Bɔ-Koe-Iyipiti Kuma-Kunyɛ
Kuma-Kunyɛ
Tubabu-kan rɔ, anu bi buku kɛ kelela ko, “Ɛsɔdasi.” Wo kɔrɛ le, “Ka bɔ.” Buku kɛ tɔgɛ sɛbɛra ka le bawo Isirɛla mɔgɛnu bɔra Iyipiti nyamanɛ rɔ, anu bi yɔɔnyɛ la kan min nun. Kuma-kolomɛ do le kɛ la min sɛbɛnɛ Isirɛla mɔgɛnuna ko rɔ. Buku kɛ faranɛ sigi tina sawa le la. A fɔlɔtɛ, Isirɛla mɔgɛnu bɔra yɔɔnyɛ rɔ Iyipiti nyamanɛ rɔ ka ta sigi Sinayi kɔnkɛ kɔrɔ. A fila nyɔgɛ, Alla ya sarama-kan kiri anubɛ ala mɔgɛnu tɛma Sinayi kɔnkɛ kɔrɔ nyɔ. A ya tɔn minnu sigi, wonu bɔra sarama-kan kɛ le tɔ. Anu sarata ko sawa le ma, anu nyɔgɔn-keni-koe wo, ko-latelennɛ anubɛ ko-yoge lɔn-koe wo, anubɛ ale Alla bato-koe anu bolo. A sawa nyɔgɛ, anu ya Fani-Bɔn sɔ anu si Alla bato kan min ka Bato-Bon-mirannu nadan. Saraka-masɔlɛnu si Allata wɔli kɛ nya min ka Alla gbiliya, buku kɛ ye wo le fanan wara-koe fɔla.
Ka tenbi kɛ bɛɛ la, Alla ya ala mɔgɛnu bɔ yɔɔnyɛ rɔ nya min ka ala mɔgɛnu ma sibolo-yabɔnɛ la a nyɛrɛ ye, buku kɛ ye wole yirala ma la. Wo le ya Isirɛla mɔgɛnu yigi sigi sinanna ko la.
Buku kɛ ye kumala Nɛbi Musa le wara-koe rɔ. Alla ya Musa yabɔ ka a sɔ ala mɔgɛnu yarɔ anu bɔmatoe Iyipiti nyamanɛ rɔ.
Tɔn tan minnu sɛbɛnɛ buku kɛ sura mogan rɔ, wonu denu malɔnnɛ a nya su bɛɛ ma.
Buku Kɛ Fara-Nya
Isirɛla Mɔgɛnu Bɔ-Koe Yɔɔnyɛ rɔ Iyipiti 1.1–15.21
1. Isirɛla Mɔgɛnuna Yɔɔnya-Koe Iyipiti 1.1-22
2. Musa-sɔrɔn anubɛ a makolo-koe 2.1–4.31
3. Musa anubɛ Aruna Sɔ-Koe Iyipiti Mansɛ Yakɔrɔ 5.1–11.10
4. Kanan-Ko-Ladiyɛ anubɛ Anu Bɔ-Koe-Iyipiti 12.1–15.21
Isirɛla Mɔgɛnu Bɔ Koe Kɔgɔ-Yi dafɛ ka Ta Sinayi 15.22–18.27
Allata Tɔn anubɛ Anu Tɛma Sarama-Kan 19.1–24.18
Marita Fani-Bɔn anubɛ A Bato-Nya 25.1–40.38
Currently Selected:
Bɔ-Koe-Iyipiti Kuma-Kunyɛ: KCLB
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.