Lúqá Dí Injíl 6
6
1TE ikk Sabt de din aiuṉ hoiá, paí uh pailíáṉ de vichchoṉ laggá jáṉdá sí, te uh de shágird síṭṭe toṛ toṛke te hattháṉ nál mal malke chabbde jáṉde sán. 2Par Farísíáṉ vichchoṉ kaíáṉ ákhiá, Tusíṉ kyúṉ uh kamm karde ho, jihṛá Sabt de din karná rawá nahíṉ hai? 3Yisúʼ ne uhnáṉ núṉ jawáb dittá, Tusáṉ ih bhí nahíṉ paṛhiá, paí Dáúd ne kí kítá, jadoṉ uh áp te uh de sáthí bhukkhe sán? 4Paí uh kis tarah Ḳhudá de ghar vichch gayá, te Nazar díáṉ Roṭíáṉ, jihnáṉ dá kháná káhináṉ de bináṉ hornáṉ núṉ rawá nahíṉ sí, laike khádíáṉ, te apne sáthíáṉ núṉ bhí dittíáṉ? 5Te us uhnáṉ núṉ ih bhí ákhiá, jo Ibn i Ádam Sabt dá málik hai. 6Te dujje Sabt núṉ aiuṉ hoiá, jo uh ʼibádatḳháne vichch jáke taʼlim den laggá; te utthe ikk banda sí, jih dá sajjá hatth sukkiá hoiá sí. 7Tad faqíh te Farísí uh dí súh vichch lagge, paí vekhie uh Sabt de din wall karegá yá nahíṉ, táṉ jo us utte nálish karan dá hatth áwe. 8Par uh núṉ uhnáṉ de man díáṉ dalíláṉ maʼlúm sán, te us sukke hatthwále núṉ ákhiá, Uṭṭh te vichghár khalo. Uh uṭṭh khalotá. 9Tad Yisú; ne uhnáṉ núṉ ákhiá, Maiṉ tuhánúṉ puchchhnáṉ háṉ, paí Sabt de din núṉ kí rawá hai? bhaliáí karní yá buriáí karní? ján bachání yá uh dá nás karná? 10Te uhnáṉ sáriáṉ wall chauphere vekhke uh núṉ ákhiá, Apná hatth wadhá. Us wadháyá, te uh dá hatth ṭhík ho gayá. 11Tad uhnáṉ baṛe gusse hoke ápo vichch ákhiá, paí Yisúʼ nál ki karie? 12Te uhníṉ diníṉ ajihá hoiá, paí uh paháṛ utte duʼá mangan gayá, te Ḳhudá agge duʼá mangdiáṉ sárí rát kaṭṭí. 13Te jad din chaṛhiá, tad us apne shágirdáṉ núṉ kol saddke uhnáṉ vichchoṉ báráṉ núṉ chuniá, te uhnáṉ dá náṉ rasúl bhí rakkhiá. 14Uh ih ne; Shamaʼún, jih dá náṉ Patras bhí rakkhiá, te uh dá bhará Andriás, te Yaʼqúb te Yuhanná, te Filippas te Bartulamáí, 15Te Matí, te Tomá, te Halfí dá puttar Yaʼqúb, te Shamaʼúṉ, jihṛá Gairatí akhwáṉdá sí, 16Te Yaʼqúb dá puttar te Yahúdá Iskariútí, jo uh dá phaṛánwálá hoiá. 17Te uhnáṉ nál uttarke uh maidán vichch khalo gayá; te uh de shágirdáṉ dí baṛí bhíṛ sí, te lokáṉ dí baṛí khalqat, jihṛí sáre Yahúdíá te Yarúshalam te Súr te Saidá de Samundar de kanḍheoṉ is laí áí, paí uh dí sunan, te apne apne rogáṉ thoṉ wall hon. 18Te jihṛe palíd rúháṉ de dukhí sán, wall kite gaye. 19Te sárí bhíṛ cháhuṉdí sí, jo uh núṉ chhúe, kyúṉ jo qudrat uh de thoṉ nikaldí sí, te sabhnáṉ núṉ wall kardí sí. 20Pher us apne shágirdáṉ utte nazar karke ákhiá, Dhann ho tusíṉ, jihṛe kangál ho: kyúṉ jo Ḳhudá dí bádsháhí tuháḍí hai. 21Dhann ho tusíṉ, jihṛe hun bhukkhe ho: kyúṉ jo rajáe jáoge. Dhann ho tusíṉ, jihṛe hun roṉde ho: kyúṉ jo hassoge. 22Dhann ho tusín, jad Ibn i Ádam de sababb karke ádmí tuháḍe nál wair rakkhange, te tuhánúṉ ḳhárij kar denge, te malámat karange, te tuháḍá náṉ burá jánange. 23Us din ḳhush raho, te chháláṉ máro: is laí paí asmán utte tuháḍá baṛá badlá hai; kyúṉ jo nabíáṉ de nál uhnáṉ de wuḍḍe ise tarah karde sán. 24Par tuháḍe utte afsos, jihṛe daulatmand ho, kyúṉ jo tusáṉ apní tasallí lai lí hai. 25Tuháḍe utte afsos, jihṛe hun rajj e hoe ho: kyúṉ jo tusíṉ bhukkhe hooge. Tuháḍe utte afsos, jihṛe hun hassde ho: kyúṉ jo tuhánúṉ gam lagigá, te tusíṉ rooge. 26Afsos tuháḍe utte, jad sab lok tuhánúṉ bhalá ákhan: kyúṉ jo jhúṭhe nabíáṉ nál uhnáṉ de waḍḍe tarah karde sán. 27Par tuhánúṉ, jihṛe sunde ho, maiṉ ákhná háṉ, paí Apne dushmanáṉ núṉ piyár karo; jihṛe tuháḍe nál wair rakkhan, uhnáṉ dá bhalá karo. 28Jihṛe tuhánún bad duʼá den, uhnáṉ núṉ duʼá deo; jihṛe tuháḍí pat lában, uhnáṉ laí duá karo. 29Jihṛá terí ikk gallh utte chapeṛ máre, uh de wall dujjí bhuál de; te jihṛá terá chogá kho lawe, kurtá lain thoṉ bhí uh núṉ na ṭhák. 30Har kise núṉ, jihṛá taithoṉ mange, de; te uh de thoṉ, jihṛá terá mál khoh lawe, muṛ na mang. 31Te jiho jihá tusíṉ cháhuṉde ho, paí lok tuháḍe nál karan, uhnáṉ nál tusíṉ bhí tiho jihá karo. 32Je tusíṉ uhnáṉ núṉ, jihṛe tuhánúṉ piyár karde ne, piyár karo, táṉ tuháḍá káh dá ihsáṉ hai? kyúṉ jo gunáhíṉ bhí apne piyár karanwáleáṉ núṉ piyár karde ne. 33Te je tusíṉ uhnáṉ dá, jihṛe tuháḍá bhalá karde ne, bhalá karo, táṉ tuháḍá káh dá ihsán hai? kyúṉ jo gunáhíṉ bhí iho karde ne. 34Te je tusíṉ uhnáṉ núṉ udhár deo, jihnáṉ koloṉ lain dí ummed hai, táṉ tuháḍá káh dá ihsán hai? Gunáhíṉ bhí gunáhíáṉ núṉ udhár deṉde ne, táṉ jo muṛ uná hí le lain. 35Par apne wairíáṉ nál piyár karo, te uhnáṉ dá bhalá karo, te kujh muṛ ná le lain dí ummed rakhke udhár deo, táṉ tuháḍá badlá baṛá hoegá, te tusíṉ Ḳhudá Taʼálá de puttar hooge; kyún jo uh táṉ náshukríáṉ te sharíriáṉ laí bhí mihrbán hai. 36Jis tarah tuháḍá Báp rahím hai, tusíṉ ví rahmdil ho. 37Te ʼaib na láo, táṉ jo tuháḍe utte bhí ʼaib ná láyá jáe; te mujrim na ṭhahráo, táṉ jo tusíṉ mujrim na ṭhahráe jáo; riháí karo, te tusíṉ bhí rihá hooge. 38Deo, táṉ tuhánúṉ dittá jáegá, changá náp ghuṭṭ ghuṭṭ hilá hiláke múṉhá múṉh bharke tuháḍí jholí pánge; kyún jo jis náp nál tusín minde ho, use nál tuháḍe laí bhíʼ miniá jáegá. 39Te us uhnáṉ núṉ ikk tamsíl bhí sunáí; Annhá annhe núṉ ráh pá sakdá hai? Doeṉ ṭoe vichch na ḍiggange? 40Shágird ustád náloṉ waḍḍá nahíṉ, par har koi jad kámil hoiá, tad apná ustád jihá hoegá. 41Te túṉ us kakkh núṉ, jihṛá tere bhará dí akkh vichch hai, káhnúṉ vekhná haiṉ, par us kaṛí wall, jihṛí terí apní akkh vichch hai, dhián nahín kardá? 42Yá túṉ kíkur apne bhará núṉ ákh sakhná haiṉ, Bhará, kakkh núṉ jihṛá terí akkh vichch hai, mainúṉ kaḍḍhan de, par áp us kaṛí núṉ, jihṛí terí akkh vichch hai, nahíṉ vekhdá? Ai makkár, pahláṉ kaṛí núṉ apní akkh vichchoṉ kaḍḍh, tad kakkh núṉ apne bhará dí akkh vichchoṉ túṉ changí tarah vekhke kaḍḍh sakeṉgá. 43Kyúṉ jo koí chaṉgá rukkh nahíṉ hai, jih núṉ máṛá phal lage; te na koí máṛá rukkh hai, jih núṉ changá phal lage. 44Kyúṉ jo har ikk rukkh apne phaloṉ siátá jáṉdá hai. Is laí paí kanḍeáṉ thoṉ hanjíráṉ ikaṭṭhíṉ nahíṉ karde, te na jháṛí thoṉ dákh toṛde ne. 45Khará ádmí apne dil de khare ḳhazánioṉ kharíáṉ galláṉ liáuṉdá hai; te burá ádmí apne bure ḳhazánioṉ buríáṉ galláṉ liáuṉdá hai; kyúṉ jo kujh dil vichch bhariá hoiá hai, uh uhde muṉh utte áuṉdá hai. 46Te tusíṉ kyúṉ mainúṉ Ḳhudáwaud, Khudáwand ákhde ho, te mere ákhe nahíṉ laggde? 47Jihṛá mere kol áuṉdá hai, te meríáṉ galláṉ sunke uhnáṉ núṉ mandá hai, maiṉ tuhánúṉ dassáṉgá, paí uh kih de wáṉgar hai. 48Uh us ádmí wángar hai, jis ghar banán laggiáṉ ḍúṉghá puṭṭ puṭṭke patthar utte níṉh rakkhí Jad haṛh áyá, táṉ dhár ne us ghar utte zor máriá, par uh núṉ hilá na sakiá, kyúṉ jo uh achchhí tarah banáyá hoiá sí. 49Te uh, jihṛá sunke nahíṉ mandá, us ádmí wángar hai, jih ne bináṉ níṉh de zamín utte ghar banáyá. Us utte dhár ne zor máriá, te uh unwen hí ḍhai piá, te us ghar dí púrí barbádí hai.
Currently Selected:
Lúqá Dí Injíl 6: PNT1927R
Highlight
Share
Copy
Want to have your highlights saved across all your devices? Sign up or sign in
Historical texts published by British and Foreign Bible Society 1917-1927.
