Marqus Dí Injíl 6
6
1TE uh utthoṉ ṭur piá, te apne des vichch áyá, te uh de shágird uh de magar lagg pae. 2Te jad Sabt dá din hoiá, tad uh ʼibádatḳháne vichch taʼlím den laggá, te bahut sunanwáleáṉ hairán hoke ákhiá, pai Ih galláṉ us núṉ kitthoṉ áíáṉ? Te ih kihí dánáí hai, jo uh núṉ ditlí gayí? Te iho jihíáṉ karámátáṉ, jihṛíáṉ us de hatthoṉ huṉdíáṉ ne, kí ne. 3Ih tarkhán nahíṉ hai, Mariam dá puttar? Te Yaʼqúb te Yuses te Yahúdá te Shamaʼún dá bhará? Te uh díáṉ bhaináṉ itthe Sáḍe kol nahíṉ ne? Te uhuáṉ uh de thoṉ thokar khádí. 4Te Yesúʼ uhnáṉ núṉ ákhiá Nabí kite beqadr nahíṉ hai siwá apne des de, te apne aṉgáṉ sákáṉ, te apne ghar de. 5Te koí karámát us tháṉ ná vikhál sakkíá, bináṉ is de, paí thoṛe jihe rogíáṉ utte hatth rakhke uhnáṉ núṉ wall kítá 6Te us uhnáṉ dí beímání utte taʼajjub kítá. Te ále duále de pinḍáṉ vichch uh taʼlím deṉdá phiriá. 7Te us báraháṉ núṉ kol saddiá, te uhnáṉ núṉ do do karke ghallná shurúʼ kítá, Te uhnaṉ núṉ palít rúháṉ utte iḳhtiár dittá, 8Te uhnáṉ núṉ hukm kítá, paí Ráh de laí soṭí de bináṉ hor kujh ná lao; ná thaili, na roṭí, ná lakk nál paise bannho; 9Par juttí páo, te do kuṛte ná pahino. 10Te us uhnáṉ núṉ ákhiá, pai Jitthe tusíṉ kise ghar vichch jáo, utthe hí ṭiko, jinnáṉ chir utthoṉ ná ṭur pao. 11Te jitthe kite tuhánúṉ rahan ná den, te lok tuháḍí ná sunan, táṉ utthoṉ nikaldiáṉ apne páiráṉ dá ghaṭṭá jhár suṭṭo, pai uhnáṉ utte gawáhí howe. 12Te báhar jáke uhnáṉ manádí kítí, paí lok tauba karan. 13Te uhnáṉ bahutiáṉ bad-rúháṉ núṉ kaḍḍh dittá, te bahutiáṉ rogíáṉ núṉ tel malke wall kítá. 14Te Herodís bádsháh núṉ ḳhabar pahúṉchí; uh dá náṉ jo mashhúr ho gayá sí; te us ákhiá, paí Yuhanná baptisma denwálá murdeáṉ vichchoṉ jí uṭṭhiá hai; is laí karámátáṉ uh de hatthoṉ huṉdíáṉ ne. 15Dujje ákhde sáṉ, Ih Iliás hai; te dujje, paí Ikk nabí hai hornán nabiáṉ wáṉgúṉ. 16Par Herodís ne sunke ákhiá, Ih Yuhanná hai, jih dá maiṉ sir waḍḍhwáyá sí; uho jí uṭṭhiá hai. 17Kyúṉ jo Herodís apne bhará Failbús dí wahuṭí Herodiás de sababb jih núṉ us wiáh liá sí, ápe ghallke Yuhanná núṉ phaṛwáyá, te qaidḳháne vichch uh núṉ band kítá sí; 18Is laí, pai Yuhanná ne Herodís núṉ ákhiá sí, paí Apne bhará dí wáhutí nún rakhná tainúṉ rawá nahíṉ. 19Te Herodiás uh de nál wair rakhdí, te uh núṉ jánoṉ márná cháhuṉdí sí, par wass nahíṉ sí chaldá; 20Kyúṉ jo Herodís Yuhanná núṉ nek te dharmí ádmí jánke uh de thoṉ ḍardá, te uh núṉ bacháí rakkhdá sí, te uh dí sunke bará hairán huṉdá sí, te ḳhushí nál uh dí sundá rahndá sí. 21Te mauqaʼ dá diháṛá á gayá, paí Herodís apne janam din utte bare bare amíráṉ te súbedáráṉ te Galíl de raísáṉ dí ziáfat kítí. 22Te jád Herodíás dí dhí áp andar áke nachchí, te Herodís te us de nál baihanwáleáṉ núṉ ḳhush kítá, táṉ bádsháh ne kuṛí núṉ ákhiá, Jo cháheṉ, túṉ maithoṉ maṉg; maiṉ tainúṉ diáṉgá. 23Te uh de nál sauṉh khádí, paí Jo kujh túṉ maithoṉ maṉgeṉgí, maiṉ apne addhe ráj tíkur bhí tainúṉ de diáṉgá. 24Te us báhar jáke apní máṉ núṉ ákhíá, pai Maiṉ kí mangáṉ? Un ákhan lagí, Yuhanná baptisma denwále dá sir. 25Tad uh use wele bádsháh de kol chhetí nál andar gayí, te ʼarz kítí, paí Maiṉ cháhuṉdí háṉ, túṉ Yuhanná baptisma denwále dá sir mainúṉ hune thál vichch de de. 26Te bádsháh bahut udás hoiá, par uh apní sauṉh te májlis dí ḳhátir uh de thoṉ ná nahíṉ sí karrná cháhuṉdá 27Tad bádsháh us wele sipáhí núṉ hukm deke ghalliá, paí uh dá sir liáwe. Te us jáke uh dá sir qaidḳháne vichch waḍḍhiá. 28Te ikk thál vichch rakhke liáṉdá, te kuṛí núṉ ḍittá; te kuṛí ne uh apní máṉ núṉ dittá. 29Te uh de shágird sunke áe, te us dí loth chukk ke uh núṉ qabar vichch rakkhí. 30Pher rasúl Yesúʼ de kol ikaṭṭhe hoe jo kujh uhnáṉ kítá, te jo kujh taʼlím dittí sí, sab kujh uh núṉ dassiá. 31Tad us uhnáṉ núṉ ákhiá, Tusíṉ áp alag hoke ujáṛ tháṉ ṭur chalo, te zará árám karo; is laí paí áun jánwále bahut sán, te roṭí khán dí ví wihl ná sí huṉdí 32Tad uh beṛí utte chaṛhke ikk ujáṛ tháṉ vichch alag chale gaye. 33Par lokáṉ uh núṉ jáṉdiáṉ vekhiá, te bahutereáṉ uh núṉ pachhániá te sáre shahráṉ thoṉ paidal udhar núṉ ikaṭṭhe daure, te uhnáṉ thoṉ agge appare. 34Te Yesúʼ baṛí ḳhalqat vekhí, te uh núṉ uh de utte tars áyá, kyúṉ jo uh uhnáṉ bheḍáṉ wáṉgúṉ sán, jihnáṉ dá ayálí ná howe; te us uhnáṉ núṉ bahuteríáṉ galláṉ sikháiníáṉ shurúʼ kítíáṉ. 35Te jad din bahut ḍhal gayá, uh de shágirdáṉ ne uh de kol áke ákhiá, Ih tháṉ ujáṛ hai, te hun kuwelá ho gayá hai: 36Ihnáṉ núṉ widyá kar, paí uh ále duále de pinḍáṉ te giráṉwáṉ vichch jáke apne laí kujh khán núṉ mull lain. 37Us uhnáṉ núṉ jawáb deke ákhiá, Tusíṉ ápe ihnáṉ núṉ khán núṉ deo. Tad uhnáṉ uh núṉ ákhiá, Asíṉ do sau dínáráṉ díáṉ roṭíáṉ jáke mull liáiye, te uhnáṉ núṉ khuáiye? 38Us uhnáṉ núṉ ákhiá, Tuháḍe kol kiṉníáṉ roṭíáṉ ne. Jáke vekho. Te uhnáṉ maʼlúm karke ákhiá, Panj roṭíáṉ te do machchhíáṉ ne. 39Tad us uhnáṉ núṉ hukm dittá, pai uh sabhe hare gháh utte junḍiáṉ hoke bah ján. 40Te uh sau sau te panjáh panjáh hoke pálo pál ho baiṭhe. 41Tad us uhnáṉ panjáṉ roṭíáṉ te do machchhíáṉ núṉ liá, te asmán de wall vekhiá, te barakat mangke roṭíáṉ toṛíáṉ, te lokáṉ de agge rakkhan laí shágirdáṉ núṉ dittíáṉ; te do machchíáṉ us uhnáṉ sabhnáṉ núṉ wanḍíáṉ. 42Te sáre kháke rajj gaye. 43Te uhnáṉ ṭukṛíáṉ nál báráṉ ṭokríáṉ bharíáṉ hoíáṉ uṭṭháíáṉ, te kujh machchhíáṉ vichchoṉ bhí chukkíá. 44Te roṭíáṉ de khánwále panj hazár admí sán. 45Te uṉweṉ us apne shágirdáṉ núṉ pakkí kítí, paí Jad tíkur maiṉ bhíṛ núṉ widyá ná karáṉ, tusíṉ beṛí utte chaṛhke mere agge Baitsaidá núṉ pár jáo. 46Te jad us uhnáṉ núṉ ṭor dittá, uh paháṛ utte duʼá mangan núṉ gayá. 47Te jad tarkáláṉ paíáṉ, táṉ beṛi samundar de vichghár sí, te uh ikallá ḳhushkí utte sí. 48Te jad us uhuáṉ núṉ chappu lán vichch aukhiáṉ ḍiṭṭhá, (kyúṉ jo hawá sámne dí sí), tad pichhle pahar rát núṉ samundar utte ṭurdiáṉ uhnáṉ wall áyá, te uhnáṉ thoṉ agge wadhan lagá. 49Par uhnáṉ uh núṉ samundar utte ṭurdiáṉ vekhke bhútná jániá te ḍaḍiá uṭṭhe; 50Kyúṉ jo sáreáṉ uh núṉ vekhiá, te ghabrá gaye. Par us uṉweṉ uhnáṉ nál gall kítí, te uhnáṉ núṉ ákhiá, Ḳhátir jamaʼ rakkho; maiṉ háṉ; na ḍaro. 51Pher uh uhnán nál beṛí utte chaṛh gayá, te hawá khalo gayí. Tad uh apne diláṉ vichch ḍáḍhe hairán hoe; 52Is laí pai uhnán ne roṭíáṉ dí gall nahíṉ sí samjhí, par uhnáṉ de dil sunn hoe sán. 53Te uh pár langhke Ganesarat de des vichch appaṛe, te beṛí núṉ kanḍhe utte láyá. 54Te jád uh beṛioṉ latthe, táṉ lokáṉ us núṉ jhaṭ sián liá, 55Te uh sáre des vichch daur bhaj karke bímáráṉ núṉ manjíáṉ utte páke, jitthe jitthe uhnáṉ suniá, paí uh huṉdá sí, utthe utthe hí laí phire. 56Te jitthe kite uh giráṉwáṉ yá shahráṉ yá pinḍáṉ núṉ jáṉdá sí, utthe lok máṉdeáṉ núṉ bázáráṉ vichch liá páṉde, te uh díáṉ minnatáṉ karde sán, paí uh de kapṛe de palle hí núṉ chhúná mile: te jinneáṉ uh núṉ chhúiá, so wall ho gaye.
Currently Selected:
Marqus Dí Injíl 6: PNT1927R
Highlight
Share
Copy
Want to have your highlights saved across all your devices? Sign up or sign in
Historical texts published by British and Foreign Bible Society 1917-1927.
