Matí Dí Injíl 26

1Te aiuṉ hoiá, pai jad Yisúʼ ih sáríáṉ galláṉ mukkáiáṉ, us apne shágirdáṉ núṉ ákhiá, 2Tusíṉ jánde ho, paí do dináṉ de pichchhoṉ Fasah dí ʼId howegí, te Ibn-i-Ádam salíb ditte ján de waste hawále kítá jáṉdá hai. 3Tad sardár káhín te qaum de buzurg Káifá náṉ sardár káhin de díwánḳháne vichch jamʼa hoe; 4Te saláh kítí paí Yisúʼ nuṉ fareb nál phaṛke már suṭṭie. 5Par uhnáṉ ákhiá, paí ʼId de din núṉ nahíṉ, mate lokáṉ vichch balwá ho jáe. 6Te jad Yisúʼ Baitʼániá vichch Shamaʼúṉ koṛhe de ghar vichch sí. 7Ikk janání uh de kol áí, jih de kol ikk baṛe mulwále ʼitr dí sang marmar dí ʼitrdání sí. Us uh núṉ uh de sir utte, jad uh kháná piá khándá sí, ulṭá dittá. 8Par shágirḍ ih vekhke baṛe khij gaye, te ákhan lage, Ih nuqsán káhnúṉ hoiá? 9Ih ʼitr baṛe mul núṉ vik sakdá, te g̣aribáṉ núṉ dittá já sakdá si. 10Par Yisúʼ ne ih jánke uhnáṉ núṉ ákhiá. Is janání núṉ kyúṉ dukh deṉde ho? kyúṉ jo us mere nál changá kamm kítá hai. 11G̣aríb lok te sadá tuháḍe nál ne, par maiṉ sadá tuháḍe nál nahíṉ háṉ. 12Te ih jo us mere badan utte ʼitr páyá, so kafnáun dafnáun laí kítá hai. 13Maiṉ tuhánúṉ sach ákhná háṉ, paí Sáre jahán vichch jitthe kite is ḳhushḳhabarí dí manáḍí howegí, utthe ih bhí, jo us kítá hai, uh dí yádgírí laí ákhiá jáegá. 14Tad uhnáṉ báraháṉ vichchoṉ ikk ne, jih dá náṉ Yahúdá Iskaríútí sí, sardár káhináṉ kol jáke ákhiá, 15Je uh núṉ maiṉ tuhánúṉ phaṛá diaṉ, táṉ tusíṉ mainúṉ ki deoge? Te uhuáṉ uh núṉ tíh rúpae ditte. 16Te use wele thoṉ uh mauqaʼ labbhdá sí, paí uh núṉ pharwá diáṉ. 17Te Fatírí Roṭiáṉ dí ʼÍd de pahle din shágirdáṉ ne Yisúʼ kol áke ákhiá, Túṉ kitthe cháhná hain, paí asíṉ tere khán laí Fasah taiyár karie? 18Tad us ákhiá, Shahr vichch fulane jane de kol jáke uh núṉ ákho? paí Ustád ákhdá hai, paí Merá welá nere á gayá hai. Maiṉ tere ghar apne shágirdáṉ nál Fasah dí ʼId karní hai. 19Te jis tarah Yisúʼ ne uhnáṉ núṉ hukm dittá si, uhnáṉ kitá; te Fasah taiyár kítí. 20Te shám wele uh apne báraháṉ shágirdáṉ nál kháná khán baiṭhá hoiá sí. 21Te jad uh pae khánde sáṉ, us ákhiá Maiṉ tuhánúṉ sach ákhná háṉ, paí Tuháḍe vichchoṉ ikk mainúṉ phaṛwáegá. 22Tad uh bahut udás hoe, te har ikk uh núṉ ákhan lagá. Ḳhudáwandá, maiṉ uh hí háṉ? 23Us jawáb dittá, Jis mere nál thálí vichch hatth páyá hai, uh mainúṉ phaṛwáegá. 24Ibn-i-Ádam jándá hai, jiweṉ uh de haqq vichch likkhiá hoiá hai, par háe afsos us ádmí utte, jih dí ráhíṉ Ibn-i-Ádam phaṛwáyá jáṉdá hai. Us ádmí de laí bhalá huṉdá, je uh na jammdá 25Tad Yahúdá, jihṛá uh dá pháṛwáunwálá sí, boliá, Ai ustád, maiṉ uh hí háṉ? Us uh núṉ ákhiá, Túṉ ákh dittá hai. 26Te jad uh pae kháṉde sáṉ, tad Yisúʼ roṭí laí, te barakat deke toṛí te shágirdáṉ núṉ deke ákhiá, Lao, kháo; ih merá badan hai. 27Te us piyálá laike shukr kítá, te uhnáṉ núṉ deke ákhiá, Tusíṉ sáre ih de vichchoṉ pío; 28Kyúṉ jo ʼAhd dá ih merá lahú hai, jihṛá bahuteáṉ dí ḳhátir gunáháṉ dí muʼáfí laí wagáyá jáṉdá hai. 29Te maiṉ tuhánúṉ ákhná háṉ, paí aidoṉ agge maiṉ is angúr dí ras núṉ na píáṉgá uh din tíkar, jadoṉ tíkar apne Báp dí bádsháhí vichch maiṉ uh núṉ tuháḍe nál naweṉ sir na píáṉ. 30Te gít gáke Zaitunáṉ de paháṛ núṉ nikal gaye. 31Tad Yisúʼ uhnáṉ núṉ ákhiá, Ajj rát tusíṉ merí bábat ṭhokar kháoge; kyúṉ jo ih likhiá hai, paí “Maiṉ ayálí núṉ máráṉgá, te ajjaṛ díáṉ bheḍáṉ khillar jángíáṉ.” 32Par maiṉ apne jí uṭṭhan de, magaroṉ tuháthoṉ agge Galíl núṉ jáṉgá. 33Tad Patras uh núṉ jawáb dittá, Bháṉweṉ sáre terí bábat thokar khán, par main thokar kadi na kháṉgá. 34Yisúʼ uh núṉ ákhiá, Maiṉ tuhánúṉ sach ákhná háṉ, paí túṉ ajj rát kukkaṛ dí báṉg den thoṉ pahláṉ tin wárí merá inkár kareṉgá. 35Patras ne uh núṉ ákhiá, Bháṉweṉ tere nál mainúṉ marná bhí pawe, táṉ bhí maiṉ terá inkár kadi na karáṉgá. Te sáre shágird ise tarah ákhan lage. 36Tad Yisúʼ uhnáṉ de nál Gatsamaní náṉ ikk jagah vichch áyá, te apne shágirdáṉ núṉ ákhiá, Tusíṉ itthe baho, jinnáṉ chir maiṉ utthe jáke duʼá maṉgáṉ. 37Te Patras te Zabbadí de doháṉ puttaráṉ núṉ nál laike uh dukhí te bahut gamgín hon lagá. 38Tad uh uhuáṉ núṉ ákhan lagá, Merá jí bahut dukhí hai, maran de darje tíkar. Tusíu itthe ṭhairo, te mere nál jágde raho. 39Te thoṛá agge wadhke múṉh parne ḍigg piá, te duʼá mangdiáṉ hoiáṉ ih ákhiá, Ai mere Báp, jekar ho sake, táṉ ih piyálá maithoṉ ṭal jáe; táṉ bhí na jis tarah maiṉ cháhná háṉ, par jis tarah túṉ cháhuá haiṉ. 40Pher uh shágirdáṉ kol áyá, te uhnáṉ núṉ suttiáṉ hoíáṉ vekhke Patras núṉ ákhiá. Tusíṉ ikk ghaṛí wí mere nál na jág sakke? 41Jágo te duʼá maṉgo táṉ jo tusíṉ ázmáish vichch na pawo. Rúh te taiyár hai, par badan kamzor hai. 42Pher us ḍújí wár jáke duá, mangí te ákhiá, Ai mere Báp, jekar ih mere pítiáṉ biná maithoṉ nahíṉ ṭal sakdá, tá terí marzí howe. 43Te us pher áke uhnáṉ núṉ suttiáṉ ḍiṭṭhá, kyúṉ jo uhnáṉ díáṉ akkhíáṉ bharíáṉ hoíáṉ hoiáṉ sán. 44Te uhnáṉ núṉ pher chhaḍḍke uh ṭur gayá, te tijjí wárí muṛ uhí gall ákhke duʼá maṉgí. 45Tad shágirdáṉ kol áyá, te uhnáṉ núṉ ákhiá, Hun sutte raho, te árám karo. Vekho, velá á gayá hai, te Ibn-i-Ádam gunáhgáráṉ de hatth phaṛwáyá jáṉdá hai. 46Uṭṭho, chalie; vekho, merá phaṛáunwálá neṛe á gayá hai. 47Te uh aje piá ákhdá hí sí, tá Vekho, Yahúdá (jihṛá uhnáṉ báraháṉ vichchoṉ ikk sí) á gayá, te sardár káhináṉ te lokáṉ de buzurgáṉ de walloṉ ikk waḍḍí bhiṛ talwáráṉ te ḍángáṉ laike uh de nál pahuṉchí. 48Te uh de phaṛáunwále ne uhnáṉ núṉ ih ákhke patá dittá sí, pai Jih núṉ maiṉ chummáṉgá, uho hí hai; uh núṉ phaṛ lainá. 49Te siddhiáṉ Yisúʼ kol áke us ákhiá; “Ai Rabbí, salám,” te uh núṉ chummiá. 50Te Yisúʼ ne uh núṉ ákhiá, Bháí, jis kamm wáste túṉ áyá haiṉ, kar lai. Tad uhnán nere áake Yisúʼ nún phaṛ liyá. 51Te vekho, Yisúʼ de sáthíáṉ vichchoṉ ikk ne hatth wadháke apní talwár khich laí, te sardár káhin de g̣ulám nu márke uh dá kann uḍá dittá 52Tad Yisúʼ uh núṉ ákhiá, Apní talwár miyán kar; kyúṉ jo jihṛe talwár khichde ne, talwár nál máre jánge: 53Túṉ ih samajhná haiṉ, paí maiṉ apne Báp dí minnat nahíṉ kar sakdá, te uh báraháṉ náloṉ bhi wadh firishteáṉ díáṉ faujáṉ mere kol hune házir ná karegá? 54Pher uh nawishte paí isí tarah honá zarúr hai, kíkar púre huṉḍe? 55Use wele Yisúʼ lokáṉ núṉ ákhiá, Tusíṉ mainúṉ chor samajhke talwáráṉ te ḍáṉgáṉ laike phaṛan laí báhar nikale ho; Maiṉ roz haikal vichch bahke taʼlim deṉdá sáṉ, te tusáṉ mainúṉ ua phaṛiá. 56Par ih sab kujh is laí hoiá, paí nabíáṉ de nawishte púre hon. Tad sáre shágird uh núṉ chhaḍḍke bhajj gaye. 57Te jihnáṉ Yisúʼ núṉ phaṛiá sí, so uhnúṉ Qáifá náṉ sardár káhin kol le gaye, jitthe faqíh te buzurg ikaṭṭhe hoe hoe sán. 58Te Patras dúr dúr uh de magar sarḍár káhin de díwánḳháne tíkar gayá, te andar jáke piádeáṉ de nál bah gayá, paí aḳhír núṉ wekh lawe. 59Te sardár káhin te sárí pancháyat Yisúʼ de barḳhiláf jhúṭhí gawáhí labbhde sán, paí uh núṉ jánoṉ máran; 60Par na labbhí; bháṉweṉ jhúṭhe gawáh bahutere áe. Par oṛak núṉ do janeáṉ agge hoke ákhiá, paí. 61Us ákhiá hai, paí Main Ḳhudá dí haikal núṉ ḍhá sakná háṉ, te tinnáṉ dináṉ vichch baná bhí sakná háṉ. 62Te sardár káhin uṭṭh khaloke uh núṉ ákhiá, Túṉ jawáb nahíṉ deṉdá? Ih tere utte kí kujh bhugtáuṉde ne? 63Par Yisúʼ chup hí kar rahiá. Te sardár káhin uh núṉ ákhiá, Maiṉ tainúṉ zindá Ḳhudá dí sauṉh denáṉ háṉ, paí je túṉ Masíh, Ḳhudá dá Beṭá, haiṉ, táṉ sánúṉ dass. 64Yisúʼ uh núṉ ákhia, Túṉ ápe ákh dittá hai. Pher bhí maiṉ tuhánúṉ ákhuá háṉ, paí Aiḍoṉ agge tusíṉ Ibn-i-Ádam núṉ Qudrat de sajje hatth baithiáṉ hoiáṉ te ásmánáṉ de baddaláṉ utte áuṉdiáṉ vekhoge. 65Tad sardár káhin apne kapṛe páṛke ákhiá, Is kufr ákhiá hai. Hun sánúṉ gawáháṉ dí kí loṛ haí? Lao, hun tusáṉ bhi kufr sun liyá hai 66Tuhánúṉ kí sujhdá hai? Uhnáṉ jawáb ḍeke ákhiá, Uh maut de láiq hai. 67Tad uhnáṉ uh de muṉh utte thukiá, te uh núṉ mukke máre, te horuáṉ ne dhappe már ke ákhiá, 68Sánúṉ dass, Masíhá; tainuṉ kis máriá 69Te Patras báhar díwáṉḳháne vichch baiṭhá hoiá sí, te ikk chhokṛí uh de kol áke ákhiá, Túṉ bhí Galíl de Yisúʼ de nál saiṉ. 70Us sabhnáṉ de sámne mukkar ke ákhiá, Maiṉ nahíṉ jándá, paí túṉ kí ákhní haiṉ. 71Te jad uh báhar ḍeoṛhí vichch gayá, táṉ dújí uh núṉ ḍiṭṭhá, te uh uhnán núṉ jihṛe utthe sán ákhan lagí. Ih bhí Yisúʼ Násarí de nál sí. 72Tad uh sauṉh kháke pher mukkar piá paí Maiṉ us ádmí núṉ nahíṉ jándá. 73Te thoṛe chir pichchhoṉ uhnáṉ ne, jihṛe utthe khalote sán. Patras de kol jáke ákhiá. Thík túṉ bhí uhnáṉ vichchoṉ haiṉ; terí bolí paí dassdí hai. 74Tad uh laʼntáṉ pánn, te sáuṉh khán lag piá, paí Maiṉ us shaḳhs núṉ nahíṉ jándá; te uṉweṉ kúkkaṛ ne báṉg dittí 75Tadoṉ Patras núṉ Yisúʼ dí gall, jhiṛí us uh núṉ ákhi sí, yád áí, paí Kúkkaṛ de báṉg den thoṉ pahláṉ túṉ merá tin wárí inkár kareṉgá. Te uh báhar jáke ḍháíṉ már márke roiá.

Currently Selected:

Matí Dí Injíl 26: PNT1927R

Highlight

Copy