Matye 16
16
Sifalisyaanu i Sisadusyaanu bën'loombë ciliimbu ci cimaaku
(Mak 8.11-13; Lik 12.54-56)
1Sifalisyaanu i Sisadusyaanu kwiisë fëke Yeesu, mu kun'seengë. Baawu bisë n'loombë ciliimbu ci cimaaku cin'leesi ti naandi wufuminë ke Nzaambi. 2Kasi naandi wusë bëvutulilë : « Yi mësikë, beeno lun'tubaangë : “Liyilu like liboti cibilë lyaawu lya cya.” 3Yimenë-ngwaali, beeno lun'tubaangë : “N'vulë yabelëmë mu kunokë, cibilë li yilu lya piindë.” Beeno luzabisi kubangulë biliimbu bi yilu, kasi beeno lusë m'podi ko kubangulë biliimbu bi ntaangu be yiiyi#16.3 Mëbuuku mën'ka më n'tamë mëkeeli ko mëbuungu më Yeesu, v. 2 i 3.! 4Baatu bë bubwayi bivaangë mëbi i bëkaambu kusulëmë ke Nzaambi, baawu bën'loombë ciliimbu, kasi fësë bëveewu ciliimbu cin'ka ko kanuku cyo ci Zonaasë m'bici#16.4 Tala Mat 12.41. » Naandi wusë bëbiikë i wusë ke yendaangë.
M'bweeli wu Sifalisyaanu i wu Sisadusyaanu
(Mak 8.14-21)
5Bunë bilaanzi bëlësabukë ku lweeku lum'mesë lu liyaangë, bëzimbëkënë kunatë mëmpa. 6Yeesu kubëkaambë : « Kebaanu bunë bwaawu mu m'bweeli wu Sifalisyaanu i wu Sisadusyaanu. » 7Bilaanzi bëbalë ti : « Naandi wutubilë boobo cibilë tusyenatë mëmpa ko. » 8Yeesu abu kwe lizaabi, naandi kubëkaambë : « Mbici luke tubësënaangë benuveekë i benuveekë, cibilë lukaambu mëmpa? Bangë lufyaatu lukufi! 9Beeno lubakuli kwe? Tebukaanu moonyi mu mëmpa më taanu lukabulë ke biveefi bi taanu bi bëbakëlë, yi lutaangu lu mikutë lu mëmpa lunë lunatë#16.9 12.39-40.? 10Keti lisaambwali li mëmpa mu biveefi bi na bi baatu yi lutaangu lu mikutë lunë lunatë#16.10 15.32-38.? 11Buni lun'kaambu kubakulilë ti, mu cibilë ci mëmpa ko, yilukambilë : keelaanu mu m'bweeli Sifalisyaanu i Sisadusyaanu? »
12Mu bwaawu, baawu bisë bakulë ti naandi wusye bëkambilë kuve mu m'bweeli mëmpa, vandi kasi mu nsinunu yi Sifalisyaanu i Sisadusyaanu.
Pyeelë watendulë ti Yeesu wuli Kliistu
(Mak 8.27-30; Lik 9.18-21)
13Yeesu bunë kwayisi ku mëvulë më Sezalee më Filiipë. Naandi wusë kufulë bilaanzi byaandi : « Baatu mbici bëlë mu ke tubaangë mu Mwaanë muutu? » 14Baawu kun'vutulilë : « Bën'viipë njeeyi Za-Batiisë, bëmesë njeeyi Eli m'bici, bën'ka njeeyi Yelemi m'bici, kaambofo m'bici wun'ka. » 15« Naandi kubëyufulë mu beeno, miinu nani yikeeli? » 16Simu li Pyeelë kun'vutulilë : « Njeeyi, Kliistu, Mwaanë Nzaambi yi moonyi. » 17I Yeesu wusë n'vutulilë : « Nyeenzyaaku oyo a Simu mwaanë Za, cibilë yaaku ti muutu lumoonyi ko wakuselulilë cyelikë ocyo, va Tataami wuke ku mëyilu. 18Miinu yivaamë yikukaambë, “njeeyi wuli Pyeelë#16.18 Efe 2.20. i fë yilu limanyi be lyooli, yin'tungilë Cingangë cyaami. Lufwa lwaveekë lusë m'podi cin'velë ko mu lyaawu. 19Miinu mba yikuvaanë sisabi si Lwaangu lu mëyilu. Linë wun'kaangë fë n'toto, lin'kaangëmë ku mëyilu i linë wun'kutulë fë n'toto, lin'kutulu ku mëyilu#16.19 18.18; Za 20.23..” » 20Mu bwaawu, naandi wusë vaanë n'swa ke bilaanzi byaandi nukaambyaanu muutu ko ti yilë Kliistu.
Yeesu wazabikini lufwa i luvulumuku lwaandi
(Mak 8.31—9.1; Lik 9.22-27)
21Fa fanë fë naani, Yeesu wusë toonë kukaambë bilaanzi byaandi : « Miinu yifwenikini kweendë ku Yelusaleemë, mu kwe moni mëncyeenji mëndoongë mu myooko mëkakëtë, bëkuluutu bë singangë-Nzaambi i miloonji n'kaakë. Bëkum'poondë i fë cilumbu cin'tatu, miinu yin'vulumukë. » 22Pyeelë wusë natë Yeesu ku mpeengë i wusë n'seembë : « Nzaambi wukukeelë, a Fumu! Moniko, lyalyooli lisë kuyisilë ko! » 23Kasi Yeesu wusë balukë i wusë kaambë Pyeelë : « Yakënë cinaanu yi miinu, a Satënë, njeeyi nkankini mu miinu cibilë wusë m'balë ko bo buke Nzaambi, kasi bo buke baatu lumoonyi! »
24Foofë, Yeesu wusë kaambë bilaanzi byaandi : « Ningë wun'viipë wun'zolë kwiisë yaami, kwe yizimbikini, kwe nanguni lukuluusu lwaandi i kun'daandë. 25Licyelikë, wunë wutoombë kuvuuci luziingu lwaandi wulunyambikini. Kasi wunë wun'nyambikini luziingu lwaandi mu cibilë cyaami miinu wulubakë. 26Lukulë mbici ke muutu mu kubakë businë bu buloongo n'viipë, mooti wufwenikini kunyambikini luziingu lwaandi? Mbici kum'podi kuvaanë mu kuviinji luziingu lwaandi? 27Licyelikë, Mwaanë muutu wulë mu kwiisë mu bumpumu bu Tataandi i siyaanzi syaandi, i mu bwaawu, naandi mba wun'seendë kadë muutu bunë bun'kwendilë n'salulwaandi#16.27 Twi 62.13; Lom 2.6.. 28Licyelikë yilë mu kuluzabisi, bën'ka bëkeeli afa bë kusë yifwiilë ko, kukaambu ntetë kumonë Mwaanë muutu kwiisë yimunë Lwaangu lwaandi. »
Currently Selected:
Matye 16: NTVIL
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.
