Bɔ-Koe-Iyipiti 19

Musa Yɛlɛ-Koe Kɔnkɛ Kuma

1Isirɛla mɔgɛnuna bɔɛ Iyipiti nyamanɛ rɔ, karɛ fila, a sawa nyɔgɛ, a tele fɔlɔtɛ nyɛrɛ ma, anu kera Sinayi wulɛ rɔ. 2Anu bɔra kan tinɛ wo rɔ min tɔgɛ Sulen Tinɛ ka anu daga makɛ Sinayi kɔnkɛ kɔrɔ.

3Musa yɛlɛta kɔnkɛ wo kuma. Alla ya a fɔ Musa ye nyɔ ko, “Ta a fɔ Yakoba bɔnsɔn-mɔgɛnu ye, Isirɛla mɔgɛnu, kɔni, ko, 4‘N bara min ma Iyipiti kɛnu na, wo ara wo rayen. N bara wo bi ka wo ma ntɛ la ka wo fɛ-bira kilɛ la iko bibi tenbi ala dannu fɛ-birala gban tinɛ. 5#Tɔn-Fɔɛ-Fila-Nyɔgɛ 4.20; 7.6; 14.2; 26.18; Taita 2.14 #1 Pita 2.9Woletɔ ni wole ya n kuman-kan bira gben ka nta lanyiri latɔnbagaya, wole si ma n halalɛ la ka tenbi mɔgɛ bɛɛ la duninya rɔ. Ntɛ le duninya bɛɛsi la. 6#Lankɛnimayɛ 1.6; 5.10 Wo si ma saraka-masɔlɛnu anubɛ sibolo-sɛnimɛnu na n ye. I si ta kumɛ kɛ fɔ Isirɛla mɔgɛnu ye.’ ”

7Musa tara Isirɛla mɔgɔ-banu kundɛn kan-tina-kelen. Mari ya kumɛ min bɛɛsi fɔ a ye, a ya wonu takaran anu ye. 8Mɔgɛ bɛɛsi ya a yabi anu nyɔgɔn fɛ ko, “Mari ara min bɛɛsi fɔ, ma si wonu bira.” Musa tara mɔgɛnu kan wo latenbi Mari ma.

9Mari ya a fɔ Musa ye ko, “N ba wuli kumala i ye tumɛ min, n si na i ma banda-finyɛ rɔ, woletɔ mɔgɛnu si wo yen ka n kuman-kan lamɔɛn. Wo si a ma, anu ni la i la burubukai!”

10Musa ya mɔgɛnuna yabilɛ wo latenbi Mari ma. Mari ya a fɔ Musa ye ko, “Ta a fɔ mɔgɛnu ye ko anu ni anu sɛninya bi anubɛ sina. Anu ni anuna kurɛnu ku. 11A tele sawa nyɔgɛ ma, n si a taran, anu bara anu tabɛn kamasɔrɔn a tele sawa nyɔgɛ wo ma, n si yigi Sinayi kɔnkɛ kuma banda-finyɛ rɔ mɔgɛ bɛɛ yala. 12#Hiburunu 12.18-20 I ni dan sa kɔnkɛ kɔrɔ alako mɔgɛnu kana tenbi nyɔ la ka yɛlɛ kɔnkɛ kuma. I ni a fɔ anu ye ko anu ni a ma anu fɛrɛma. Anu kana tenbi dan wo la ka yɛlɛ kɔnkɛ la, ni wo ma, ka tugu dan wo la. Ni min ya a kian latenbi dan wo kɔma, anu kana wo kɛndɛ to. 13Mɔgɔ-wo-mɔgɔ kana a bole tugu tɔn-tinyalɛ wo la fɔ ka a faga kalabɛn la. Ni wo ma, anu ni a mabon kuri la. Mɔgɔ wo, kolo-fen wo, ni min ya tɔn wo tinya, anu kana wo kɛndɛ to. Anu ba buru-fɛ-kan lamɔɛn tumɛ min, anu ni anu madon kɔnkɛ kɛ la.”

14Musa yigira mɔgɛnu wara tumɛ min ka bɔ kɔnkɛ kuma, a ya a fɔ anu ye ko anu ni anu sɛninya Mari bato-koe la ka anuna kurɛnu ku. 15Wo kɔma, Musa ya a fɔ mɔgɛnu ye ko, “Wo ni wo rabɛn tele sawa kɛnu kɔrɔ. Wo kana wo gbɛrɛn musu ma wulɔn.”

16 # Lankɛnimayɛ 4.5 #Tɔn-Fɔɛ-Fila-Nyɔgɛ 4.11-12A tele sawa nyɔgɛ wo sɔgɔma, anu ya banda-nyin-masɔgɛ yen ka sangbalamɛ anubɛ buru-fɛ-kan-belebele-wɛ lamɔɛn banda-fin-digidigi-wɛ rɔ kɔnkɛ wo kuma. Minnu bi dagɛ wo rɔ, wonu yɛrɛyɛrɛnta kilan bolo. 17Musa ya mɔgɛnu bi dagɛ rɔ ka ta anu na Alla ma kɔnkɛ wo kɔrɔ. 18Ta-sisi bɔra Sinayi kɔnkɛ kuma bawo Mari le wara yigi kɔnkɛ wo kuma iko tɛ. Ta-sisi wo yɛlɛta kulakula! Kɔnkɛ wo kan tinɛ bɛɛsi yɛrɛyɛrɛnta. 19Buru-fɛ-kan koloyara tumɛ min, Musa kumara. Alla ya a yabi san-sɛran rɔ.

20Mari yigira Sinayi kɔnkɛ kun tɛma. Mari ya a fɔ Musa ye ko, “Na n bara kɔnkɛ kun tɛma yan.” Musa tara a wara. 21Mari ya a fɔ a ye ko, “I ni yigi ka mɔgɛnu kawandi alako anu kana tenbi dan wo la ka nde, Mari ragbɛ. Ni min ya wo ma, wo tigi si faga. 22Hali saraka-masɔlɛ minnu bi mabɛ mɔgɛnu tɛma, wonu fanan ni anu sɛninya. Ni wo ma, n si anu fanan tɔrɔ.”

23Musa ya a fɔ Mari ye ko, “Mɔgɛnu ti yɛlɛ yan bawo i wara a fɔ ma ye ko ma ni dan sa kɔnkɛla minɛ rɔ ka a ma kan-tina-sɛnimɛ la.”

24Mari ya a fɔ a ye ko, “Ta Aruna bi kɔnkɛ kɔrɔ. I ni yɛlɛ a la yan kɔnɔ saraka-masɔlɛnu anubɛ a mɔgɛ toenu kana tenbi dan la ka nde, Mari yen muk! Ni min tenbira, n si wo tɔrɔ.”

25Woletɔ Musa yigira mɔgɛnu wara ka Allala sarakanɛ lake anu ma.

Currently Selected:

Bɔ-Koe-Iyipiti 19: KCLB

Highlight

Copy