1 ŴaKorinte 13
13
Chanju
1Asani ndirongoro ndi marongoroledu gha ŵanthu ndi gha ŵangelo, kweni ndirive chanju, ndituŵa nge ndi sapuli yakuyeyeta, pamwenga chijeri chakujewereska. 2Ndipo asani ndi ndi umchimi, ndipo ndiziŵa mangari ghose ndi mziŵiru wose; asani nde ndi chivwanu chose, viyo kuti ndinganderezga mapiri, kweni chanju ndirive, kuti nde kanthu cha. 3Ndipo asani ndingagaŵa vyangu vyose kovya ŵakavu, asani ndingapereka liŵavu langu kuti ndocheke, kweni chanju ndirive, kuti ndanduwengepo kanthu cha.
4Chanju chilekerezga, ndipo ncha ulemu, chanju kuti chiŵiniwa cha; chanju kuti chijirumba cha; 5kuti chitukumuka cha, kuti chichita nkhaza cha. Kuti chilembe vyaku chija cha, kuti nchachikaralizga cha, kuti chitundiriya pa uheni wo chikunthiyapo cha, 6kuti chikondwere pa uwura-urunji cha, kweni chikondwere ndi uneneska. 7Chikandirizga vyose, chivwana vyose, chigomekezga vyose, chikunthiyapo vyose.
8Nyengo zose kuti chanju chipereŵe cha; kaya manyi ndi mauchimi, ghawayukenge, pamwenga marongoroledu, ghamarenge; pamwenga mziŵiru, uwayukenge. 9Chifukwa tiziŵa kwamalinga, ndipo titaula kwamalinga; 10kweni penipo chikazanga chakufikapo cho, cho chamalinga chikawayukanga. 11Ndenga ndeche kana, ndarongoronga nge nkhana, ndathoŵanga nge nkhana, ndaghanaghanagha nge nkhana; ndati ndaŵa doda, ndareka vya wanaumana. 12Chifukwa sono tiwona kazimuzimu nge ndimo tilereske, pa chakuwonapo (galasi) kwakusachizga kweni penipa tazamuwonana chisku ku chisku, sono ndiziŵa kwamalinga; kweni penipa nkhaziŵisiskanga uli ndimo ndaziŵikwiya. 13Ndipo sono chijariya chivwanu, chigomekezgu, chanju, vitatu; kweni chakuruska ukongwa chaku vyo, nchanju.
Currently Selected:
1 ŴaKorinte 13: TongaMw
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi