Zekariya 5
5
Chiwona cha kalata wakuzinga
1Ndinguyunuska so maso ghangu, ndi kulereska, ndipo ndinguwona, kalata wakuzinga wakuwuluka! 2Ndipo wanguti kwaku ine, “Kumbi wawonanji?” Ndingwamuka, “Ndawona kalata wakuzinga; utali wake ndi mikono machumi ghaŵi (20) ndi usani mikono chumi.” 3Ndipo wanguti kwaku ine, “Ili ndi thembo lakutuwiya pa chisku cha charu chose chapasi, chifukwa yose yo watuba wakadumulikanga, kwamba sono kwakuyana ndilo, ndipo yose yo warapa utesi wakadumulikangako sono kwakuyana ndilo. 4Ndilitumizgenge, atiti Ambuya ŵa maŵanja, ndipo liserenge mu nyumba ya munkhungu, ndi mu nyumba yaku yo warapa utesi mu zina langu; ndipo lijenge mu nyumba yake ndi kuyimara, miti yake ndi mya yake pamoza.”
Chiwona cha munthukazi mu chitete
5Ndipo mungelo wa Ambuya yo wakambanga nane wangundere kufupi ndi wanguti kwaku ine, “Yinuska maso ghako, ndi wona nchine ichi chituwa.” 6Ndipo ndinguti, “Kumbi nchine?” Iyo wanguti, “Ichi ndi sokora yo yituwa.” Ndipo wanguti, “Uku ndiko kunanga mu charu chose.” 7Ndipo, ehe, chingutumphuka chibenekere cha ndolo, ndipo mwenga munthukazi, wanguja pasi mukati mu sokora! 8Ndipo wanguti, “Uwu mbuheni.” Wangumututuzgiya so mukati mu sokora, ndipo wanguwezgiyapo so chibenekere paku cho. 9Ndipo ndingulereska, ndipo ndinguwona, kungutuwa ŵanthukazi ŵaŵi ŵakuza kunthazi! Mphepo yenga mu mapapa ghawo; ŵenga ndi mapapa nge ngaku muswankhono, ndipo wangunyamuwa sokora pakati pa charu ndi machanya. 10Viyo ndinguti ku mungelo yo wakambanga nane, “Kumbi ŵatiya nayo pani sokora?” 11Ndipo iyo wanguti, “Ku charu cha Shinara kwachiyizenge nyumba; asani yarongosoreka, ŵaŵikenge sokora pasi pa chimiko chake.”
Currently Selected:
Zekariya 5: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi