1 ŴaKorinte 12
12
Vyawanangwa vyakupaskika ndi Mzimu Wakupaturika
1Kweni pa vyamzimu, mwa ŵabali, kuti ndikhumba muŵe ŵajira cha. 2Muziŵa kuti penipo mwenga ŵamtundu, mwarandizgikiyanga ku vyangoza vyambuwu, kose kweniko mwagumizgikiyanga. 3Chakumziŵiskani nchakuti palive yumoza, wakukambiya mu Mzimu waku Chiuta, yo watiti, “Yesu ngwakutembeka”; ndipo palive yumoza waziŵa kukamba kuti, “Yesu ndi Mbuya,” kweni mu Mzimu Wakupaturika.
4Kweni ghalipo mapambanu gha vyawezi, mu Mzimu yumoza pe. 5Ndipo ghalipo mapambanu gha uteŵeti, kweni Mbuya yumoza mbwenu. 6Ndipo ghalipo mapambanu gha machitidu, kweni Chiuta yumoza, mweniyo ngwakuchitiyamo vyose mwaku wose. 7Kweni ku munthu we yose, yumoza-yumoza, kwapaskika uvumbuzi wa Mzimu kwachimovye mu vyamampha vyose. 8Chifukwa kwaku uyu kwapaskika mu Mzimu mazu gha zeru; ku munyake mazu gha mziŵiru ndi Mzimu mweniyo pe, 9ku munyake chivwanu, mu Mzimu mweniyo pe; kweni ku munyake vyawezi vya michizgu, Mzimu mweniyo yumoza, 10ndi ku munyake machitidu gha minthondwi; ku munyake umchimi, ku munyake mazaza ghakupatuwa pakati mizimu; ku munyake mitundu ya marongoroledu; ndi ku munyake kang'anamulidu ka marongoroledu. 11Kweni vyose ivi wachita ndi Mzimu mweniyo yumoza pe, wakugaŵiya we yose uli ndimo wakhumbiya.
Liŵavu limoza le ndi viŵaru vinandi
12Chifukwa uli ndimo liŵavu ndimoza, ndipo le navyo viŵaru vinandi, kweni vyose viŵaru vyo vya liŵavu, nanga vinandi, vye liŵavu limoza; viyo so ndi Kristu nayo. 13Chifukwa mu Mzimu yumoza ifwe tose tingubatizikiya ku liŵavu limoza, ŵaYuda pamwenga ŵaGriki, ŵaŵanda pamwenga ŵanangwa; ndipo tose tingumweskeka ku Mzimu yumoza.
14Chifukwa liŵavu nalo kuti nchiŵaru chimoza cha, kweni vinandi. 15Asani rundi likambenge, “Chifukwa kuti ndine janja cha, kuti nde la liŵavu lo cha”; kuti lireka kuŵa la liŵavu lo chifukwa chenicho cha. 16Ndipo asani gutu linenenge, “Pakuti ndine jiso cha, kuti nde la liŵavulo cha”; kuti lireka kuŵa la liŵavu lo chifukwa chenicho cha. 17Asani liŵavu lose lenga jiso mphanyi kuvwa kwenga pani? Asani lose lenga kuvwa, mphanyi kunuska kwenga pani? 18Kweni nge ndimo kuliri Chiuta waŵikamo mu liŵavu viŵaru vyo, che chose chaku vyo, nge ndimo wangukhumbiya. 19Ndipo asani vyose vyo vyenga chiŵaru chimoza, mphanyi lenga pani liŵavu? 20Kweni ehe kwe viŵaru vinandi, mu liŵavu limoza. 21Jiso kuti liziŵa cha kulinene janja, “Kuti ndikavuka iwe cha”; pamwenga mutu wo unganene marundi cha, “Kuti ndikavuka imwe cha.” 22Awa na; kweni ukongwa kwakuruska, viŵaru vya liŵavu vyo viwoneka kuŵa vyakutomborokako vikhumbikwa, 23ndipo vya liŵavu vyo titivipima ulaka vya kupere rumbu, pakuvyenivyo tirundapo rumbu linandiko; ndipo vizira kunozga vidu vye nawo unozgi unandiko, 24weniwo usoŵa mu viŵaru vidu vyakunozga kwakuruska. Kweni Chiuta warungang'a pamoza liŵavu lo, wapaska rumbu linandiko ku chiŵaru cho chingupere, 25alinga kuti lingaŵamo cha gaukanu mu liŵavu lo; kweni kuti viŵaru vyake viphwererane kwakuyanayana. 26Ndipo asani chiŵaru chimoza chikomwa, viŵaru vyose vikomwe pamoza nacho; asani chimoza chirumbika, viŵaru vyose vikondwere pamoza nacho.
27Kweni imwe mwe liŵavu laku Kristu, chiŵaru che chose mu chigaŵa. 28Ndipo Chiuta wajisankhiya mu mpingu wa, pakudanga ŵakutumika, kachiŵi ŵamchimi, kachitatu ŵasambizgi, pavuli ŵakuchita minthondwi, pavuli penipo ŵakuchita vyawezi vya michizgu, vyovyu, maurongozgi, mitundu ya marongoroledu. 29Wose mbakutumika kumbi? Kumbi wose mbamchimi? Kumbi wose mbasambizgi? Kumbi wose mbakuchita minthondwi? 30Kumbi wose ŵe ndi vyawezi vya michizgu? Kumbi wose ŵakamba ndi marongoro ledu? Kumbi wose ŵang'anamuwa? 31Kweni ukongwa viŵi mukhumbire vyawezi vikuruku vyo. Ndipo sono ndikurongoninga nthowa yamampha kwakuruska.
Currently Selected:
1 ŴaKorinte 12: TongaMw
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi