Marqus Dí Injíl 2
2
1TE kinneáṉ diṉáṉ pichchhoṉ, jád uh Kafarnáhum vichch pher áyá, táṉ suniá gayá sí, paí uh ghar vichch hai. 2Te aine lok ikaṭṭhe hoe, paí búhe de agge bhí tháṉ ná rahiá; te us uhnáṉ núṉ kalám sunáyá. 3Te uh ikk jhole de máre hoe núṉ chauṉh ádmíáṉ koloṉ chukkwáke uh de kol liáe. 4Te jad uh bhíṛ de sababb karke uh de nere ná á sakke, tad uhnáṉ ne us chhat vichch, jitthe uh sí, muggh kítá, te jáṉ uh núṉ udheṛ chukke, táṉ us manjí núṉ, jih de utte jhole dá máriá hoiá piá sí, utár dittá. 5Te Yesúʼ uhnáṉ dá ímán vekhke us jhole de máre hoe núṉ ákhiá, Bachchá, tere gunáh muʼáf kíte gaye. 6Par kaí faqíh utthe baiṭhe apne man vichch vichár karde sán, paí 7Ih kyúṉ is tarah boldá hai? Kufr bakdá hai? Ḳhudá de bináṉ kaun gunáh muáf kar sakkdá hai? 8Te uṉweṉ hí Yesuʼ ne apne rúh nál maʼlúm karke, pai uh apne manáṉ vichch aiuṉ vichár karde ne, uhnáṉ núṉ ákhiá. Tosiṉ káhnúṉ apne dil vichch ajihí vichár karde ho? 9Is jhole de máre hoe núṉ kí ákhná sukhálá hai? ih, paí tere gunáh muʼáf hoe? yáṉ ih ákhná, paí Uṭṭh te apní manjí chukk-ke ṭur já? 10Par is laí, paí tusíṉ jáno, paí Ibn-i-Ádam núṉ zamín utte gunáh muuáf karan dá iḳhtiyár hai, (uhn us jhole de máre hoe núṉ ákhiá). 11Maiṉ tainúṉ ákhná báṉ, Uṭṭh, apní manjí chukk-ke apne ghar núṉ ṭur já. 12Te uh uṭṭhiá te manjí chheí nál chukk-ke uhnáṉ sabhnáṉ de sámne nikal gayá. Tad sáre hairán ho gaye, te Ḳhudá dí waḍiáí karke ákhan lage, paí Asáṉ is tarah dí gall kadí nahíṉ vekhí. 13Te uh pher samundar de kanḍhe utte gayá, te sárí bhíṛ uh de kol áí, te us uhnáṉ núṉ taʼlím dittí. 14Te jáṉde hoe us Halfí de puttar Levi núṉ mahsúl dí chauṉkí utte baiṭhiáṉ vekhiá, te uh núṉ ákhiá, paí Mere pichchhe ṭur á. So uh uṭṭhiá, te uh de pichchhe ṭur piá. 15Te aiuṉ hoiá, paí jád uh de ghar vichch roṭí khán baiṭhá, táṉ bahut sáre mahsúlie te gunáhgár Yesúʼ te uh de shá-girdáṉ nál bah gaye; kyúṉ jo uh bahut sáre sán, te uh de magar ṭur áe sáṉ. 16Te jad Fárísíáṉ te faqíháṉ ne uh núṉ mahsúlíáṉ te gunáhgáráṉ nál kháṉdiáṉ vekhiá, tad uh de shágirdáṉ núṉ ákhiá, paí Uh mahsúlíáṉ te gunáhgáráṉ de nál kháṉdá píṉdá hai. 17Te Yesú sunke uhnáṉ núṉ ákhiá, paí Naweṉ naroiáṉ núṉ hakím nahíṉ loṛídá, par rogíáṉ nún loṛ hai. Maiṉ nekán núṉ bulán nahíṉ áyá, par gunáhíáṉ núṉ. 18Te Yuhanná de shágird te Farísí roza rakkhde sán; te uhnáṉ áke uh núṉ ákhiá, paí Yuhanná de shágird te Farísíáṉ de shágird kyúṉ roza rakkhde ne, par tere shágird nahíṉ rakkhde? 19Te Yesúʼ uhnáṉ núṉ ákhiá, paí Jad tíkar láṛá jánjíáṉ de nál hai, uh roza rakkh sakkde ne? 20Par uh din áwange, jad láṛá uhnáṉ thoṉ aḍḍ kítá jáegá: tad us din uh roza rakkhange. 21Puráne kapṛe núṉ kore dí ṭákí koí nahíṉ láṉdá. Je láwe bhí, táṉ uh láí hoí ṭákí us thoṉ kujh khichch laiṉdí hai, (yaʼne naweṉ puráne thoṉ) te langár wadh jáṉdá hai. 22Te naweṉ angúr dí ras núṉ puráníáṉ mashakáṉ vichch koí nahíṉ bhardá. Je bhare bhí, táṉ ras mashakáṉ núṉ páṛ degí, te ras te mashakáṉ doháṉ dá nás ho jáṉdá hai; par naweṉ angúr dí ras núṉ nawíáṉ mashakáṉ vichch bharde ne. 23Te aiuṉ hoiá, paí uh Sabt de din pailiáṉ vichchoṉ dí langhiá; te uh de shágird ráh vichch siṭṭe toṛan lagge. 24Te Farísíáṉ ne uh núṉ ákhiá, Vekháṉ, ih Sabt de din kyúṉ uh kamm karde ne, jih dá karná rawá nahíṉ hai? 25Te us uhnáṉ núṉ ákhiá, Tusáṉ kadí nahíṉ paṛhiá, paí jáṉ Dáúd núṉ loṛ pai, te uh núṉ te uh de sáthíáṉ núṉ bhukh laggí, táṉ us kí kítá? 26Paí uh kis tarah sardár káhin Abiyátar de same Ḳhudá de ghar vichch gayá, te chaṛháwe díáṉ roṭíáṉ khá láíáṉ, jihnáṉ dá kháná káhináṉ de bináṉ hor kise núṉ rawá nahíṉ sí, te apne sáthíáṉ núṉ bhí dittíáṉ? 27Te us uhnáṉ núṉ ákhiá, ki Sabt dá din iṉsán dí ḳhátir baníá, te na insán Sabt dí ḳhátir. 28Is laí lbn-í-Ádam Sabt de din dá bhí Khudáwand hai.
Currently Selected:
Marqus Dí Injíl 2: PNT1927R
Highlight
Share
Copy
Want to have your highlights saved across all your devices? Sign up or sign in
Historical texts published by British and Foreign Bible Society 1917-1927.
