Epacerero 10
10
Muloko wa ekhapira ya Nowe
1Ela yaari ekhapira ya Xemi, Hami ni Yafeti, anamwane a Nowe. Anamwanaayatho yaayariwe sivinreene mirupi.
Anamwane a Yafeti
2Anamwane a Yafeti yaari ala: Gomeri, Magogi, Madayi, Yava, Tubali, Meseke ni Tirasi. 3Anamwane a Gomeri yaari ala: Askenazi, Rifati ni Togarma. 4Anamwane a Yava yaari ala: Elisa, Tarsisi, aKitimi ni aRodanemi. 5Mwa yaale aamwaramwareya atthu ootheene amanke mukerekhere ephareiya. Miloko iyo saakawanyeya mwa mahimwaaya, ni khula muloko waakhalano elapwaaya ni nuulumonaya.
Anamwane a Hami
6Anamwane a Hami yaari ala: Kuxe, Mizrayimi, Pute ni Kanaani. 7Anamwane a Kuxe yaari ala: Seba, Havila, Sabeta, Rahama ni Sabuteka. Anamwane a Rahama yaari ala: Xeba ni Dedani. 8Kuxe aamuyanretho Nimerodi, mulopwana oopacera aari ooweraxa mweelaponi ya vathi. 9Owo aaritho namalupattha ooweraxa ni ekhavihero ya Yave. Tivawo oneeriwaaya mpaka olelo: ‘Namalupattha ooweraxa ntoko Nimerodi ni ekhavihero ya Yave.’ 10Woopacerani aalamula isidade sa oBabiloniya, Ereki, Akadisi ni Kalne, mweelaponi ya oSinari. 11Woovenya vaavaale aapwaherera alamulaka oSiriya, ni aateka isidade sa oNinive ni oReyoboti-Iri, oKala. 12Aatekatho oReheseni, eriyari ya oNinive ni oKala, yaari esidade etokweene. 13Mixrayimi aari nikholo na atthu yaamanke oLudi, wAnemi, oLeyabi ni oNaftuhi. 14Aaritho nikholo wa atthu yaamanke oPatrosi, oKasluhi ankhumelelaayawo aFilisti ni aKaftori. 15Kanaani aari tiithi a Sidoni, mwanawe oopacera ni a Heti. 16Aaritho tiithi a aYebusi, awAmori, aGirgasi, 17aHivi, awArki ni aSini. 18Aari tiithitho a awArvadi, aSemari ni aHamati. Vano, vahoolowaya saamwareya mipatta sa mahimo a Kanaani. 19Elapo ya Kanaani yaakhumme oSidoni, wookela mpatta wa oGerari mpaka oGaza, wookela mpatta wa oSodoma, oGomora, wAdma, oZeboyimi ni oLaxa. 20Ti seiya saari ikhapira sa Hami saakawanyeiye nihimo nihimo, nuulumo nuulumo, elapo elapo ni miloko miloko. 21Xemi, munna mutokweene a Yafeti, aakhalanotho anamwane. Xemi aari nikholo na anamwane ootheene a Heberi. 22Anamwane a Xemi yaari ala: Elami, Asuri, Arpaksadi, Ludi ni Arami. 23Anamwane a Arami yaari Uzi, Huli, Getheri ni Masi. 24Arpaksadi aari tiithi a Xela ni Xela aari tiithi a Heberi. 25Heberi aari tiithi a anamwane eeli – mmoha iitthaniwa Pelegi, niwoko ehuhuweene yeele omutthu waamwaramwareya mweelaponi, ni mukina iitthaniwa Yokitani. 26Yokitani aari tiithi a Almodadi, Xelefi, Hazarmaveti, Yerakhi, 27Hadorami, Uzali, Dikla, 28Obali, Abimayili, Xeba, 29Ofiri, Havila ni Yobabi. Ootheene ala yaari anamwane a Yokitani. 30Yaamanke mweelaponi okhuma oMexa mpaka oSefari, mweelaponi ya mmanyaakoni mpatta ninkhuma nsuwa. 31Ti seiya saari ikhapira sa Xemi saakawanyeiye nihimo nihimo, nuulumo nuulumo, elapo elapo ni miloko miloko. 32Ala ti mahimo a anamwane a Nowe, yaakawanyeiye ekhapira ekhapira ni muloko muloko. Vano, okhuma wa yaawo, miloko sa atthu saamwaramwareya mweelaponi ya vathi, sivinreene mirupi.
Currently Selected:
Epacerero 10: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
