Mateo 1
1
Najj myiny kyu'üty nyajtskä'äxë Jesús y'ap y'ok
(Lc 3.23-38)
1Në'n myiny kyu'üty Abraham nyajtskä'äxë mëët David, Jesús y'aptëjjk.
2Abraham y'uu'nk Isaac, Isaac y'uu'nk Jacob, Jacob y'uu'nk Judá jäts mëët y'ajjtsy y'ütsy, 3Judá mëët tyo'oxytyëjjk Tamar nimäjtsk uu'nk tmëët'eetyë, Fares mëët Zera, Fares y'uu'nk txëëw'ajjt Hesrón, Hesrón y'uu'nk Aram. 4Aram y'uu'nk Aminadab, Aminadab y'uu'nk Nahasón, Nahasón y'uu'nk Salmón. 5Salmón mëët tyo'oxytyëjjk Rahab y'uu'nk txëëw'ajjt Booz, Booz mëët tyo'oxytyëjjk Rut y'uu'nk txëëw'ajjt Obet, Obet y'uu'nk txëëw'ajjt Jesé, 6Jesé y'uu'nk yëkkuttujkpë David.
David mëët mati' y'ijjty Urias tyo'oxytyëjjk'eepy tu'uk uu'nk tmëët'eetyë mati' txëëw'ajjt Salomón. 7Salomón y'uu'nk Roboam, Roboam y'uu'nk Abías, Abías y'uu'nk Asá. 8Asá y'uu'nk Josafat, Josafat y'uu'nk Joram, Joram y'uu'nk Ozías. 9Ozías y'uu'nk Jotam, Jotam y'uu'nk Acaz, Acaz y'uu'nk Ezequías. 10Ezequías y'uu'nk Manasés, Manasés y'uu'nk Amón, Amón y'uu'nk Josías 11Josías y'uu'nk Jeconías mëët y'utsytyëjjk, nit ku Israelë'tjaa'y mätsy tsümy yëkmunëjkxkëjxtë Babilonia.
12Jämts Jeconías uu'nk tmëët'ëëy mati' txëëw'ëëy Salatiel, Salatiel y'uu'nk Zorobabel. 13Zorobabel y'uu'nk Abihud, Abihud y'uu'nk Eliaquim, Eliaquim y'uu'nk Azor. 14Azor y'uu'nk Sadoc, Sadoc y'uu'nk Aquim, Aquim y'uu'nk Eliud. 15Eliud y'uu'nk Eleazar, Eleazar y'uu'nk Matán, Matán y'uu'nk Jacob. 16Jacob y'uu'nk José jä'äts María tmëët'amäjtsk'ëëy, Jesús tyaak.
17Najjts jäj majkmajtsk najtskä'äxë ku Abraham jyüky'ëëy jäts maj David jyüky'ëëy, majkmajtsk najtskä'äxë David jäts ku israelë'tjaa'y yyëkmajtskëjxtë nits yëkmunëjkxtë Babilonia, jamajkmajkts najtskä'äxë ku yyëkmajtskëjxtë Israelë't jaa'y jäts ku Jesús kye'ejxy.
Ku Jesús kye'exy
18Najj y'ijxë Jesús kyä'äjxjë'ëky yaj it naxwiin: Tëj y'ijjty María tmëëtnakyäjpxyë José jäts tmëët'amäjtskë't, Kä'änë'mts y'amäjtskëtë ku María y'uu'nk paajty Yës Teety jyaa'wë'n këjxm. 19Jäts José tëy wa'ats jä' y'ijjty Yës Teety pyawaa'n tkuytyuujnë, jakëjxts wyinmaay amää'tsk tnikkä'äkt jäts kä' kutso'oy tya'nt María jaa'y wyinkujjky 20Tëj y'ijjty najj tniwinmayë ku tu'uk tsajpjaa'y Yës Teety kyukkexy'eepyë nyija'ajtë kuma'ajnyjötypy jäts nyëë'mxë: «José, David tsyaan kyoo katij xnikke'eky mto'oxytyëjjk mati' tëj xmëëtnakyäjpxyë, jä'ku una'ajnk mati' yë' nyikkëjxm'eepy Yës Teety Jyaa'wë'n këjxm yë' tëj tpaaty. 21Tu'uk María mijxy'uu'nk nyiwa'atsë't jä'äts mxëëwmo'op Jesús, jä'ku jä' tyëknitso'okp nyaajx kyajjp.»
22Jakëjxts tukkë'yë najj tyuujnë jäts kyuytyunë't aaw ayuujk mati' Yës Teety kyajpx yyëk'ayuujknajxpë y'am ku wyaany:
23«Tu'uk kiixyto'oxy y'uu'nkpaatt
jäts tu'uk mijxy'uu'nk tyëkkä'äxt
mati' kyuxëëwë'p Emanuel.»
(Mati' wimpitsëmp: «Jäj Yës Teety xmëët'ajjtyë'n»).
24Ku José nyiwijy nits najj ttuuny naa'xkë'n y'ijjty tëj tsajpjaa'y nyee'mxyë, nits tmëët'amäjtsk'ajjty María. 25Kä'äts nyamyëët'ajjtëtë, kunë'm María y'uu'nk kye'ejxy jäts José txëëwmooy Jesús.
Currently Selected:
Mateo 1: YTYA
Highlight
Share
Copy
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.
