MAŨNDŨ MA ALAWII 18
18
1Ningĩ Jehova akĩarĩria Musa, akĩmwĩra atĩrĩ, 2Aria na ciana cia Isiraeli, ũciĩre ũũ: Niĩ nĩ niĩ Jehova Ngai wanyu. 3Atĩrĩrĩ, mũtikaneke maũndũ ta marĩa mekagwo bũrũri wa Misiri kũrĩa mwatũire; ningĩ mũtikaneke maũndũ ta marĩa mekagwo bũrũri wa Kanaani, kũrĩa ngũmũtwara; kana mũthiage na mĩthiĩre ĩtwaranĩte na irĩra cia watho wa andũ acio a kuo. 4Matuĩro makwa ma cira nomo mũrĩrũmagĩrĩra, na mũmenyagĩrĩre irĩra cia watho wakwa wa kũrũmĩrĩrũo mũtwaranage nacio; niĩ nĩ niĩ Jehova Ngai wanyu. 5#Neh 9.29; Ezek 18.9; 20.11-13; Luk 10.28; Rom 10.5; Gal 3.12.Tondũ ũcio, menyagĩrĩrai irĩra cia watho wakwa wa kũrũmĩrĩrũo, o na matuĩro makwa ma cira; maũndũ macio mangĩrũmĩrĩrũo nĩ mũndũ maamũtũũria muoyo; niĩ nĩ niĩ Jehova.
6Gũtirĩ mũndũ o na ũmwe wanyu ũgathengerera mũndũ-wa-nja ũrĩa me rũrĩra nake, amũguũrie nguo; niĩ nĩ niĩ Jehova. 7Ndũkanaguũrie nyũkwa nguo, nĩ ũndũ nĩwe mũtumia wa thoguo; ũcio nĩ nyũkwa, ndũkanamũguũrie nguo o na atĩa. 8#Alaw 20.11; Gũcok 22.30; 27.20.Ndũkanaguũrie mũtumia ũngĩ o na ũrĩkũ wa thoguo nguo, nĩ ũndũ ũcio o nake nĩ wa thoguo; 9#Alaw 20.17; Gũcok 27.22.ndũkanaguũrie mwarĩ wa thoguo, kana mwarĩ wa nyũkwa nguo, o na angĩkorũo aciarĩirũo mũciĩ, kana agaciarĩrũo kũndũ kũngĩ; acio-rĩ, ndũkanamaguũrie nguo o na atĩa. 10Ndũkanaguũrie mwarĩ wa mũrũguo, kana mwarĩ wa mwarĩguo nguo; acio-rĩ, ndũkanamaguũrie nguo o na atĩa, nĩ ũndũ moimĩte mũthimo waku. 11Ndũkanaguũrie mwarĩ wa mũka wa thoguo nguo, nĩ gũkorũo atariĩ ta mwarĩ wa nyũkwa, nĩ ũndũ wa ũrĩa aciarĩtwo nĩ thoguo; ndũkanamũguũrie nguo o na atĩa. 12#Alaw 20.19,20.Ndũkanaguũrie tataguo, mwarĩ wa nyina na thoguo nguo nĩ gũkorũo ũcio nĩ wa mũthimo ũmwe na thoguo. 13Ndũkanaguũrie tataguo, mwarĩ wa nyina na nyũkwa nguo; nĩ gũkorũo ũcio nĩ wa mũthimo ũmwe na nyũkwa. 14Ndũkanathengerere mũka wa mũrũ wa nyina na thoguo, nĩguo ũkamũguũrie nguo; nĩ gũkorũo ũcio atariĩ ta tataguo, nĩ ũndũ nĩ mũka wa mũndũ wa mũthimo ũmwe na thoguo. 15#Alaw 20.12.Ndũkanaguũrie iciciaraguo nguo, nĩ gũkorũo ũcio nĩ mũka wa mũrũguo; ndũkanamũguũrie nguo o na atĩa. 16#Alaw 20.21.Ndũkanaguũrie mũka wa mũrũ wa nyũkwa nguo; nĩ ũndũ nĩwe mũtumia wa mũrũ wa nyũkwa. 17#Alaw 20.14; Gũcok 27.23.Ndũkanaguũrie mũndũ-wa-nja o na mwarĩ nguo; ningĩ ndũkanatware mwarĩ wa mũrũ wa mũka ũcio, kana mwarĩ wa mwarĩ wa mũka ũcio, atĩ nĩguo ũkamaguũrie nguo; nĩ gũkorũo acio nĩ ta mwĩ rũrĩra nao; gwĩka ũguo nĩ waganu mũnene. 18Ndũkanathengerere maramuguo, ũmũguũrie nguo, ũmũtue mũiru wa mũkaguo, mũkaguo arĩ muoyo. 19#Alaw 20.18.Na rĩrĩ, ndũkanathengerere mũndũ-wa-nja ũmũguũrie nguo hĩndĩ ĩrĩa yothe e mũgiro ihinda-inĩ rĩake rĩa mweri. 20#Alaw 20.10.Ndũkanakome na mũka wa mũndũ ũngĩ, wĩthũkie nake. 21#Alaw 20.1-5.Nawe ndũkanahĩtũkithĩrie mũndũ o na ũrĩkũ wa rũciaro rũaku mwaki-inĩ aamũrĩrũo Moleku, kana ũthahie rĩĩtwa rĩa Ngai waku; niĩ nĩ niĩ Jehova. 22#Alaw 20.13.Ndũkanakome na mũndũ mũrũme ta ũrĩa andũ-a-nja makomagwo nao; nĩ gũkorũo ũndũ ũcio wĩ thahu. 23#Thama 22.19; Alaw 20.15,16; Gũcok 27.21.Ningĩ-rĩ, ndũkanagwate nyamũ o na ĩrĩkũ wĩthũkie nayo; kana mũndũ-wa-nja o na ũrĩkũ etwarĩrĩre nyamũ nĩguo ekomie thĩ agwatwo nĩyo; ũndũ ũcio nĩ waga-thoni ũrĩa mũkĩru njano.
24Mũtikanegwatie thahu na ũndũ o na ũmwe wa maũndũ macio; nĩ gũkorũo ndũrĩrĩ ciothe iria ngũingata imweherere igwatĩtwo nĩ thahu nĩ ũndũ wa maũndũ macio, 25naguo bũrũri wacio ũgagĩthaha, na tondũ ũcio nĩngũtũma ũcokererũo nĩ waganu waguo; naguo bũrũri ũcio ũtahĩke andũ arĩa maũtũũraga mawehere. 26Tondũ ũcio inyuĩ menyererai irĩra cia watho wakwa wa kũrũmĩrĩrũo, o na matuĩro makwa ma cira, na mũtikaneke ũndũ o na ũmwe wa maũndũ macio me thahu, o na angĩkorũo nĩ mũndũ wa bũrũri wanyu, kana mũgeni ũrĩa ũtũũranĩtie na inyuĩ; 27(nĩ gũkorũo maũndũ macio mothe me thahu mekagwo nĩ andũ a bũrũri ũcio, o arĩa mũgakora matũũrĩte kuo, naguo bũrũri ũgagĩthaha.) 28Menyai mũkanameka, nĩ getha bũrũri ũcio ndũkanamũtahĩke mũwehere, o na inyuĩ, mũngĩũthahia, o ta ũrĩa watahĩkire ndũrĩrĩ iria ciatũire kuo mbere yanyu ĩkĩwehera. 29Nĩ gũkorũo mũndũ o wothe ũrĩa ũgeka ũndũ o na ũmwe wa maũndũ macio me thahu, arĩa othe makameka-rĩ, nĩmakaingatwo mathengio kũrĩ andũ ao. 30Tondũ ũcio menyagĩrĩrai maũndũ makwa marĩa ndĩmũtaarĩte namo, na mũtikanarũmĩrĩre mũtugo o na ũmwe wa mĩtugo ĩo ĩrĩ thahu ĩrũmagĩrĩrũo nĩ ndũrĩrĩ icio mũgakora kuo, nĩ getha mũtigethahie nayo; niĩ nĩ niĩ Jehova Ngai wanyu.
Currently Selected:
MAŨNDŨ MA ALAWII 18: OGKBIBLE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 2019