Mako 15

Yesu ku meso a Pilato

(Mateo 27:1-2,11-14; Luka 23:1-5; Yoano 18:28-38)

1Ponkapotu pa kukya lukeelo bang'anga bakatampe bapwijile pamo na bakulumpe ne banembeshi ne bonse bamukije. Ne Yesu bamukashile, kabiji bamutwajile ne kumupana kwi Pilato. 2Ne Pilato wamwipwizhe amba, “Yenu mfumu wa Bayudea nyi?”

Ne aye wamukumbwile amba, “Mwafikilapotu.”

3Ne bang'anga bakatampe bamushinawijile bintu byavula. 4Ne Pilato wamwipwizhe jibiji amba, “Anweba ne kukumbulapo nangwa pacheche nenyi? Talai byo byavula byo bemushiina.”

5Pakuba Yesu kechi wakumbwilepo nangwa na kintu kimo ne, onkao mambo Pilato wakuminye.

Yesu byo bamuzhachishe amba afwe

(Mateo 27:15-26; Luka 23:13-25; Yoano 18:39—19:16)

6Bino pa kijiilo kyonse aye Pilato wakelwanga kwibakasulwila kaili umo ye basakile abo bene. 7Kabiji kwajinga umo jizhina janji Balabasa, wakashilwe na bakwabo mo basatukijile. Abo bantu pakusatuka kwabo, baipayang'ene. 8Ponkapo jibumba jaishile ne kutatula kumwipuzha Pilato kwibobila byonka byo akelwanga kwibobila. 9Ne aye Pilato wibepwizhe ne kwamba amba, “Mwasaka nemukasulwile mfumu wa Bayudea nyi?” 10Pakuba aye wayukile amba, bang'anga bakatampe bamufikizha kuno na mambo a kichima. 11Bino bang'anga bakatampe bakolomwene jibumba amba, ebakasulwileko Balabasa. 12Kepo Pilato ebambijile jibiji amba, “Pano nanchi ikika kyonsa kumuba aye yemuteela amba, mfumu wa Bayudea?”

13Ponkapo babijikile amba, “Mupopai!”

14Ne Pilato wibambijile amba, “Nanchi ng'anyi kintu kyatama kyo auba?” Pakuba abo kepo ke babijikishetu bingi amba, “Mupopai!”

15Ponkapo Pilato byo asakile kutokesha jibumba pa muchima, wibakasulwijile Balabasa, pakuba Yesu byo amututawile wamupaine amba, apopwe pa musalabu.

Yesu byo bamwendelekele ku bashilikale

(Mateo 27:27-31; Yoano 19:2-3)

16Kabiji bashilikale bamutwajile mu kipango kya ndamakyalo Pilato (kyo batongola amba, Peletoliuma), kabiji baichile bonse bamu kiombe kyabo. 17Ne abo bamuvwikile kisapi kyachiluluka, ne kumulukila munchinya wa miba, ne kumumvwika ku mutwe wanji. 18Kabiji batatwile kumwimuna amba, “Mutende, Mfumu wa Bayudea!” 19Ke bamupume ku mutwe na jitete, ne kumushipila mate, ne kufukama panshi na kumupopwela. 20Ne pa kupwisha kumwendeleka, bamuvujile kivwalo kyachiluluka, ne kumuvwika bivwalo byanji mwine, ke bamutwale na kumupopa pa musalabu.

Yesu byo bamupopele pa musalabu

(Mateo 27:32-44; Luka 23:26-43; Yoano 19:17-27)

21 # Lo 16:13 Kabiji bakanjikizhe umo wapichilenga, Shimona mwina Kilene, wafuminenga mungye, (shabo Alekizanda ne Lufusa) amba, “Tuye ne obewa usende musalabu wanji.” 22Ne kumuleeta kuntu ko batongola amba, Ngolongota (pa kulumbulula ko kuuba amba kuntu kwa kiboyongolo.) 23Kabiji bamupele binyu byo bavwangankanya na moola, bino Yesu kechi wibitomene ne. 24#Sala 22:18 Kabiji bamupopele pa musalabu ne kwiabenya bivwalo byanji, kasa bataaya bubale pakuyuka byo basa kwibitambula, au kyanji au kyanji. 25Ne juba byo jaubile jakanjila kala bamupopele pa musalabu. 26Ne kinembelo kya kishiino kyanji kyanembelwepo peulu amba, “MFUMU WA BAYUDEA.” 27#Isa 53:12Kabiji bamupopele pamo na batupondo babiji, umo ku kilujo ne mukwabo ku kipiko. 28Ne kinembelo kyafikile kyaamba amba, “Aye wabajilwa pamo na bampupabizhila.” #15:28 Ma buuku amo a mu kigiliki kechi aji na Ne kinembelo kyafikile kyaamba amba, “Aye wabajilwa pamo na bampupabizhila ne.” (Monai Lu 22:37)

29 # Sala 22:7; 109:25; Mako 14:58; Yoa 2:19 Ne abo bapichilenga konka bamubilenga mwenga, kasa benauna ku mitwe yabo, ne kwamba amba, “Obewa onauna nzubo yazhila ya Lesa ne kwiishimikulula mu moba asatu! 30Ipulushe obewa mwine, wikile panshi kufuma pa musalabu!”

31Byonkabyo ne bang'anga bakatampe nabo bamwendelekelenga pamo ne banembeshi ne kwamba amba, “Wibapulwishenga bakwabo, bino mwine kechi wakonsha kwipulusha ne! 32Ye Kilishitu, Mfumu wa Isalela, pano ekile pa musalabu namba, twitabile!”

Ne bapopelwe nanji nabo bamwendelekelenga.

Lufu lwa Yesu

(Mateo 27:45-56; Luka 23:44-49; Yoano 19:28-30)

33Pa kushinkimana juba kwaishile mfishi yakumbene ponse pantanda, kufika ne pa kulemba juba. 34#Sala 22:1Ne pa kulemba juba, Yesu wabijikile na jiwi jikatampe, amba, “Eloi, Eloi, lema sabakatani?” Pa kulumbulula kokuba amba, “Lesa wami, Lesa wami, wandekela ka?”

35Ne bamo baimene konka byo baumvwine, ba ambile amba, “Talai ubena kwita Elaija.” 36#Sala 69:21Ne umo wayile lubilo wakayuzhizhe shipanja na binyu byasasa, wasomekele ku jitete, ne kumupa amba, atome, ne kwamba amba, “Pembelelai, tumone kana Elaija usakwiya na kumwikizhako!”

37Ne Yesu wabijikile na jiwi jikatampe ne kuleka ku mweo.

38 # Lupu 26:31-33 Ne kipembe kya mu nzubo yazhila ya Lesa kyatabukile ke bibiji, kufuma peulu ne kufika panshi. 39Kabiji mukulumpe wa bashilikale waimenejile kubwipi pa kumona byo abijikile ne kuleka ku mweo, wa ambile amba, “Kine uno muntu waji Mwana Lesa!”

40 # Lu 8:2,3 Kabiji kwajinga ne banabakazhi kwalepa kasa batajisha. Mwi abo mwajinga Maliya waku Magadala, ne Maliya inanji Yakoba wa mwanyike, ne Yosesa, ne Salome. 41Bonka bamulondejilenga byo ajinga ku Ngalilea na kumwingijila, ne bavula banabakazhi bakwabo baishile nanji ku Yelusalema.

Kuzhiikwa kwa Yesu

(Mateo 27:57-61; Luka 23:50-56; Yoano 19:38-42)

42Kabiji byo jafikile ke mabanga, byo jajinga juba ja kunengezhezha jimo, (ko kuuba amba, juba ja kunyuma na ja Sabado), 43Yosefwa mwina Alimatea, kinemanga wa mukije waishile. Aye naye wapembejilenga bufumu bwa Lesa, watwelele mwi Pilato na kuchinchika, ne kulomba mubiji wa Yesu. 44Ne Pilato wa kuminye amba, “Wafwa kalanyi?” Ne aye waichile mukulumpe wa bashilikale ne kumwipuzha amba, “Waji kufwa kalanyi?” 45Pakumvwa kwi aye mukulumpe wa bashilikale amba wafwa, wapaine mubiji kwi Yosefwa. 46Ne aye Yosefwa wapotele kisapi kya linenyi, nepa kumwikizha wamupombele mu kyonkakya kisapi ne kumubika mu kilende kyo basongele mu jibwe kabiji wa alumwijileko jibwe ku kibelo kya kilende. 47Maliya waku Magadala ne Maliya inaji Yosesa bamwene kobamubikile.

Currently Selected:

Mako 15: KNTP

Highlight

Copy