Bɔ-Koe-Iyipiti 16

Allata Biredi anubɛ Wonderenu Wara-Koe

1Isirɛla mɔgɛ bɛɛsi bɔra Tamaro Kɔrɔ ka ta Sin wulɛ rɔ min bi Tamaro Kɔrɔ anubɛ Sinayi kɔnkɛ tɛma. Anu bɔɛ Iyipiti nyamanɛ rɔ, anu ya karɛ kelen, tele tan-ni-loli le bɔ kilɛ la yanni anu ni ke Sin wulɛ rɔ. 2Isirɛla mɔgɛ bɛɛ ya gbunya-kumɛ fɔ Musa anubɛ Aruna ma wulɛ wo rɔ 3ka a fɔ anu ma ko, “Yanni ma ni kɛ nyɔgɔn sufa tɔrɔyɛ sɔrɔn yan, a fisa nun Mari ni ma faga Iyipiti nyamanɛ rɔ. Ma ye Iyipiti nyamanɛ rɔ tumɛ min, ma ye mɛya-fannu anubɛ dɔn-fannu dɔnna nun ka wasa. Kɔnɔ wo ara na ma la wulɛ kɛ rɔ alako wo ni a ma, nyama kɛ bɛɛsi ni faga kɔnkɛ bolo.”

4 # Yɔni 6.31 Mari ya a fɔ Musa ye ko, “N si dɔn-fan do layigi wo ma ka bɔ san-kole rɔ. Mɔgɛnu si dɔn-fan min ban tele kelan kɔrɔ, anu ni wo le dɔrɔn bi tele-wo-tele. N si anu kɔrɔbɔ kɛ rɔ ni anu si n kuman-kan latɔnbagaya, ka, ni anu ti a latɔnbagaya. 5Lɔgɔkun-wo-lɔgɔkun a tele wɔrɛ ma, anu ni tele fila dɔn-fan makɔ.”

6Musa anubɛ Aruna ya a fɔ Isirɛla mɔgɛnu ye ko, “Wo si a lɔn wurɛ la ko Mari le ya wo labɔ Iyipiti nyamanɛ rɔ 7bawo Mari ara wo gbunya-kan lamɔɛn. Bandɛ wa ka sina, wo si ata gbiliyɛ yen wo nyɛrɛ yɛ la. Nfenna wo ye kɔrɔtɔla male ma Allata kumɛ latenbi koe la wo ma?” 8Musa ya a fɔ ko, “Wo si a lɔn ko Mari le ale la min si mɛya-fan di wo ma wura-wo-wura ka dɔn-fan di wo ma sɔgɔma-wo-sɔgɔma wo si minnu dɔn ka wasa. A ye wo mala bawo a ye wo gbunya-kan lamɔɛnna. Wo ye gbunya-kumɛ min fɔla male ma, wo sa a fɔla male ma, fɔ Mari.”

9Musa ya a fɔ Aruna ye ko, “A fɔ Isirɛla mɔgɛ bɛɛ ye ko anu ni anu kundɛn kan-tina-kelen Mari yakɔrɔ kamasɔrɔn a ara anuta gbunya-kumɛ lamɔɛn.”

10Aruna ya kumɛ dabira anu ye tumɛ min, anu ya anu yɛ lata wula-yan la. Tiriyante wo rɔ, anu ya Marita wan-belebele yen banda-finyɛ rɔ.

11Mari ya a fɔ Musa ye ko, 12“N bara Isirɛla mɔgɛnuna gbunya-kumɛ lamɔɛn. A fɔ anu ye ko anu si mɛya-fan dɔn bi wurɛ la. Sɔgɔma, anu si fa dɔn-fan la. Anu si a lɔn yati, ko nde le anuta Mari Alla la.”

13Wurɛ la, wonderenu yigira ka Isirɛla mɔgɛnuna sigi tinɛ lafa. Sɔgɔma, duri yigira dagɛla minɛ rɔ. 14Duri wo kara tumɛ min, dɔn-fen-lamurunnɛ tora sani dugi ma iko yanba-kun-gbalɛ. 15#1 Kɔrɛnti 10.3 Isirɛla mɔgɛnu ya a yen tumɛ min, anu ya a fɔ anu nyɔgɔn ye ko, “Nfen bi kɛ la?”#16.15 Nfen bi kɛ la: Ni i ya a lamɔɛn, “mana,” Hiburu-kan rɔ, wo kɔrɛ le ko, “Nfen bi kɛ la.” Kɛ kɔma, ma si a kele ko, “Allata biredi.” kamasɔrɔn anu ma a lɔn ni min bi.

Musa ya a fɔ anu ye ko, “Nba, Mari ya dɔn-fan min di wo ma, wo le kɛ la. 16Mari ya min fɔ dɔn-fan kɛla ko la, wo le kɛ la. A ko denbaya-tigi bɛɛ ni pani-kunbɛ nya kelen-kelen makɔ iko ala mɔgɛnu yatɛ ye nya min bɔn la. Ni mɔgɛ min nyɔgɔn ye a bolo bɔn la, a ni ta wo nyɔgɔn dɔn-fan pani-kunbɛ bi.”

17Isirɛla mɔgɛnu ya a ma iko Mari ya a fɔ nya min. Donu ya a siyaman bi, donu ma a siyaman bi. 18#2 Kɔrɛnti 8.15 Anu banta a makɔla tumɛ min, minnu ya a siyamɛ bi, wonutɛ to ma to. Minnu ma a siyamɛ bi, wonutɛ ma dasa. Mɔgɛ bɛɛ ya a bi ka a bɛn ala bonna-mɔgɛnu yatɛ ma gben!

19Musa ko, “Mɔgɔ-wo-mɔgɔ kana dɔn-fen kɛ fenfen namara ha sɔgɔma.”

20Hali wo, donu ma Musata kumɛ bira. Anu ya anutɛ lamara ha sɔgɔma. Tunbinu kera wonutɛ rɔ. A tulu-sumɛ bɔra. Musa diminyara anu ma.

21Anu tora a makɔla sɔgɔma-wo-sɔgɔma iko anuna bonna-mɔgɛnu yatɛ ye nya min. Tele wa kunaya, dɔn-fan wo si lee bandin!

22Kɔnɔ a tele wɔrɔ nyɔgɛ ma, denbaya-tigi bɛɛ ya tele fila dɔn-fan makɔ anuna denbayɛnu ye, pani-kunbɛ-nya fila, mɔgɔ kelen. Anu banta a makɔla tumɛ min, kebila-kunyɛ bɛɛ tara ka a fɔ Musa ye ko, “Ma ara dɔn-fen-siyamɛ kɛ makɔ. Ma si a ma kama?”

23 # Bɔ-Koe-Iyipiti 20.8-11 Musa ya a fɔ anu ye ko, “Ni a ma-sɔgɛ ye wo la nya-wo-nya, wo si a ma wo nya, ni ka a mintan de, ni wo ma, ka a te le, wo si a ma wo nya. Kɔnɔ ni mintɛ toe tora, wo si ma sina dɔn-fan la. Wo ni wo lamara ha sɔgɔma bawo sina tele si ma tele-sɛnimɛ la Mari ye.”

24Bɛɛ ya atɛ lamara ha sɔgɔma iko Musa ya a fɔ nya min. A tunu-suma ma bɔ. Tunbinu ma ke anu tɔ. 25-26Musa ko, “Wo ya minnu namara, wo ni wonu dɔn bi kamasɔrɔn Sulen-Tele le kɛ la min sɛninyanɛ Mari ye. Wo ti dɔn-fan kɛ fenfen taran dugi ma Sulen-Tele ma. Wo si to a makɔla tele wɔrɔ kɔrɔ. A tele wɔrɔnfila nyɔgɛ ma, wo ti dɔn-fen wo dɔn-fen taran nyɔ.”

27Hali wo, mɔgɛ donu ya anu tui ka ta dɔn-fan wo makɔ tinɛ a tele wɔrɔnfila nyɔgɛ wo ma kɔnɔ anu ma fenfen taran nyɔ. 28Mari ya a fɔ Musa ye ko, “Wo si n kan to a gbɛ rɔ wati nyamintan gbɛ? 29Wo ni wo hɛnkili to kɛ ko, ko nde, Mari le ya Sulen-Tele kɛ di wo ma serr! Woletɔ n bi tele fila dɔn-fan dila wo ma a tele wɔrɔ nyɔgɛ ma. Mɔgɔ-wo-mɔgɔ kana a maga a tele wɔrɔnfila nyɔgɛ ma. Bɛɛ ni to a warɛ.” 30Woletɔ mɔgɛnu tora anu sulenna a tele wɔrɔnfila nyɔgɛ ma.

31 # Yilan-Yilan Koe 11.7-8 Isirɛla mɔgɛnu ya dɔn-fan wo tɔgɔ sa “Allata biredi.” A gbɛnɛ iko kende-kole. A di iko bagadalɛ. 32Musa ya Mari kuman-kan latenbi Isirɛla mɔgɛnu ma ko, “Mari ko ma ni dɔn-fan kɛ pani-kunbɛ-nya kelen namara mala dannu anubɛ ma kegeyɛnu yarɔ. Mari ko a ya ma labɔ Iyipiti nyamanɛ rɔ tumɛ min, a ya ma de-nyini dɔn-fan min na wulɛ rɔ, anu ni wo yen anu yɛ la.”

33 # Hiburunu 9.4 Musa ya a fɔ Aruna ye ko, “I ni dɔn-fan kɛ pani-kunbɛ-nya kelen namara kan-tina-sɛnimɛ rɔ Marita Fani-Bɔn la alako ma kegeyɛnu si a yen nya min.”

34Aruna ya a ma iko Mari ya a fɔ Musa ye nya min. A ya a sigi tɔn-kenkirɛ yarɔ. 35#Yasowa 5.12 Isirɛla mɔgɛnu tora Allata biredi wo dɔnna ha san bi-nanɛ da fara ha anu tara Kenan nyamanɛ-dan ma, anu bi nala sigila nyamanɛ min tɔ, kɔni. 36(Anuna fen-suma-fan wo nya kelan le bɛnnɛ pani-kunbɛ-nya tan ma.)

Currently Selected:

Bɔ-Koe-Iyipiti 16: KCLB

Highlight

Copy