Kɛwɔlɛnu Kuma-Kunyɛ
Kuma-Kunyɛ
Luka ya kibara-nyimɛ min sɛbɛ, buku kɛ tugunnɛ wo la. A si a lagbɛ ma ye fɔlɔ-dɛnkɛninya-mɔgɛnu ya Yisata kibara-nyimɛ nyɛnsɛn nya min Allata Ni-Sɛnimɛ baraka rɔ. Anu ya a dabira Yudiya nyamanɛ rɔ ka a lata Samariya nyamanɛ rɔ ha ka ke duninya dan la. Dɛnkɛninya-koe kɛ dabirara Yahudiyanuna dina rɔ ka ke mɔgɛ bɛɛ ma. A di Luka ye, bɛɛ ni a lɔn ko Yisala dina kɛ sa Romu kun-tiginu kan ma minnu bi duninya bɛɛ kun na wo wati rɔ, ado Yisala dina kɛ ya Yahudiyanuna dina kanbali.
Buku kɛ faranɛ sigi tina sawa la iko kibara-nyimɛ nyɛnsɛnta nya min ka to koloyala. (1) Yisa yɛlɛ-koe san ma kɔmɛ, kibarɛ wo nyɛnsɛnta Yerusalɛm soe burɔ. (2) Wo kɔma, a nyɛnsɛnta ha Isirɛla dan kɔma. (3) A laban, a nyɛnsɛnta Mɛdetereniyan kɔgɔ-yi dafɛ-nyamanɛnu tɔ ha ka ke Romu soe burɔ.
Min kolo buku kɛ rɔ, wo le Allata Ni-Sɛnimɛ tora wɔlila nya min. Yisa yɛlɛ-koe san ma kɔmɛ tele bi-loli, Allata Ni-Sɛnimɛ yigira fɔlɔ-dɛnkɛninya-mɔgɛnu kuma Yerusalɛm soe burɔ. A tora sɛnbɛ dila anu ma ka sɔ anu yarɔ anubɛ ka kilɛ yira anu na. Fɔlɔ-dɛnkɛninya-mɔgɛnuna kawandili donu sɛbɛnɛ buku kɛ rɔ. Ma si a yen wonu tɔ, anu si anu nyɔgɔn makawandi nya min anubɛ anu ni diyana-nyɔgɔnyɛ kɛ nya min.
Buku Kɛ Fara Nya
Ko-Rabɛn-Koe Sereya Bɔ-Koe La 1.1-26
1. Yisata Kumɛ Laban anubɛ Lanyiri 1.1-14
2. Yudasi Gba-rɔ-Sigilɛ Yabɔ-Koe 1.15-26
Yerusalɛm Sereya-Bɔɛ 2.1–8.3
Yudiya anubɛ Samariya Sereya-Bɔɛ 8.4–12.25
Pɔlita Kɛwɔlɛnu 13.1–28.31
1. Ata Tagama Fɔlɔtɛ 13.1–14.28
2. Yerusalɛm Ladɛn Wara-Koe 15.1-35
3. Ata Tagama Fila Nyɔgɛ 15.36–18.22
4. Ata Tagama Sawa Nyɔgɛ 18.23–21.16
5. Pɔli Ma-Koe Yelela-Mɔgɛ La 21.17–28.31
Currently Selected:
Kɛwɔlɛnu Kuma-Kunyɛ: KCLB
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.