Bɔ-Koe-Iyipiti 1

Isirɛla Mɔgɛnu Siyaya-Koe Iyipiti Nyamanɛ Rɔ

1 # Ko-Dabirɛnu 46.8-27 Yakoba min tɔgɛ fanan Isirɛla, wola dannu tara a fɛ Iyipiti nyamanɛ rɔ anubɛ anuna denbayɛnu. Ala den-kei wonu tɔgɛ le kɛnu na, 2Rubɛn wo, Simiyɔn wo, Lifayi wo, Yuda wo, 3Isakari wo, Sɛbulɔn wo, Bɛnyamɛ wo, 4Dan wo, Nafatali wo, Kadi wo, anubɛ Asɛra. 5Yakoba bɔnsɔn-mɔgɛnu nakofunɛ bɛnta mɔgɔ bi-wɔrɔnfila (70) ma. Kɔnɔ anu ya anu na-kelen-nyɔgɛ Yusufu taran Iyipiti.

6-7 # Kɛwɔlɛnu 7.17 Isirɛla mɔgɛnu tora siyayala ka wara bɛrɛkɛ ka sɛnbɛ sɔrɔn. Anu ya nyamanɛ wo lafa. Kɔnɔ Yusufu anubɛ a na-kelen-nyɔgɛnu anubɛ minnu bi nyɔ wo wati rɔ, wonu kɔrɔyara ha anu dama fagara.

8 # Kɛwɔlɛnu 7.18 Nba, mansa-kurɛ min sigira Iyipiti nyamanɛ rɔ, wo ma Yusufu lɔn nun. 9Mansɛ wo ya a fɔ ala mɔgɛnu ye ko, “Isirɛla mɔgɛ kɛnu bara siyaya ma ko, ado anu sɛnbɛ kolo matɛ ko. 10#Kɛwɔlɛnu 7.19 Ma ni hɛnkili nyini mɔgɛ kɛnu bara-koe ma alako yarɔ, anu kana siyaya ka fanka sɔrɔn ma kuma ka sa ma yogenu kuma ma kɛlɛ tinɛ.” 11Woletɔ Iyipiti kɛnu ya wɔli-kunyɛnu sigi anu kuma. Wonu ya wɔlɛ lagbɛlɛya anu kuma ka anu tɔrɔ. Isirɛla mɔgɛnu ya so-kura fila sɔ Iyipiti mansɛ#1.11 Mansɛ: Ka a fɔ mansɛ Iyipiti-kan rɔ wo wati rɔ, anu ko, “Faro.” Arabu-kan rɔ ko, “Firahuna.” Kurankɔɛnu si a fɔ ko, “Firɔna.” wo ye, Pitɔm soe anubɛ Ramɛsisi soe ka wonu ma ata fen-namara-soenu na. 12Kɔnɔ anu tara Isirɛla mɔgɛnuna tɔrɔyɛ makofula nya min, Isirɛla mɔgɛnu tora siyayala wo nya na le. Anu warata ha Isirɛla mɔgɛnuna mɔninyɛ ya Iyipiti kɛnu bira. 13Iyipiti kɛnu ya Isirɛla mɔgɛnu nawɔli fɔrɔsɛ la ha ka anu niyi ragbɛrɛn anu ma. 14Anu ya wɔlɛ lagbɛlɛya anu kuma ka anu tɔrɔ ha ka anu niyi-sɔgɛ labɔ anu na. Anu ya anu sɔ bɔnku-laboro-ko-wɔlɛ la, anubɛ bulɔku-gbesi-ko-wɔlɛ, anubɛ bintɔ-wɔlɛ sufa bɛɛ. Anu ya anu sɔ wɔlɛ minnu na, anu ma kinikini anu ma wɔlɛ wonu kɛ tinɛ.

15Tinkɔrɔ-sigilɛ minnu bi anu ta-nyɔgɛ Hiburu musinu kun na, wo kelan tɔgɛ le Sifira, doi tɔgɛ le Puwa. Iyipiti mansɛ ya a fɔ wonu ye ko, 16“Wo wa ta Hiburu musinu dɛnbɛ tinɛ den sɔrɔn tinɛ, ni min ya a keimɛ sɔrɔn, wo si dan wo faga kɔnɔ ni min ya a musumɛ sɔrɔn, wo kana wo faga de!” 17Kɔnɔ tinkɔrɔ-sigilɛ wonu kilanta Alla la. Anu ma a ma iko Iyipiti mansɛ ya a fɔ anu ye nya min. Anu ya anuna den-keinu nakisi. 18Iyipiti mansɛ ya tinkɔrɔ-sigilɛ wonu kele ka anu manyinika ko, “Nfenna wo ara Hiburu mɔgɛnuna den-keinu kɛndɛ to?”

19Tinkɔrɔ-sigilɛ wonu ya a fɔ mansɛ ye ko, “Hiburu musinu tagbɛlɛ. Anu sa iko Iyipiti musinu. Anu nakala muila. Yanni male tinkɔrɔ-sigilɛ ni don min kuma, wo ara ban dan sɔrɔnna.”

20-21Tinkɔrɔ-sigilɛ wonu kilanta Alla la min kɛ, a duwara anu ye ka dannu di anu fanan ma. Isirɛla mɔgɛnu siyayara ka sɛnbɛ sɔrɔn bɛrɛkɛ!

22 # Kɛwɔlɛnu 7.19 A laban, mansɛ ya a fɔ mɔgɛ bɛɛsi ye ko, “Den-kei minnu ba sɔrɔn, wo ni wonu bi ka ta anu nafili Nayɛli bɛ rɔ ka dunmusinu kɛndɛ to.”

Currently Selected:

Bɔ-Koe-Iyipiti 1: KCLB

Highlight

Copy