Omochakano 48

Yakobo ogosesenia Efraimu na Manase

1Ekaba engaki magega y’ayio Yusufu ateebetigwe ng’a, “Iso nomorwaire.” Erio akaimokia abana baye babere abamura, Manase na Efraimu, bakagenda komoorora. 2Yakobo nere ateebetigwe ng’a “Yusufu, omwana oo, ngocha are gokorora.” Erio Israeli agekomereria, akaboka, agaikaransa borere igoro. 3#Omoch 28:13,14Yakobo agateebia Yusufu: “Nyasae Omobui nang’orokerete aaria Lusu ase ense ya Kaanani, agansesenia, 4aganteebia: Inche ninkomente, na oroiboro rwao robuche goika robe emeganda y’ebisaku. Ning’ee ororeeria rwao rorache korwa magega yao ense eye ebe omwando obo kare na kare.

5“Bono abana bao abamura babere kwaiborerete ase ense ya Misiri ritang’ani ntaracha aa, barabwo nabaane bararokwe. Efraimu na Manase nigo barabe abaane, buna Rubeni na Simioni bare abaane. 6Abana bao bande baiboire magega y’aba, barabwo nabao barabe; korende nigo baratorwe ase amarieta ’abamwabo, na komenya ase omwando obo. 7#Omoch 35:16-19Ekero nare korwa Padan‐Aramu, Raeli nyoko agankwera inchera gonkogenda Kaanani, ritang’ani ntaraika Efarati. Nkamotindeka agwo enchera ekogenda Efarati, nao Bethlehemu.”

8Israeli, ekero arooche abana ba Yusufu, akamobooria: “Aba mbarabi?”

9Yusufu akamoiraneria: “Aba nabana baane Nyasae ang’erete aiga.”

Erio Israeli akamoteebia, “Bandetere aiga ase ’nde, mbasesenie.” 10Bono amaiso a Israeli konya abeire chinchingori ase engencho y’obogotu, tare korora buya. Igo Yusufu akamorentera abana abwo, na ere akabaagata na kobaboania. 11Erio Israeli agateebia Yusufu: “Tinasemeretie ng’a kaa ninche korora obosio bwao naende, na bono Nyasae onyancheire narorire abana bao nabarabwo,” 12Yusufu akarusia abana korwa ase amagoro a ise, agatugama inse.

13Erio Yusufu akabwata bonsi babere, Efraimu ase okoboko kwaye gw’okorio, akamobeka ensemo y’okobee ya Israeli, na Manase akamobwata ase okoboko kwaye gw’okobee, akamobeka ensemo y’okorio ya Israeli. 14Israeli akarambora okoboko kwaye gw’okorio, agakobeeka igoro ase omotwe o Efraimu, nonya ere orenge omoke; agakorekania amaboko aye na kobeeka okoboko kwaye gw’okobee igoro ase omotwe o Manase, nere orenge omotangi. 15Erio agasesenia Yusufu, akabora,

“Nyasae o sokoro yane Aburaamu na o Isaka tata,

oyio baare gotaara ase obosio bwaye;

Nyasae oyo nere ondisirie

ase obogima bwane bwonsi goika reero,

16omomalaika oria ontooretie korwa ase amabe onsi, asesenie abamura aba.

Abana aba babe bagwatorwa ase erieta riane,

na ase erieta ria sokoro yane Aburaamu, na eria Isaka tata;

tiga bakine babe abanto abange ase ense.”

17Yusufu agachia korora ng’a ise obekire okoboko kwaye gw’okorio igoro ase omotwe o Efraimu, ayio tayancha. Akabwata okoboko gwa ise akorusie korwa ase omotwe o Efraimu, erio akobeke ase oyo o Manase. 18Yusufu agateebia ise: “Taibo, tata, naki oyo nere omotangi; beeka okoboko kwao gw’okorio ase omotwe oye.”

19Korende ise akaanga, akabora: “Nimanyete, omwana one, nimanyete. Nere boigo nabe egesaku; ere boigo nabe omonene, korende oyomwabo omoke nabe omonene komobua, na oroiboro rwaye narobe egesaku kiabo ao boka.”

20 # Abaibr 11:21 Rituko erio akabasesenia, akabora,

“Ekero ogosesenigwa kogokwanwa ase Abaisraeli,

abanto baatore amarieta aino na goteeba:

Nyasae abakore mobe buna Efraimu na Manase.”

Agwo agwo agatang’ania Efraimu ase obosio bwa Manase.

21Erio Israeli agateebia Yusufu: “Rora ng’ang’e inde gokwa. Nyasae nigo arabe amo nainwe, nabairanie gochia ase ense ye chisokoro chiaino. 22Inche nakomentire ensemo y’ekenyoro ekeao kobua abamino. Eyio naurete Abaamori n’omoro one, na obota bwane.”

Currently Selected:

Omochakano 48: EKGE

Highlight

Copy