TAUNET 23
23
Meetab Sara ak tubennyi eng’ Makpela
1Kenyisiek che kitar Sara kosobei ko ki bogol ak tiptem ak tisab: chuto ko kenyisiek che kitar Sara kosobei. 2Ak kimechi Sara Kiriat-arba (noto Hebron), eng’ emetab Kanan: ak kinyo Abraham konyo kote agobo Sara, ak korirji. 3Yeityo kong’eet Abraham eng’ ole kimi musto, ak kong’alal ak bikab Het, kolenji, 4A kiprutoiyo ak ko a bunotyo eng’ oling’wong’: ogona yeto eng’ oling’wong’ kobunja eng’ ole kitupchin bik atupchi musto, si ma ageere. 5Kiwolji bikab Het Abraham anyun, kolenji, 6Kasech, kiptaiyandennyu: i bounindet ne bo Kamuktaindet eng’ kwenunnyo: tupchi musto kererit ne kelewen eng’ kererisiekyok; mami chi eng’ achek ne imuchi koetenen kererinnyi si metupchi musto. 7King’eet Abraham anyun, kong’urukyi bikab emet, bikab Het. 8Ak king’alal koboto ichek kole, Ngochame atub musto si ma ageere, ko mie ogasa, osomwa eng’ Epron weritab Sohar, 9kogona kebenennyi, ne mi Makpela, ne mi kiwotetab mbarennyi; ingogona eng’ taing’wong’ ole kitupchin bik kobunja eng’ kamanutiet ne yamegei ne bo feda. 10Kitebe anyun Epron kwenutab werikab Het; ak kiwolji Epron Kitindet Abraham kogasei werikab Het, koboto tugul che kimong’ji ormarichetab nganasennyi, kolenji, 11Achicha, kiptaiyandennyu, ago kasa: kagonin mbaranato koboto kebenet ne mi oloto; kagonin eng’ taitab werikab bikyuk: tupchi musto. 12Kiing’uruk Abraham anyun eng’ taitab bikab emet. 13Ak king’alal ak Epron, kogasei bikab emet, kole, Ago ngicham, ko mie igasa; agonin kamanutiet ne yamegei ak mbaranato; ee, taach anyun, si atupchi musto olindo. 14Kiwolji Epron Abraham kolenji, 15Kiptaiyandennyu, kasa, kimoitosi nee ak inye eng’ mbaret ne yamegei kamanutiennyi ak sekelisiek bogol ang’wan che bo feda? Tub musto. 16Kigas anyun Abraham ng’alekab Epron; ak kigerji Abraham Epron fedaisiek che kiga mwa inendet eng’ taitab bikab Het, choto ko sekelisiekab feda bogol ang’wan, che kiboisie chemung’arainik.
17Kigigamanji anyun komie Abraham mbaretab Epron, ne kimi Makpela, ne itoorjingei Mamre, mbaret, koboto kebenet ne kimi oloto, ak ketik tugul che kimi mbaranato, che kigiyieme kiwotet tugul, 18kigigochi Abraham kobunji eng’ taitab werikab Het, ak eng’ taitab tugul che kimong’ji ormarichetab nganasennyi. 19Kingobata choto kotub Abraham Sara osotiondennyi eng’ kebenet ne kimi mbaretab Makpela ne itoorjingei Mamre (noto ko Hebron), eng’ emetab Kanan. 20Kigamanji anyun bikab Het Abraham mbaret komie ak kebenet ne kimi oloto, koek ole kitupchin bik.
Currently Selected:
TAUNET 23: BUKUIT
Highlight
Share
Copy
Want to have your highlights saved across all your devices? Sign up or sign in
God's word open for all
©Bible Society of Kenya, 2020
