LIVALITSWA 1
1
Livalitswa Liukhuraanga lia Vaisraeli
1Mwami Nyasaye yalomoloma khu Musa, mu Liheemo Litakatifu mu Shiangalangwi shia Sinai, khulitukhu liu khuraanga liu mweli kwa khavili, khumuhika kwa khavili lwa Vaisraeli, vali nivakharula mu shivala shia Misri. Yavavoolela, 2“Muvalitse vandu vi tsimbia tsiosi tsia Israeli, khuraanjila khu tsinzu nende tsinzivulu, numuhandika shia mundu wosi lira lielie, shia mulala. 3Yivi nende Haruni Vaisraeli voosi muliitsa khuvalitsakhulondokhana khu tsinzu nende tsinzivulu tsiavo, vandu voosi vali ni mihika makhomi kavili inoho vali ni mihika minyishi, vanyala khutsia khukwana muliihe. 4Voolela mwimilili mulala wa shia inzu khurula mu shia luhia khumukhonya.”
5Mira ka vandu vatsitsanga khukhukhonya ni Elizuri mwana wa Shedehuri khurula mu vandu vuluhia lwa Rubeni; 6Shelumieli mwana wa Zurishadai khurula mu vandu vuluhia lwa Simioni; 7Nahashoni mwana wa Aminadabu khurula mu vandu vuluhia lwa Yuda; 8Netsaneli mwana wa Zuhari khurula mu vandu vuluhia lwa Isakari; 9Eliabu mwana wa Heloni khurula mu vandu vuluhia lwa Zabuloni; 10varovola khurula mu vaana va Yosefu, khurula mu vandu vuluhia lwa Efurahimu, Elishama mwana wa Amihudi, nende Gamalieli mwana wa Pedahuzuri khurula mu vandu vuluhia lwa Manaase; 11Abidani mwana wa Gidioni khurula mu vandu vuluhia lwa Benyamini; 12Ahihezeri mwana wa Amishadai khurula mu vandu vuluhia lwa Dani; 13Pagiheli mwana wa Okurani khurula mu vandu vuluhia lwa Asheri; 14Eliasafu mwana wa Dehuheli khurula mu vandu vuluhia lwa Gadi; 15nivarovola Ahira mwana wa Enani khurula mu vandu vuluhia lwa Nafutali. 16Navo vali vimilili varovolwa khurula mu vandu vi tsimbia tsia Israeli, nivali vimilili va vandu vi tsimbia tsia vakuuka vavo. Navo vali vimilili vi tsinzivulu tsia Israeli. 17Musa nende Haruni vavukula vandu vamira kavo, kali ni kahandikwa venavo, 18nivalaanga halala Vaisraeli voosi khulitukhu liu khuraanga liu mweli khavili. Vandu vihandika mira kavo, khulondokhana khu tsinzu nende tsinzivulu tsiavo, khandi vandu vali ni mihika makhomi kavili inoho mihika minyishi vahandikwa shia mulala lira lielie, 19khuli Mwami Nyasaye yali navoolele Musa akhole. Musa yavalitsa vandu mu Shiangalangwi shia Sinai. 20Vavalitsa vandu varulanga mu vitsukhulu va Rubeni, mwana mukhulundu wa Yakobo: Vandu vasatsa voosi vi mihika makhomi kavili inoho minyishi khuvira chienecho, vanyala khutsia khukwana muliihe, vahandikwa mira khulondokhana khu makhuva, kali nikahandikwa khale khu tsinzu tsiavo nende tsinzivulu tsiavo. 21Vandu vavalitswa mu vandu vuluhia lwa Rubeni, vali tsiheelefu makhomi kane na sita ni tsimia tsiranu. 22Vavalitsa vandu varulanga mu vitsukhulu va Simioni: Vandu vasatsa voosi vali ni mihika makhomi kavili inoho minyishi khuvira mihika chienecho, vanyala khutsia khukwana muliihe, vahandikwa mira, khulondokhana khu makhuva, kali nikahandikwa khale khu tsinzu tsiavo nende tsinzivulu tsiavo. 23Vandu vavalitswa mu vandu vuluhia lwa Simioni, vali tsiheelefu makhomi tisa ni tsimia tsivaka. 24Vavalitsa vandu vuluhia lwa Gadi: Vandu vasatsa voosi vali ni mihika makhomi kavili inoho minyishi khuvira mihika chienecho, vanyala khutsia khukwana muliihe, vahandikwa mira kavo, khulondokhana khu makhuva kali nikahandikwa khale khu tsinzu tsiavo nende tsinzivulu tsiavo. 25Vandu vavalitswa mu vandu vuluhia lwa Gadi, vali tsiheelefu makhomi kane na varanu tsimia sita na makhomi karanu. 26Vavalitsa vandu vuluhia lwa Yuda: Vandu vasatsa voosi vali ni mihika makhomi kavili inoho minyishi khuvira mihika chienecho, vanyala khutsia khukwana muliihe vahandikwa mira kavo, khulondokhana khu makhuva, kali nikahandikwa khale khu tsinzu tsiavo nende tsinzivulu tsiavo. 27Vandu vavalitswa mu vandu vuluhia lwa Yuda, vali tsiheelefu makhomi saba na vane ni tsimia sita. 28Vavalitsa vandu vuluhia lwa Isakari: Vandu vasatsa voosi vali ni mihika makhomi kavili inoho minyishi khuvira mihika chienecho, vanyala khutsia khukwana muliihe vahandikwa mira kavo, khulondokhana khu makhuva kali nikahandikwa khale khu tsinzu tsiavo nende tsinzivulu tsiavo. 29Vandu vavalitswa mu vandu vuluhia lwa Isakari vali tsiheelefu makhomi karanu na vane ni tsimia tsine. 30Musa yavalitsa vandu vuluhia lwa Zabuloni: vandu vasatsa voosi vi mihika makhomi kavili inoho khuvira mihika chienecho vali ni tsingulu tsiu khutsia khukwana muliihe vahandikwa mira kavo, khulondokhana khu makhuva kali nikahandikwa khale khu tsinzu tsiavo nende tsinzivulu tsiavo. 31Vandu vavalitswa mu vandu vuluhia lwa Zabuloni vali tsiheelefu makhomi karanu na saba ni tsimia tsine. 32Vavalitsa vaana va Yosefu, nivali vitsukhulu va Efurahimu: Vandu vasatsa voosi vali ni mihika makhomi kavili inoho minyishi khuvira mihika chienecho vanyala khutsia khukwana muliihe vahandikwa mira kavo, khulondokhana khu makhuva kali nikahandikwa khale khu tsinzu tsiavo nende tsinzivulu tsiavo. 33Vandu vavalitswa mu vandu vuluhia lwa Efurahimu vali tsiheelefu makhomi kane ni tsimia tsiranu. 34Vavalitsa vandu vuluhia lwa Manaase: Vandu vasatsa voosi vali ni mihika makhomi kavili inoho minyishi khuvira mihika chienecho, vanyala khutsia khukwana muliihe, vahandikwa mira kavo, khulondokhana khu makhuva, kali nikahandikwa khale khu tsinzu tsiavo nende tsinzivulu tsiavo. 35Vandu vavalitswa mu vandu vuluhia lwa Manaase, vali tsiheelefu makhomi kavaka na vavili ni tsimia tsivili. 36Vavalitsa vandu vuluhia lwa Benyamini: Vandu vasatsa voosi vali ni mihika makhomi kavili inoho minyishi khuvira mihika chienecho, vanyala khutsia khukwana muliihe, vahandikwa mira kavo, khulondokhana khu makhuva, kali nikahandikwa khale khu tsinzu tsiavo nende tsinzivulu tsiavo. 37Vandu vavalitswa mu vandu vuluhia lwa Benyamini vali tsiheelefu makhomi kavaka na varanu ni tsimia tsine. 38Vavalitsa vandu vuluhia lwa Dani: Vandu vasatsa voosi vi mihika makhomi kavili inoho minyishi khuvira mihika chienecho, vanyala khutsia khukwana muliihe, vahandikwa mira kavo, khulondokhana khu makhuva, kali nikahandikwa khale khu tsinzu tsiavo nende tsinzivulu tsiavo. 39Vavalitsa vandu vuluhia lwa Dani vali tsiheelefu makhomi sita na vavili ni tsimia saba. 40Vavalitsa vandu vuluhia lwa Asheri: Vandu vasatsa voosi vali ni mihika makhomi kavili inoho minyishi khuvira mihika chienecho, vanyala khutsia khukwana muliihe, vahandikwa mira kavo, khulondokhana khu makhuva, kali nikahandikwa khale khu tsinzu tsiavo nende tsinzivulu tsiavo. 41Vandu vavalitswa mu vandu vuluhia lwa Asheri, vali tsiheelefu makhomi kane nu mulala ni tsimia tsine. 42Vavalitsa vandu vuluhia lwa Nafutali: Vandu vasatsa voosi vi mihika makhomi kavili inoho khuvira mihika chienecho vanyala khutsia khukwana muliihe, vahandikwa mira kavo, khulondokhana khumakhuva, kali nikahandikwa khale khu tsinzu tsiavo nende tsinzivulu tsiavo. 43Vandu vavalitswa khurula mu vandu vuluhia lwa Nafutali, vali tsiheelefu makhomi karanu na vavaka ni tsimia tsine.
44Navo vandu va Musa, Haruni nende vimilili likhomi na vavili, va Vaisraeli vavalitsa, shia mulala nasinjililanga inzu ya vandu vuluhia lwelwe. 45Vandu vasatsa voosi Vaisraeli, vi mihika makhomi kavili inoho khuvira mihika chienecho vanyala khutsia khukwana muliihe, vavalitswa khulondokhana khu tsinzu tsiavo. 46Vandu vavalitswa voosi, vali tsiheelefu tsimia sita ni tsimia tsiranu.
47Navutswa vandu vu lwivulu lwa Levi, shivali vavalitswakhu halala na vandu vi tsinzivulu tsindi tawe, 48shichila Mwami Nyasaye, yali wavoolela Musa, 49“Lwa uliitsa khuvalitsa vandu vasatsa vanyala khutsia khukwana muliihe, lekha khuvalitsilamu vandu vu lwivulu lwa Levi. 50Navutswa warovola vandu vu lwivulu lwa Levi, khusinjilila Liheemo Litakatifu, halala na shia shindu shiosi shirumikhamu. Vali nu vunyali vu khuchinga Liheemo Litakatifu lienelo, halala ni vindu virumikhamu, khali via varumishilamu, nu khumbakha tsinzu tsiavo tsiu khumenyamu khundulu khwalio. 51Havundu hosi, ha muliitsa khwisuunda khutsia khumenya, vandu vu lwivulu lwa Levi valiitsa khuvukula Liheemo Litakatifu khulikholomoshitsa havundu havisuunda yaho, nu khulisinjilitsaho. Mundu uliitsa khwisuundakhu khu Liheemo Litakatifu lienelo, aliitsa khwiirwa. 52Vaisraeli valiitsa khuva nivarikale, valiitsa khumenya mu maheemo, khulondokhana khu tsinzu nende tsinzivulu tsiavo, shia mulala mu liheemo lielie, ni ipendera yeye. 53Navutswa vandu vu lwivulu lwa Levi valiitsa khumenya mu maheemo, kali himbi khundulu khwi Liheemo Litakatifu khwosi khulilinda, nikanyalikha mundu avuli khwisuundukhu himbi khulio, khukhola khulolela vurima Vaisraeli voosi.” 54Vaisraeli vakhola shia shindu shiosi, khuli Mwami Nyasaye yali niyavoolela Musa vakhole.
Currently Selected:
LIVALITSWA 1: LLLCATHOLIC
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013