako, na awiriko nangia akumba na ade, na gako aborokporo dunduko, na gako zogozogo anya, na gako rimbasa anya, na agu aũkumuko ko adungura ha ringara Kanana yo dunduko; ko ki guari pati tameko nangia Yakoba ki ga ku rogo kura ringara akia. 7Bambiko gayo ũkumuko akii gbe ki susi ka si adu nga wa ka i sungu kina rogo gu ba sa ya; gu ringara i anaraka rogo ho ka riahe arengba nga rogo ho tipa yo na gayo zogozogo anya a ya. 8Esau ki moi gako kporo ri bagangara nga Seira; Esau nangia Edome.
9Agi yo re nangia angbatunga Esau nangia atita aEdome, rogo ringara bagangara nga Seira. 10Gere nga rimo awiri Esau: Erifaza wiri gu dia Esau nangia Ada, Ruere wiri gu dia Esau nangia Basemata. 11Rimo awiri Erifaza ki ngia Temana, Omara, Sefo, Gatama, na Kenaza. 12Timena ki ngia ga Erifaza wiri Esau debadia; ri ki batika Amareka fu Erifaza. Agi yo re nangia kina awiri dia Esau dunduko nangia Ada. 13Agi yo re nangia awiri Ruere: Nata, Zera, Sama, na Miza. Agi yo re nangia awiri Basemata dia Esau. 14Agi yo re nangia awiri gu dia Esau nangia Oribama nangia wiri Ana, Ana nangia wiri Sibona. Ri ki batika Yusa, Yarama, na Kora fu Esau.
15Agi yo re nadu ni agbia dagba awiri Esau yo. Awiri Erifaza nangia bambata wiri Esau: nadu ni agbia nga Temana, Omara, Sefo, Kenaza, 16Kora, Gatama, na Amareka; agi yo dunduko re nadu ni agu agbia naenge ti Erifaza ringara Edome yo; i nangia awiri Ada. 17Agi yo re nangia awiri Ruere, nangia wiri Esau: nadu ni agbia nga, Zera, Sama, na Miza; agi yo re nangia agu agbia naenge ti Ruere ringara Edome yo; i nangia awiri Basemata dia Esau. 18Agi yo re ki ngia awiri gu dia Esau nangia Oribama; nadu ni agbia nga Yusa, Yarama, na Kora; i nangia agu agbia naenge ti Oribama wiri Ana dia Esau. 19Agi yo re nangia awiri Esau, ko nangia Eidome, i nangia gayo agbia.
Pa angbatunga Seira
(1 Peka 1:38-44)
20Agi yo re nangia awiri Seira nangia boro Ori. I nangia agu yo nanaraka rogo gu ringara re: Rotana, Sobara, Sibona, Ana, 21Disona, Ezere, na Disana; agi yo re nangia agu agbia naenge ti aOri, nangia atita Seira rogo gu ringara nga Edome. 22Awiri Rotana nangia Ori na Emama; dawiri Rotana ki ngia Timena. 23Agi yo re ki ngia awiri Sobara: Aravana, Manata, Ebara, Sefo, na Onama. 24Agi yo re ki ngia awiri Sibona: Aya, na Ana; ko nangia gu Ana nabi fafoi agugaabi ngbakungba yo wa ko abanda ga bako adongi nangia Sibona. 25Agi yo re ki ngia awiri Ana: Disona na dawiriko nga Oribama. 26Agi yo re nangia awiri Disona: Emedana, Esebana, Yiterana na Kerana. 27Agi yo re nangia awiri Ezere: Birana, Zavana, na Akana. 28Agi yo re nangia awiri Disana: Uza, na Arana. 29Agi yo re nangia agu agbia naenge ti aOri: nga agi agbia re, Rotana, Sobara, Sibona, Ana, 30Disona, Ezere, na Disana; agi yo re nangia agu agbia naenge ti aOri, ringbisi yo na kina gayo agbia ringara Seira yo.
Pa abakindo aEdome
(1 Peka 1:43-54)
31Agi yo re ki ngia agu abakindo nanazoga rago rogo ringara Edome, mbata bakindo nikadu yo nanazoga awiri aYisaraere. 32Bera, nangia wiri Bora, ki nizogo rago Edome yo, rimo gako bakporo ki ngia Dinaba. 33Bera ki kpi, Yobaba nangia wiri Zera nadu Bosura yo ki ye ka du ni bakindo ku ba ko. 34Yobaba ki kpi, Usama nangia boro gu ringara nga ga aTemano, ki du ni bakindo ku ba ko. 35Usama ki kpi, Adada ki du ni bakindo ku ba ko. Ko nangia wiri Bedada, gu ko nadi be aMidiano rogo gu ringara nga Moaba. Rimo gako bakporo ki ngia Avita. 36Adada ki kpi, Samera nangia boro Maseraka ki du ni bakindo ku ba ko. 37Samera ki kpi, Saura nangia boro Robota ti ngba gu di nga Ferata ki zogo rago ku ba ko. 38Saura ki kpi, Baranana nangia wiri Akabora ki du ni bakindo ku ba ko. 39Baranana ki kpi nangia wiri Akabora, Adara ki du ni bakindo ku ba ko. Rimo gako bakporo ki ngia Pau; rimo diako ki ngia Metabere, ri nangia wiri Maturede, nangia wiri Mezaba.
40Gere nga arimo agu agbia naenge ti Esau, ringbisi he na kina arikayo, na gayo arago, na arimoyo: nga agu agbia nga Timena, Arava, Yetete, 41Oribama, Era, Pinona, 42Kenaza, Temana, Mibesara, 43Magadiere, na Irama. Agi yo re nangia agbia aEdome, rogo gayo arago ringbisi he na kina gayo aba rogo agu aringara i anazoga ha. Gu ko re nangia Esau nga ba aEdomo.
Currently Selected:
Bambata Pai 36: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
