1 ŴaKorinte 8
8
Mafumbu pa vyakurgha vyakunozgeke ŵachiuta ŵangoza
1Kweni nge nkhwaku vyo vyabayikiya vyangoza: tiziŵa kuti tose te ndi mziŵiru. “Mziŵiru wo utukumuska,” Kweni chanju ndicho chizenga. 2Asani munthu watiti waziŵa kanthu, wandaziŵepo mo watenere kuziŵiya. 3Kweni asani yumoza watumwanja Chiuta, mweniyo waziŵikwa ndi iyo.
4Viyo kuchiri ku chakurgha cha vyakubayikiya vyangoza tiziŵa kuti, “Changoza kuti nkhanthu cha mu charu,” ndipo kuti, “Palive chiuta kweni yumoza pe.” 5Chifukwa chingana ŵalipo ŵeniwo ŵatamulika ŵachiuta, mu machanya, pamwenga pa charu; uli ndipo nadi kuliri “ŵachiuta ŵanandi,” ndi “ŵambuya ŵanandi;” 6kweni kwaku ifwe walipo Chiuta yumoza pe, Ada, kutuliya kwaku mweniyo kwe vyose ndi mwaku mweniyo tose tijariya Mbuya yumoza, Yesu Kristu mwaku mweniyo mwe vyose, ndi ifwe mwaku iyo.
7Kweni kuti mu munthu yose mwe mziŵiru wo cha. Wanyake pakuziŵiriya vyangoza mpaka kuno ku sono, ŵaturgha nge vyakubayikiya vyangoza; ndipo njuŵi zawo pakuŵa ziteta, zikazuzgika. 8Kweni chakurgha kuti ndicho chititore ifwe pa maso paku Chiuta cha: asani tireka kurgha kuti ndipo te ŵaheni kwakuruska cha, asani titurgha kuti ndipo te ŵamampha kwakuruska cha. 9Kweni cheŵani vinu mtufu winu uwu ungaŵiya chiguŵisku kwaku ŵeniwo mbadomboto, 10chifukwa asani munthu wangakuwona iwe wakuŵa ndi mziŵiru, kuja pa gome mu kasopi wangoza, asi njuŵi zake, pakuŵa iyo wadomboto, zikhomeskekenge kurgha vyakubayikiya vyangoza? 11Ndi viyo wanangikiya pa mziŵiru wako wadomboto yo, mbali mweniyo Kristu wangufwiya. 12Ndipo pakulakwiya ŵabali wo, ndi pakulasa njuŵi zawo zakutomboloka, mulakwiya Kristu, 13viyo, asani chakurgha chitumguŵiska mbali wangu, kuti nkharghanga cho cha muyaya, alinga kuti ndireke kumguŵiska mbali wangu.
Currently Selected:
1 ŴaKorinte 8: TongaMw
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi