Malëkë 2

Yeesu wabelusi cikatë

(Mat 9.1-8; Lik 5.17-26)

1Mwa bilumbu abu byavyooci, Yeesu kube vutukënë ku livulë li Kapelënawuumë. Baatu bisë kuwu ti naandi weekë ku n'zo. 2Mpaapë baatu bëyidukunë foofë tee yi fanë munu-n'zo i fo fë kukalilë kubakë ve. Yeesu kutoonë mu kubëloongë libuungu li Nzaambi. 3Mo mu ntaangu beenë, mpooko baatu bëyisë, munë nkoongaawu mwabë baatu bë na bëlënataangë cikatë. 4Abu bëkaambu kubakë likanë li kutukilë fabë Yeesu, mu cibilë ci nkoongë baatu, baawu bisë makë ku yilu n'zo, kutobulë mwaanzë i bisë bakë livwaasi li kun'kululilë fë ntwaalë Yeesu. Na cikatë wabë wuyalukë fë cyaalu. 5Yeesu, abu kwamoni lufyaatu lwaawu i wusë kaambë cikatë : « Mwanaami, mësumu maaku makobukë. » 6Mpooko miloonji n'kaakë babë bëkalë foofë, bëlëbalilaangë ku syaawu mitimë: 7« Cibilë-mbici muutu owo wulë mu kutubilë obo? Na Nzaambi kulë mu kusafulë. Nani wum'podi kobulë mësumu? Kanuku wo Nzaambi vwiili#2.7 Lev 24.16. Twi 103.3. Ezy 43.25.! » 8Yeesu wusë zaabë mo bëlëbalaangë mu mitimaawu i wusë bëkaambë : « Kwisilë buni beeno mu kuba simbalulu osyo? 9Mbi bivyokili kuleengë, mu kukaambë cikatë : “Mësumu maaku makobukë” kaambofo kun'kaambë : “We telëmi, boongë nkwaalaaku i we yendi?” 10Kasi miinu yakululeesi ti Mwaanë muutu ke yi lutumu fë moongo butoto lu kukobulilë mësumu. » Fa foofo, na wusë kaambë cikatë : 11« Njeeyi yin'kaambë, we telëmi, boongë nkwaalaaku i we vutukë ku bwaalë bwaaku! »

12Foofë, naandyooso wusë telëmë, kunangunë nkwaalaandi i ke yendaangë fë ciyalëlë. Bakë booso kubwa libobo, bawooso ke dumisyaangë Nzaambi i bisë ke tubaangë : « Tubuunu vyaasi kumonë mpilë lyaambu ali! »

Yeesu watelë Levi

(Mat 9.9-13; Lik 5.27-32)

13Yeesu wusë vutukë mu ndaambu liyaangë li Ngalilee. Nkoongë baatu yilëkwisaangë ke naandi i wulëbëloongaangë. 14Abu kulëvyookë, na wusë monë Levi, mwaanë Alefee, wabë wukalë ko bën'futilaangë mpaku. Yeesu wusë n'kaambë : « N'daandi. » Naandyooso kutelëmë i ke n'laandaangë. 15Kwavyoosi mwa ntaangu, Yeesu wusë ba mu kwambulë#2.15 kwambulë Kaambofo: kulya fë cimweekë. Lik 5.29. ku n'zo Levi. Mpaapë binoongë mpaku i bisumuci bëlëkwambulaangë yaandi, yimunë bilaanzi byaandi, cibilë mpaapë baatu bëlë ke yendë yaandi. 16Miloonji n'kaakë bëke mu cinguuku ci Sifalisyaanu, abu bamoni ti Yeesu wuba mu kwambulë yimunë binoongë mpaku i bisumuci, bisë tubë ke bilaanzi byaandi : « Naandi, buni kum'podi kwambulilë yimunë binoongë mpaku i bisumuci#2.16 v. 15-16 i Lik 15.1-2.? » 17Yeesu, abu kwe yuwu i wusë kubëkaambë : « Yaaku ti bo bëke buvini babë ke nzalë m'buci kuve, vandi kasi bibeedo. Miinu yisye kwisilë ko mu kutelë bo bëyituunvi buzitu, kasi bisumuci. »

Liloonji li Yeesu lin'talë kukaangë n'sweelë

(Mat 9.14-17; Lik 5.33-39)

18Cilumbu cin'viipë, bilaanzi bi Za-Batiisë yimunë bilaanzi bi Sifalisyaanu bëlëkaangë n'sweelë. Baatu bëyisë kutakënë Yeesu i bisë n'kaambë : « Bilaanzi bi Za yimunë bilaanzi bi Sifalisyaanu bën'kaangaangë n'sweelë, akasi bilaanzi byaaku njeeyi n'sweelë kukaangë mpa, mu mbicye? » 19Yeesu kubëvutulilë : « Bo batelu ku cikaanvu ci mëkweelë, mooti na n'nuni wuke yaawu fë cimweekë, kupodi kwaandi kukaangë n'sweelee? Monikoo, sintaangu syakë syooso kum'beelë yaawu, baawu kupodi ve kukaangë n'sweelë. 20Kasi, bilumbu bin'kwiisë, binë bëm'botulë n'nuni i fanë fë nanaani baawu bën'kaangë n'sweelë. »

21« Muutu ve wum'podi kuloondë n'lelë wunkulu yimunë citini ci n'lelë cimoonë. Buni lim'beelë boobo, n'lelë wumoonë wum'bweelë kubeenzë wo wunkulu. 22Mpilë mweekë yivaandi, muutu ve wum'podi kutuulë mëlafu mëmoonë mu bidoyi binkulu. Buni lim'beelë obo, mëlafu mëmoonë mën'vangisi bidoyi binkulu kwanzikë. Vandi, liboti mu kutuulaangë mëlafu mëmoonë, mu bidoyi bimoonë. »

Yeesu i cilumbu ci saba

(Mat 12.1-8; Lik 6.1-5)

23Cilumbu ci saba, Yeesu wulë ke vyokilaangë mu sisolë si singeenzë si faliinë, bwendi yi nzilë, bilaanzi byaandi kusiimbë like dokulaangë singeenzë#2.23 Det 23.26.. 24Mu lyaawu, Sifalisyaanu kukaambë Yeesu : « Mbici bilaanzi byaaku bëke siilaangë katyoobo cilumbu ci saba#2.24 Lub 34.21.? Mati n'kaandwe! » 25Yeesu kubëvutulilë : « Beeno lutangisi vyaasi ko manë Daviidë kuvaangë abu kwaba mu n'ciinzë, abu nzalë yan'siimbi, naandi yimunë bo babë yaandi? 26Lusye n'taangë ko bunë Daviidë kukotilë mu n'zo-Nzaambi, mu ntaangu yo Abyataalë wabë n'kuluutu singangë-Nzaambi. Daviidë wulya mëmpa bësiilë mu Nzaambi i wutambikë yivaandi ke bo babë yaandi. Kosuku, tokë singangë-Nzaambi babë yi n'swa wu kulya mëmpa#2.26 I Sa 21.2-7. 2 Sa 15.35. Lev 24.9. be moomo. » 27Naandi kubweelooso kubëkaambë : « Cilumbu ci saba civangëninë mu cibilë ci muutu, kasi yaaku ti muutu mu cibilë ci cilumbu ci saba. 28Mu lyaawu, Mwaanë muutu na Fumu cilumbu ci saba. »

Currently Selected:

Malëkë 2: NTVIL

Highlight

Copy