Lúqá Dí Injíl 15
15
1TAD sáre mahsúlie te gunáhíṉ lok uh dí sunnan laí uh de neṛe áuṉde sán. 2Te Farísí te Faqíh buṛbuṛá ke ákhan lagge, paí Ih ádmí gunáhíáṉ nuṉ qabúldá, te uhnáṉ nál khándá hai. 3Tad us uhnáṉ núṉ ih tamsíl sunáí, paí 4Tuháḍe vichchoṉ kihṛá ádmí hai, jih díáṉ sau bheḍáṉ hon, te uhnáṉ vichchoṉ ikk guách jáe, te uh naṛinwíáṉ núṉ ujáṛ vichch chhaḍḍke us guáchí hoí de magar na jáe, jad tíkur na labbhe? 5Te labbhke ḳhushí nál ápne moḍhiáṉ utte rakh na lae? 6Te jád ghar appare, dostáṉ te gawánḍíáṉ núṉ saddke uhnáṉ núṉ ná ákkhe pai Mere nál ḳhushí karo, kyúṉ jo maiṉ apní guáchí hoí bheḍ labbhí? 7Maiṉ tuhánúṉ ákhná háṉ, paí Ise tarah ásmán vichch ikk tauba karanwále gunáhíṉ de sabab narinwián nekán náloṉ, jihnáṉ núṉ tauba dí loṛ nahíṉ hai, wadh ḳhushí hoegí. 8Yá kihrí zanání hai, jih de kol das diram hon, je uh de koloṉ ikk guách jáe, táṉ uh díwá bálke ghar núṉ na húṉje, te koshish nal labbhdí na rahe jichar uh núṉ labbh na lae? 9Te jáṉ labbh lae, sahelíáṉ te guáṉḍíáṉ núṉ saddke na ákhe, paí Mere nál ḳhushí karo, kyúṉ jo main apní guáchí diram labbh liá. 10Ise tarah maiṉ tuhánúṉ ákhná háṉ, paí Ḳhudá de firishtiáṉ de agge ikk tauba karanwále gunáhíṉ dí bábat bahut ḳhushí huṉdí hai. 11Phir us ákhiá, paí Kise ádmí de do puttar sán. 12Uhnáṉ vichchoṉ nikke piu núṉ ákhiá, Ai báp, wirsa dá hissa, jihṛá mainúṉ áuṉdá hai, mainúṉ de de. Us ápná mal uhnáṉ núṉ wanḍ dittá. 13Te thoṛe dináṉ pichchhoṉ nikke puttar sabbho kujh ikáṭṭhiáṉ kítá, te dúr ḍe des ṭur gayá, te utthe apná mál bad chalní vichch uḍá dittá. 14Te jad uh sárá ḳharch kar liá, tad us des vichch saḳht kál piá, te uh núṉ thuṛ áun laggí. 15Tad us mulk de kise shahrí de kol já rahiá; te us uh núṉ ápníáṉ pailíáṉ vichch súr cháran ghalliá. 16Te uh dá jí kardá si, paí maiṉ uhnáṉ phallíáṉ nál, jihṛe súr kháṉde ne, ápná ḍhiḍd bharáṉ; te koí uh núṉ kujh nahíṉ sí deṉdá. 17Tad us hosh vichch áke ákhiá, Mere piú de kinneáṉ mazdúráṉ núṉ loṛ thoṉ waddh roṭíáṉ mildíáṉ ne, te maiṉ itthe bhukkhá marná háṉ. 18Maiṉ uṭṭhke ápne báp kol jáwáṉgá, te uh núṉ ákháṉgá, paí Ai báp, maiṉ ásmán dá te terá gunáh kítá hai; 19Te hun maiṉ is gall joggá bhí nahíṉ, paí pher terá puttar akhwáṉ. Maiṉ núṉ apne mazdúráṉ vichchoṉ ikk jihá baná. 20Tad uṭṭhke uh ápne piú wall ṭur piá. Te uh aje dúr hí sí, paí uh núṉ vekhke uh de piú núṉ tars áyá, te dauṛke uh núṉ gal nál láyá, te ʼmúṉh sir chummiá, 21Puttar uh núṉ ákhiá. Ai báp, maiṉ ásmán dá te terá gunáh kítá hai; te hun maiṉ is gall joggá bhí nahíṉ rahiá, paí pher terá puttar akhwáṉ. 22Piú ápne ṭahlíáṉ núṉ ákhiá, Change thoṉ change kapṛe chhetí kaḍḍh liáo, te uh núṉ páo; te uh de hatthíṉ chháp, te pairíṉ juttí páo. 23Te paliá hoiá vachchhá liáke halál karo, paí kháíe te khushí karíe. 24Kyúṉ jo merá ih puttar mar giá sí, so jíu piá hai; uh guách gayá sí, hun labbh piáhai. Tad uh ḳhushí karan lagge. 25Te uh dá waḍḍá puttar báhar pailíáṉ vichch sí, te us ghar de neṛe áuṉdiáṉ áuṉdiáṉ gaun baján te nachchan dí áwáz suní 26Tad ikk naukar núṉ saddke puchchhiá, paí Ih kí piá hundá hai? 27Us uh núṉ ákhiá, pai Terá bhará áyá hai, te tere piú pale hoe vachchhe núṉ halál is laí kítá hai, paí uh núṉ bhalá changá páyá. 28Par uh russ piá, te andar jáṉ núṉ rází na hoiá Tad uh dá piú báhar ánke uh núṉ manán laggá. 29Us ápne piú nuṉ jawáb dittá, Vekhkháṉ, aineáṉ warheáṉ thoṉ maiṉ terí ṭahl karná háṉ; kadi tere hukmoṉ báhar nahíṉ gayá; par túṉ kade ikk lelá bhí mainúṉ na dittá, paí ápne dostáṉ nál ḳhushí karáṉ. 30Te jis wele terá ih puttar áyá, jis terá mál ḳanjaríáṉ de nál uḍáyá, táṉ túṉ uh de laí pale hoe vachchhe núṉ halál karáyá. 31Us uh núṉ ákhiá, Beṭá, túṉ sadá mere nál haiṉ, te jo kujh merá hai, so terá. 32Par ḳhush houá te ḳhushí karní cháhídí sí, kyúṉ jo terá ih bhará mar gayá sí, hun jíú piá hai; uh guách gayá sí, te hun labbh piá hai.
Currently Selected:
Lúqá Dí Injíl 15: PNT1927R
Highlight
Share
Copy
Want to have your highlights saved across all your devices? Sign up or sign in
Historical texts published by British and Foreign Bible Society 1917-1927.
