Marqus Dí Injíl 1

1KHUDA de Beṭe Yesúʼ Masíh dí Injíl dá shurúʼ; 2Jihá Yasʼaiáh nabí dí kitáb vichch likhiá hai, pai Vekh, maiṉ apne rasúl núṉ tere agge ghallná háṉ; uh terá ráh banáwegá. 3Jangal vichch ikk hoká den-wále dí awáz, paí Ḳhudáwand de ráh núṉ tiár karo, te uh de rasteáṉ núṉ siddheáṉ karo. 4Yuhanná áyá, jihṛá jangal vichch baptisma deṉdá, te gunáháṉ dí muʼáfí de laí tauba de baptisma dí manádí kardá sí. 5Te Yahúdiyá dá sárá des te Yarúshalím de sáre rahanwále uh de kol lagge áuṉde sán, te uhnáṉ apne gunáháṉ núṉ mannke Yardan nadí vichch uh de hatthoṉ baptisma liá 6Te Yuhanná úṭh de váláṉ dí poshák pándá sí, te chamm dí peṭí uh de lakk duále sí; te ṭiḍḍḍiáṉ te jangal dá shahd kháṉdá sí; 7Te uh manádí kardá sí, paí Mere pichchhe ikk maíthoṉ táqatwálá áuṉdá hai, te maiṉ nuṉke uh dí juttí dí ghunḍ kholan de láiq nahíṉ. 8Maiṉ tuhánúṉ pání nál baptisma dittá hai; par uh tuhánúṉ Pák Rúh nál baptisma de wegá. 9Te uhníṉ diuíṉ aiuṉ hoiá, paí Yesúʼ Galíl de Násarat thoṉ áyá, te Yardan vichch Yuhanná de hatthoṉ baptisma liá. 10Te páníoṉ nikaldiáṉ sár us asmánáṉ núṉ khuldiáṉ te Rúh núṉ kabútar wáṉgúṉ apne utte uttardiáṉ ḍiṭṭhá; 11Te ásmánoṉ ikk awáz áí, paí Túṉ merá piyárá Beṭá haiṉ; taithoṉ maiṉ rází háṉ. 12Te Rúh ne uṉweṉ jangal wall uh núṉ ghalliá. 13Te jangálʼ vichch cháli din Shaitán uh núṉ azmándá rihá; te uh janglí jánwaráṉ de nál rahṉdá sí, te firishte uh dí ṭahl karde sán. 14Te Yuhanná de phaṛe ján de pichchhoṉ Yesúʼ Ḳhudá dí Injíl dí manádí kardá te ih ákhdá Galíl vichch áyá, paí 15Velá á gayá hai, te Ḳhudá dí bádsháhí neṛe áí; tauba karo, te Injíl núṉ manno. 16Te Galíl de samundar de kanḍhe utte phirdiáṉ us Shamaʼún te Shamaʼún de bháí Andríyás núṉ samundar vichch jál páuṉdiáṉ ḍiṭṭhá, kyúṉ jo uh machchhíáṉ de shikárí sán. 17Te Yesúʼ ne uhnáṉ núṉ ákhiá, Mere magar ṭure áo, te maiṉ tuhánúṉ ádmíáṉ de phaṛanwále banáwáṉgá, 18Te uh jhaṭ jáláṉ núṉ chaḍḍ-ke uh de magar ṭur pae. 19Te thoṛí dúr agge wadhke us Zabadí de puttar Yaʼqúb te uh de bhará Yuhanná núṉ vekhiá, paí uh beṛí vichch jáláṉ núṉ sudhárde sán. 20Uṉweṉ uhnáṉ núṉ saddiá, te uh apne piu Zabadí núṉ beṛí vichch kámiáṉ de nál chhaḍḍke uh de magar ṭur pae. 21Te uh Kafarnáhum appaṛe, te uh use wele ʼibádatḳháne vichch jáke taʼlím den laggá. 22Te uh us dí taʼlím thoṉ hairán hoe; kyúṉ jo uh uhnáṉ núṉ faqíháṉ wáṉgúṉ nahíṉ, par iḳhtiyárwále wáṉgúṉ taʼlím deṉdá sí. 23Te use wele uhnáṉ de ʼibádatḳháne vichch ikk janá sí, jih núṉ palít rúh chambaṛí hoí sí, te us uchchí áwáz nál ákhiá, paí 24Ai Yesuʼ Násarí, terá sáḍe nál kí wásta? Túṉ sáḍá nás karan áyá haiṉ? Maiṉ tainúṉ jánṉáṉ, paí Túṉ kann haiṉ; Ḳhudá dá Quddús. 25Te Yesu ne uh núṉ warajke ákhiá, Chup ruh, te uh de vichchoṉ nikal já. 26Tad palít rúh uh núṉ maroṛke te chíkáṉ márdí uh de vichchoṉ nikal gayí. 27Te sáre lok aiḍe hairán hoe, ki ápo vichch charchá karan lagge, paí Ih kí hai? Ikk nawíṉ taʼlím! paí uh palít rúháṉ núṉ bhí iḳhtiyár nál hukm kardá hai, te uh uhnúṉ man laiṉdíáṉ ne. 28Uṉweṉ hí Galíl de sáre ʼiláqe vichch uh dí dhum pai gayí. 29Te uh use wele ibádat-ḳháneoṉ báhar jáke Yaʼqúb te Yuhanṉá nál Shamaʼúṉ te And-riyás de ghar áe. 30Te Shamʼún dí sas kas nál paí hoí sí, te uhnáṉ ne jhaṭ uh núṉ us dí ḳhabar dittí. 31Te us kol áke uh núṉ hatthoṉ phaṛke uṭhá lia; te uh dí kas lah gayí; te us uhnáṉ dí ṭahl kít i. 32Sham de wele, jad súraj ḍub gayá, sáreáṉ bímáráṉ núṉ te jihnáṉ núṉ badrúháṉ dá sáyá sí, uh de kol liáe. 33Te sárá shahr búhe utte ikaṭṭhá hoiá sí. 34Te us bahuteáṉ núṉ, jihṛe wakho wakh bímáríáṉ vichch pae sán, wall kítá, te bahuteríáṉ badrúháṉ kaḍḍh dittíáṉ; te badrúháṉ núṉ bolan na dittá, kyúṉ jo uhnáṉ us núṉ pachhán liá sí. 35Te uh bare sawere kujh rát rahṉdiáṉ uṭṭhiá, te báhar nikalke ikk ujár tháṉ vichch gayá, te utthe duʼá maṉgí. 36Te Shamaʼúṉ te us de sáthí uh de pichchhe gaye. 37Jad uhnáṉ uh núṉ labbh liá, táṉ uh núṉ ákhiá, paí Tainúṉ sabbhe bhálde ne. 38Te us uhnáṉ núṉ ákhiá, Áo, kise nere de shahrán vichch chalie, paí maiṉ utthe bhí manádí karáṉ, kyúṉ jo maiṉ ise laí nikaliá 39Te uh sáre Galíl vichch uhnáṉ de ʼibádatḳháníṉ manádí kardá, te badrúháṉ núṉ kaḍḍhdá áyá. 40Te ikk koṛhá uh de kol áyá, te uh dí minnat karke uh de agge goḍe niwáke ákhiá, túṉ cháheṉ, táṉ mainúṉ pák sáf kar sakkdá haiṉ. 41Te us tars kháke apná hatth wadháyá, te uh núṉ chhúiá, te ákhiá, Maiṉ cháhnáṉ; túṉ pák sáf ho já 42Te uṉweṉ uh dá koṛh jáṉdá rahiá, te uh pák sáf ho gayá. 43Tad us uh núṉ tákíd karke use wele ṭor dittá, 44Te uh núṉ ákhiá, Vekh, túṉ kise núṉ kujh náṉ dassíṉ, par já, te apná áp káhin núṉ vikhá, te uh chaṛháwá jih dá Músá ne hukm kítá, apne pák hon dí bábat cháṛh, táṉ jo uhuáṉ laí gawáhí howe. 45Par báhar jáke us bahut bolan, te is gall núṉ aiḍá mashhúr karan shurúʼ kítá, pai Yesuʼ phir shahr vichch khullam khullá waṛ ná sakkiá, par báhar ujáṛ tháṉwáṉ vichch rahiá; te lok chaupheṛioṉ uh de kol áuṉde huṉde sán.

Currently Selected:

Marqus Dí Injíl 1: PNT1927R

Highlight

Copy