Lúqá Dí Injíl 18

1PHER us uhnáṉ núṉ is mazmúṉ dí ikk tamsíl sunáí, paí sadá duʼá vichch laggíáṉ rahan te ḍhille na hon 2Paí kise shahr vichch ikk qází si, na uh Ḳhudá dá bhau kardá, te na ádmí dí parwáh kardá sí. 3Te use shahr vichch ikk bewá sí, jihṛí uh de kol áke ákhdí hundí sí, paí Merá insáf karke mainúṉ muddaí thoṉ bachá. 4Te kujh chir tík us na manniá; magaroṉ apne dil vichch ákhiá, Bháṉweṉ maiṉ na Ḳhudá dá bhau karná, te na ádmí dí parwáh rakhná háṉ; 5Taṉ bhí is karke paí ih bewá mainúṉ aukhiáṉ kardí hai, maiṉ uh dá insáf karáṉgá; ajihá na howe, paí uh ghaṛí muṛí áun nál merá sir khá jáwe. 6Te Ḳhudáwand ákhiá, Suno, ih beinsáf qází kí ákhdá hai? 7Ḳhudá apne chuneáṉ hoeáṉ lokáṉ dá, jihṛe rát din uh núṉ saddde ne, insáf na karegá? Uh uhnáṉ walloṉ chir láegá? 8Maiṉ tuhánúṉ ákhná háṉ, paí Uh chhetí uhnáṉ dá insáf karegá. Par jadoṉ Ibn i Ádam áwegá, uh zamín utte ímán vekhegá? 9Pher us kaíáṉ núṉ, jihṛe apne utte bharosa rakhde sán, paí asíṉ nek háṉ, te jihṛe hornáṉ núṉ máṛiáṉ jánde sán, ih tamsíl sunáí, pai 10Do ádmí haikal vichch duʼá maṉgan gaye; ikk Farísí sí, te dujjá mahsúʼlíá. 11Farísí khaloke apne jí vichch aiuṉ duʼá maṉgan laggá. Ai Ḳhudá, maiṉ terá shukr karná háṉ, paí hornáṉ lokáṉ wáṉgúṉ luṭerá, zálim, zání, yá is mahsúlíe jihá maiṉ nahíṉ háṉ. 12Maiṉ táṉ hafte vichch do wárí roza rakhnáṉ háṉ; maiṉ apní sárí kamáí dí dahyakí dená háṉ. 13Par mahsúlíá dúroṉ khaloke ainá bhí nahín cháhuṉdá sí, paí ásmán wall ákkhíáṉ kare, sagoṉ piṭṭ piṭṭke ih ákhdá sí, paí Ai Ḳhudá, mere gunáhíṉ utte rahm kar. 14Maiṉ tuhánúṉ ákhná háṉ, paí Ih ádmí dujje náloṉ wadhík nek hoke apne ghar gayá; kyúṉ jo jihṛá koí apne áp núṉ uchchiáṉ kardá hai, níwáṉ kítá jáegá; par jihṛá apne áp núṉ níwáṉ kardá hai, uh uchchá kítá jáegá. 15Te lok ápne nikke bachcheáṉ núṉ uh de kol liáe, paí uh uhnáṉ utte hatth rakkhe. Te shágirdán vekhke uhnáṉ núṉ jhiṛkiá. 16Par Yisúʼ bachcheáṉ núṉ apne kol saddke ákhiá, paí bachcheáṉ núṉ mere kol áun deo, te uhnáṉ núṉ roko na; kyúṉ jo Ḳhudá dí bádsháhí iho jiheáṉ dí hai. 17Maiṉ tuhánúṉ sach ákhná háṉ, paí Je koí Ḳhudá dí bádsháhí núṉ bachche wáṉgúṉ qabúl na kare, uh uhde vichch kadí na waṛegá. 18Te kise sardár ne uh núṉ ih puchchhiá, paí Ai nek ustád, maiṉ kí karáṉ, paí mainúṉ hamesha dí zindagí dí wirsa mile? 19Yisúʼ uh núṉ ákhiá, Túṉ kyúṉ mainúṉ nek ákhná haiṉ? Bináṉ ikk de, jihṛá Ḳhudá hai, koí nek nahíṉ hai. 20Túṉ hukmáṉ núṉ táṉ jánná haiṉ, paí Ziná na kar, Ḳhún na kar, Chorí na kar, Jhúṭhí gawáhí na de, Apne máṉ piú dí ádar kar. 21Us ákhiá, Ih sabbho maiṉ apní nikkiáṉ hundiáṉ thoṉ mandá áyá háṉ. 22Yisúʼ, sunke uh núṉ ákhiá, Táṉ bhí aje tere vichch ikk gall dí kasar hai. Apná sab kujh vech, te garíbáṉ núṉ de de; táṉ tainúṉ ásmán vichch ḳhazáná milegá; te áke mere magar ṭur pao. 23Uh ih sunke udás hoiá; kyúṉ jo uh baṛá hí daulatwálá sí. 24Yisúʼ uh nún vekhke ákhiá, Máldáráṉ dá Ḳhudá dí bádsháhí vichch ḍáḳhil honá baṛá aukhá hai. 25Kyúṉ jo súí de nakke vichch úṉṭ dá laṉgh jáná uh de náloṉ sukhálá hai, paí daulatwálá Ḳhudá dí bádsháhí vichch dáḳhil howe. 26Te sunanwáleáṉ ákhiá, Táṉ pher kaun bach sakkdá hai? 27Us ákhiá, paí Admíáṉ de agge anhoná hai, par Ḳhudá agge ho sakkdá hai. 28Tad Patras ákhiá, Vekh, asíṉ sab kujh chhaḍḍke tere magar ṭur pae háṉ. 29Us uhnáṉ núṉ ákhiá, Maiṉ tuhánúṉ sach ákhná háṉ, paí Ajihá koí nahíṉ hai, jis ghar, yá wahuṭí, yá bharáwáṉ, yá máṉ piú, yá aulád núṉ Ḳhudá di bádsháhí dí ḳhátir chhaḍḍ dittá hai 30Te is zamáne vichch uhnáṉ náloṉ kinnáṉ hí wadhík, te agle jahán vichch sadá dí zindagí na páwe. 31Te us báraháṉ núṉ nál laike uhnáṉ núṉ ákhiá, Vekho, asíṉ Yarúshalím núṉ jáne háṉ, te jo kujh nabíáṉ dí ráhíṉ likhiá hoiá hai, Ibn i Ádam de haqq vichch sabbho púrá howegá. 32Kyúṉ jo uh gair-qaumáṉ de hawále kítá jáegá, te lok uh núṉ maḳhaul karange, te beʼizzat karange, te uh de utte thukkange. 33Te uh núṉ koṭṛe márke már suṭṭange; te trijje diháṛe uh jí uṭṭhegá. 34Par uh ihnáṉ vichchoṉ ikkgall bhí na samjhe; te ih gall uhnáṉ thoṉ lukkí rahí, te jihṛíáṉ galláṉ ákhíáṉ gaíáṉ sán, uhnáṉ na samjhíáṉ. 35Te uh de Yarího de neṛe appaṛdíáṉ hí aiuṉ hoiá, paí ikk annhá ráh de kanḍhe baiṭhá ḳhair mangdá sí. 36Us bhíṛ langhdí dá khaṛák sunke puchchhiá, paí Ih kí hai? 37Tad uhnáṉ uh núṉ dassiá, paí Yisúʼ Násarí jáṉdá hai. 38Us áwáz márí, paí Ai Yisúʼ, Dáúd de puttar, mere utte rahm kar. 39Te agge jánwaleaṉ uh núṉ dhamkáyá, paí Chup kar. Par us hor bhí zor nal saddiá, paí Ai Daúd de puttar, mere utte rahm kar. 40Tad Yisúʼ khaloke ákhiá, paí Uh núṉ mere kol liáo. Jád uh neṛe áyá, táṉ us uh núṉ puchchhiá, paí. 41Túṉ kí cháhnáṉ haiṉ, paí maiṉ tere laí karáṉ? Us áhkíá, Ḳhudáwandá, paí maiṉ sujákhá ho jáwáṉ. 42Yisúʼ uh núṉ ákhiá, Sujákhá ho já; tere ímáṉ tainúṉ wal kítá hai. 43Uh use wele sujákhá ho gayá, te Ḳhudá dí waḍíáí kardá hoiá us de magar ṭur piá. Te sáreáṉ lokáṉ vekhke Ḳhudá dí hamd kítí.

Currently Selected:

Lúqá Dí Injíl 18: PNT1927R

Highlight

Copy