Matí Dí Injíl 25
25
1Us wele ásmán dí bádsháhí dasáṉ kawáríáṉ wángar howegí, jihṛíáṉ apníáṉ mushlán laike láṛe de milan núṉ niklíáṉ. 2Te uhnáṉ vichchoṉ panj múrakkh, te panj hushiár sán. 3Kyún jo jihṛíáṉ múrakkh sán, uhnáṉ apníáṉ misáláṉ te lai líáṉ, par tel apne nál na liya. 4Par hushiáráṉ ne apníáṉ apniáṉ bhárḍiáṉ vichch mushláṉ nál tel lai liyá. 5Te jad láṛe chir láyá, sabbhe unghláun lag paíáṉ, te saun gayíáṉ. 6Par addhí rát núṉ raulá piá, paí Vekho, láṛá áuṉdá hai; uh dí aggoṉwálí laí chalo. 7Tad uhuáṉ sáríáṉ kawáríáṉ uṭṭhke ápo apníáṉ misáláṉ ṭhík kítíáṉ. 8Tad múrakkháṉ ne hushiáráṉ núṉ ákhiá, Apne tel vichchoṉ sánúṉ wí deo, kyúṉ jo sáḍíáṉ misáláṉ bujhdíáṉ jándíáṉ ne. 9Par hushiáráṉ ih jawáb dittá. Na, kite saḍe te tuháḍe laí thuṛ na jáe. Tusíṉ sagon vechanwáleáṉ kol jáke apne laí mul lao. 10Te jad uh mul lain gavíáṉ, láṛá á gayá; te jihṛíáṉ tiár sán, uh de nál wiáh vichch andar gayíáṉ, te búhá máriá gayá. 11Te magaroṉ dújíáṉ kawáríáṉ bhí áíáṉ, te ákhan lagíáṉ, paí Ḳhudáwandá, Ḳhudáwandá, sáḍe laí búhá láh de. 12Par uh uhuáṉ núṉ jawáb dittá, Maiṉ tuhánúṉ sach ákhná háṉ, paí maiṉ tuhánúṉ nahíṉ jándá. 13Is laí jágde raho, kyúṉ jo us din te us ghaṛí núṉ tusíṉ nahíṉ jánde. 14Kyúṉ jo jis tarah ikk ádmí ne pardes núṉ ján lagiáṉ apne ghar deáṉ naukaráṉ núṉ saddiá, te apná mál uhnáṉ núṉ soṉpiá; 15Te ikk núṉ us panj toṛe ditte; dúje núṉ do; tíje núṉ ikk; har ikk har ikk núṉ uh dí apní táqat mújib, te pardes ṭur gayá. 16So jis panj toṛe lae sán, us jáke uhnáṉ nál wanj bipár kítá, te panj toṛe hor kamáe. 17Ise tarah us bhí jis do lae sán, do hor khaṭṭe. 18Par jis ikk liyá sí, us jáke zamín puṭṭí, te apne málik de rupae núṉ luká dittá. 19Te bahut chir pichchboṉ uhuáṉ naukaráṉ dá málik áyá, te uhnáṉ koloṉ lekhá lain lagá. 20So jis panj toṛe lae sán, us neṛe áke hor panj toṛe agge liá rakkhe, te ákhiá, Ḳhudáwand, túṉ mainúṉ panj toṛe soṉp gaya saiṉ. Vekh, maiṉ panj toṛe hor bhi khaṭṭ lae ne. 21Uh de málik ne uh núṉ akhiá, Shábásh, chaṉgiá te wafádár naukará; túṉ te thore vichch wafádár niklioṉ. Maiṉ tainúṉ bahut sáre utte iḳhtiyár diáṉgá. Túṉ apne málik dí ḳhushí vichch dáḳhil ho, 22Te jis do toṛe lae sán, us bhí neṛe áke ákhiá, Ḳhudáwandá, túṉ mainúṉ do toṛe soṉp gayá saiṉ. Vekho, maiṉ do toṛe hor bhí khaṭṭ lae ne. 23Uh de málik uh núṉ ákhiá, Shábásh, chaṉgiá te wafádár naukará, túṉ te theṛe vichch wafádár niklioṉ. Main tainúṉ bahut sáre utte iḳhtiyár diáṉgá, Túṉ apne málik dí ḳhushí vichch dáḳhil ho. 24Phír jis ikk toṛá liyá sí, us bhí nere áke ákhíá Ḳhudáwandá, maiṉ tainúṉ jándá sán; pai túṉ, karrá ádmí haiṉ. Jitthe túṉ nahíṉ bíjiá, utthaṉ túṉ waḍhná haiṉ; te jitthe nahíṉ khiláriá, uttoṉ ikaṭṭhá karná haiṉ. 25So maiṉ ḍariá, te tere toṛe núṉ zamín vichch luká dittá; vekh, tainúṉ mil gayá. 26Par uh de málik uh núṉ jawáb dittá. Ai bhaiṛe te nikamme naukar, túṉ jándá saiṉ, pai jitthe maiṉ nahíṉ bíjiá, utthoṉ waḍhná háṉ; te jitthe maiṉ nahíṉ khiláriá, ikaṭṭhá karná háṉ. 27Is laí tainúṉ cháhíḍá sí, paí mere rupae sáhúkáráṉ núṉ deṉdoṉ, táṉ jo maiṉ áke apná mál biáj sane laí laiṉdá. 28So uh de koloṉ ih toṛá khohke jih de kol das toṛe ne, uh núṉ de deo. 29Kyúṉ jo har ikk, jih de kol kujh hai, uh nuṉ dittá jáegá, te uh dá wádhá hoegá; par jih de kol nahíṉ, uh de koloṉ jo kujh uh dá hai, uh bhí khoh liyá jáegá. 30Te is nikamme naukar núṉ báhar anhere vichch suṭṭ deo. Utthe roná te dand píhná howegá 31Jad Ibn-i-Ádam apne jalál vichch áwegá, te sáre firishte uh de nál, tad uh apne jalál de taḳht utte bahegá. 32Te sáríáṉ qaumáṉ uh de agge ikaṭṭhíáṉ kítíáṉ jángíaṉ; te jiweṉ ayálí bheḍáṉ núṉ bakríáṉ thoṉ wakkhriáṉ kar laiṉdá hai, tiweṉ uh uhnáṉ núṉ ikk dúje thoṉ wakkh karegá. 33Te bheḍáṉ núṉ apne sajje, te bakríáṉ núṉ apne khabbe páse khalá karegá. 34Tad bádsháh apne sajje pásewaliáṉ núṉ ákhegá, Ai mere Báp de mubárák loko, áo, us báḍsháhí de wáris bano, jihṛí dunyá de muḍḍhoṉ hí tuháde laí taiyár kítí gayí sí. 35Kyúṉ jo maiṉ bhukkhá sán, te tusáṉ mainúṉ khan núṉ dittá: Maiṉ tarháyá sáṉ, tusáṉ mainúṉ pání piáyá; maiṉ opra sáṉ, te tusáṉ mainúṉ apne ghar rakkhiá; 36Nangá sáṉ, te tusáṉ mainúṉ kapṛá dittá; maiṉ mándá sáṉ, te tusíṉ merí ḳhabar laí, maiṉ qaid vichch sáṉ, te tusíṉ mere kol áe. 37Tad nek lok uh núṉ jawáb denge, Ḳhudáwandá, kadoṉ asáṉ tainúṉ bhukkhiáṉ ḍiṭṭhá, te khuáyá? Yá tarháyá, te tainúṉ piáyá? 38Kadoṉ asáṉ tainúṉ oprá diṭṭhá, te apne ghar rakkhiá; nangá ḍiṭṭhá, te kapṛá dittá? 39Asáṉ kadoṉ tainúṉ mándá yá qaid vichch ḍiṭṭha, te tere kol áe? 40Te bádsháh uhnáṉ núṉ jawáb degá, Maiṉ tuhánúṉ sach ákhná háṉ, paí Jad tusáṉ mere ihnáṉ sabhuáṉ thoṉ nikkeáṉ bharáwáṉ vichchoṉ ikk nál ih kítá, táṉ mere nál kítá. 41Tad uh khabbe pásewáliáṉ núṉ bhi ákay gá. Ai laʼnatío, mere aggoṉ us hameshá dí agg vichch jáo, jihṛi Shaitán te uh deáṉ firishteáṉ de laí taiyár kítí hoí hai. 42Kyúṉ jo maiṉ bhuḳkhá sáṉ, te tusáṉ mainúṉ khán núṉ ná dittá; maiṉ tarháyá sáṉ, te tusáṉ mainúṉ na piáyá. 43Maiṉ oprá sáṉ, te tusáṉ mainúṉ apne ghar na rakkhiá; nangá sáṉ, te tusáṉ mainúṉ kapṛá na dittá; mándá te qaid vichch sáṉ, tusáṉ merí khabar na laí. 44Tad uh bhi jawáb ḍenge, Ḳhudáwandá, kadoṉ asáṉ tainúṉ bhukḳhiáṉ yá tirháyáṉ yá opreáṉ yá nangiáṉ yá mándiáṉ yá qaid vichch vekhiá, te terí ṭahl nahíṉ kítí? 45Tad uh uhnáṉ núṉ jawáb dewegá, paí Maiṉ tuhánúṉ sach ákhna háṉ, paí jad tusáṉ uhnáṉ sabhnáṉ thoṉ nikkeáṉ vichchoṉ ikk nál ih nahíṉ kíta, táṉ mere nál bhí nahíṉ kítá. 46Te ih hamesha dí sazá vichch jánge, par nek hamesha dí zindagí vichch.
Currently Selected:
Matí Dí Injíl 25: PNT1927R
Highlight
Share
Copy
Want to have your highlights saved across all your devices? Sign up or sign in
Historical texts published by British and Foreign Bible Society 1917-1927.
