San Mateo 15
15
Tan rchiagui bene
(Mc 7.1-23)
1Balaka bene fariseos kan muestro ki xhba'a zake Jerusalén guiajke ga' ze'a Jesús, te gnabekene le':
2—¿Nobixhkia' bene lachhile'anke loe' labi rhonke ka' kostumbre kika xozixhtorha? ¿Nobixhkia' birhonke kumplirhe kibi na'ake zia'alha kati zi gagoke yeta?
3Jesús gnabene le'ake:
—¿Te le'aksikan nobixhkia' lén labi rhonle tan rne'a Diozo gonrha kinda gonle ka' kostumbre kie'alhe? 4Le'a Diozo gne': Be'an balan xozilho kan xhnalho, te Bene sne'adze ki xoze o ki xhne'e wazie'e yelagoti. 5Te lén rne'alhe waka to bene ye'e xoze o xhne'e: Labi gaka gonha loe' yodarhe, le'a yogote'a tan dia kia' chi bdea'a ki Diozo; 6te notite'azi bene rtzalaje kin, labirhe rdole gonhe yodarhe xoze o xhne'e. Na kan chen, lén chi beguie'alale xhtidza Diozo kinda gonle ka' kostumbre kie'alhe. 7¡Lén bene chopa rhoa'! Naka lhi' ka' gne'a bene btzalaje laza Diozo grelawe Isaías ka' nakalhe, kati gne'
8Yechhi ni rhonhe xhen ne'adia le'an didzazi,
te laxhdoke ze'a zito le'an ne'adia.
9Bigsla za'aka tan rhonle xhen ne'adia:
tan rse'adielhe naka ta rne'akazi bene.
10Na'arhe Jesús bledze ka bene te gne':
—Legze'anaga te letzeajnie: 11Laga tan rhea'aj rhago bene gon le' bayiajtza. Le'a natza'alha, tan rhon bayiajtza bene naka didza na roaj rhoe'.
12Na'arhe ka bene lachhile'anke le' guiajke gago ga' ze'a Jesús te gnabekene le':
—¿A nezelho ka bene fariseos gokiekene zi' nan benkene tan gne'alho?
13Le' gochhie le'ake:
—Bitite'azi guixi ta labi goza' Xoza chhie'e yeba', waladzoke lo lhoete. 14Lajyokaze, le'a nakake bene birle'ekene te nache'ake yebala ka bene birle'ekene. Te chen to bene birle'ene xhche yetoe', rhopakate sladzoke lo ye'arho.
15Na'arhe Pedro gochhie Jesús:
—Bzeajnie ne'ato tan gdixaje'elho.
16Jesús gochhie le'ake
—¿Ni lén labine rheajnielhe ten? 17¿Abi rheajnielhe yogote'a tan rhea'aj rhago bene rheaj lo le'anhe, kinda dena'a rherho'onhe lo letrina? 18Zan didza na roaj rhoa' bene za lo laxhdawe, te le'a rhon le' bayiajtza. 19Le'a lo laxhdo bene roaj pensarhe malha, ki tan gotike bene, gdzaga nigolha, naka gonke ta labi zeaj, tan koanke, ki tan rzi'ikeye'a kan ye'azi'ike bene. 20Yogote'a ten nakaka ta rhon bayiajtza bene; te nan gawe sinka gonhe kumplirhe ki tan kibi ne'e, labi rhon le' bayiajtza.
To nigolha bi nababe yechhi Israel bxenlachhie Diozo
(Mc 7.24-30)
21Na beza'a Jesús zeyiaje yechhi nababaka Tiro le'an Sidón. 22Te to nigolha cananea, nababe yechhi na', zeaje ga' ze'a Jesús, rbechhiye'e:
—¡Xanha, Xhi'in David, beye'achilachhi ne'adia! ¡Xhi'inha gna dze'ebi to taxiwe te rsakaya'agazita le'abi!
23Bigslabi gochhi Jesús nigolha ni. Na'arhe bene lachhile'anke le' gbigake kuite te gotayoke le':
—Gochhi nigolha na yiaje, le'a zee rbechhiye'e xhkodzarha.
24Jesús gne':
—Diozo chi gsele ne'adia kika bekoxhilha nanitikaba ki yechhi Israel.
25Te nigolha ni yajze'achoe xhibe lo Jesús, te rhe le':
—¡Xanha, be'an ne'adia yodarhe!
26Jesús gochhie nigolha na:
—Labi naka wen yeguie'alarha tan rhea'aj rhago ka xhi'inrha te gderha kika beko.
27Nigolha na gochhie le':
—Kan, Xanha; le'ante'a ka beko rhagokaba belha'a rhexaj xhanhe ga' rhago xankaba. 28Na'arhe Jesús gochhie lee:
—¡Nigolha, loe' rheajezelho ye'a Diozo! Waka tan chigne'alho.
Te tina'agsizi xhi'inhe gna beyakabi.
Jesús rheyonhe tixeka bene rhaka xhwe'ake
29Na Jesús beze'e na' te beyiaje rhoa nisado' ki Galilea; de nha gre'anhe lo to guia' te grie na. 30Tixeka bene bedobike ga' ze'a Jesús. Gche'ake bene birhaka sa'ake, bene birle'ekene, bene labi zoa nia'a na'ake, bene birhaka sne'ake le'an yebalaka bene yelawe'a, na le' beyonhe le'ake. 31Kon rhe'akieke bene banachhi nan rle'ekene bene birhaka sne'ake chirne'ake, bene rhaka zi'i na'ake chibeyakake, bene birhaka sa'ake chirheza'ake na ka bene birle'ekene chirhelekene. Te gzolhoke rhonke xhen Diozo ki bene yechhi Israel.
Jesús rde'e ta gago ka bene zen
(Mc 8.1-10)
32Jesús bledze bene lachhile'anke le', na gochhie le'ake:
—Rheye'achilachhieda ka bene ni, le'a zeaj tzona dza ze'ake ni le'an ne'adia le'an labigslabi dia ta gagoke. Labi rhe'anda yeselakane lo yo'o kie'ake sinka gagoke yeta, le'a na yecholekene laneza.
33Bene lachhile'anke le' gochhike Jesús:
Te nonaka sdzelheto ta gagoka tixekagolha bene, lo to lataj kin ga' bigslano zoa?
34Jesús gnabene le'ake:
—¿Nobala yetaxhtilha napalhe lén?
—Gachhi, le'an yebala belado —bochhike le'ake.
35Na'arhe gochhie le'ake kinda koeke lo yo', 36gde'ale gachhi yetaxhtilha kan bela na de bde'e xhle'an Diozo, bxhoxhaje na bde'e kika bene lachhile'anke le' te le'ake gdisike kika bene. 37Yogoke gdagoke nonga belhajkene, le'an botobikarhe ye gachhi ga'a ta yoxhaj bega'an. 38Ka bene gdagoke nakake tapa milhe bene, sinka glabarha nigolha kan bin bixhaj. 39Dena'a Jesús besele ka bene, na bebe'anhe lo barko te zeyiaje yechhi nababa Magadán.
Currently Selected:
San Mateo 15: XDZPY
Highlight
Share
Copy
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.
San Mateo 15
15
Tan rchiagui bene
(Mc 7.1-23)
1Balaka bene fariseos kan muestro ki xhba'a zake Jerusalén guiajke ga' ze'a Jesús, te gnabekene le':
2—¿Nobixhkia' bene lachhile'anke loe' labi rhonke ka' kostumbre kika xozixhtorha? ¿Nobixhkia' birhonke kumplirhe kibi na'ake zia'alha kati zi gagoke yeta?
3Jesús gnabene le'ake:
—¿Te le'aksikan nobixhkia' lén labi rhonle tan rne'a Diozo gonrha kinda gonle ka' kostumbre kie'alhe? 4Le'a Diozo gne': Be'an balan xozilho kan xhnalho, te Bene sne'adze ki xoze o ki xhne'e wazie'e yelagoti. 5Te lén rne'alhe waka to bene ye'e xoze o xhne'e: Labi gaka gonha loe' yodarhe, le'a yogote'a tan dia kia' chi bdea'a ki Diozo; 6te notite'azi bene rtzalaje kin, labirhe rdole gonhe yodarhe xoze o xhne'e. Na kan chen, lén chi beguie'alale xhtidza Diozo kinda gonle ka' kostumbre kie'alhe. 7¡Lén bene chopa rhoa'! Naka lhi' ka' gne'a bene btzalaje laza Diozo grelawe Isaías ka' nakalhe, kati gne'
8Yechhi ni rhonhe xhen ne'adia le'an didzazi,
te laxhdoke ze'a zito le'an ne'adia.
9Bigsla za'aka tan rhonle xhen ne'adia:
tan rse'adielhe naka ta rne'akazi bene.
10Na'arhe Jesús bledze ka bene te gne':
—Legze'anaga te letzeajnie: 11Laga tan rhea'aj rhago bene gon le' bayiajtza. Le'a natza'alha, tan rhon bayiajtza bene naka didza na roaj rhoe'.
12Na'arhe ka bene lachhile'anke le' guiajke gago ga' ze'a Jesús te gnabekene le':
—¿A nezelho ka bene fariseos gokiekene zi' nan benkene tan gne'alho?
13Le' gochhie le'ake:
—Bitite'azi guixi ta labi goza' Xoza chhie'e yeba', waladzoke lo lhoete. 14Lajyokaze, le'a nakake bene birle'ekene te nache'ake yebala ka bene birle'ekene. Te chen to bene birle'ene xhche yetoe', rhopakate sladzoke lo ye'arho.
15Na'arhe Pedro gochhie Jesús:
—Bzeajnie ne'ato tan gdixaje'elho.
16Jesús gochhie le'ake
—¿Ni lén labine rheajnielhe ten? 17¿Abi rheajnielhe yogote'a tan rhea'aj rhago bene rheaj lo le'anhe, kinda dena'a rherho'onhe lo letrina? 18Zan didza na roaj rhoa' bene za lo laxhdawe, te le'a rhon le' bayiajtza. 19Le'a lo laxhdo bene roaj pensarhe malha, ki tan gotike bene, gdzaga nigolha, naka gonke ta labi zeaj, tan koanke, ki tan rzi'ikeye'a kan ye'azi'ike bene. 20Yogote'a ten nakaka ta rhon bayiajtza bene; te nan gawe sinka gonhe kumplirhe ki tan kibi ne'e, labi rhon le' bayiajtza.
To nigolha bi nababe yechhi Israel bxenlachhie Diozo
(Mc 7.24-30)
21Na beza'a Jesús zeyiaje yechhi nababaka Tiro le'an Sidón. 22Te to nigolha cananea, nababe yechhi na', zeaje ga' ze'a Jesús, rbechhiye'e:
—¡Xanha, Xhi'in David, beye'achilachhi ne'adia! ¡Xhi'inha gna dze'ebi to taxiwe te rsakaya'agazita le'abi!
23Bigslabi gochhi Jesús nigolha ni. Na'arhe bene lachhile'anke le' gbigake kuite te gotayoke le':
—Gochhi nigolha na yiaje, le'a zee rbechhiye'e xhkodzarha.
24Jesús gne':
—Diozo chi gsele ne'adia kika bekoxhilha nanitikaba ki yechhi Israel.
25Te nigolha ni yajze'achoe xhibe lo Jesús, te rhe le':
—¡Xanha, be'an ne'adia yodarhe!
26Jesús gochhie nigolha na:
—Labi naka wen yeguie'alarha tan rhea'aj rhago ka xhi'inrha te gderha kika beko.
27Nigolha na gochhie le':
—Kan, Xanha; le'ante'a ka beko rhagokaba belha'a rhexaj xhanhe ga' rhago xankaba. 28Na'arhe Jesús gochhie lee:
—¡Nigolha, loe' rheajezelho ye'a Diozo! Waka tan chigne'alho.
Te tina'agsizi xhi'inhe gna beyakabi.
Jesús rheyonhe tixeka bene rhaka xhwe'ake
29Na Jesús beze'e na' te beyiaje rhoa nisado' ki Galilea; de nha gre'anhe lo to guia' te grie na. 30Tixeka bene bedobike ga' ze'a Jesús. Gche'ake bene birhaka sa'ake, bene birle'ekene, bene labi zoa nia'a na'ake, bene birhaka sne'ake le'an yebalaka bene yelawe'a, na le' beyonhe le'ake. 31Kon rhe'akieke bene banachhi nan rle'ekene bene birhaka sne'ake chirne'ake, bene rhaka zi'i na'ake chibeyakake, bene birhaka sa'ake chirheza'ake na ka bene birle'ekene chirhelekene. Te gzolhoke rhonke xhen Diozo ki bene yechhi Israel.
Jesús rde'e ta gago ka bene zen
(Mc 8.1-10)
32Jesús bledze bene lachhile'anke le', na gochhie le'ake:
—Rheye'achilachhieda ka bene ni, le'a zeaj tzona dza ze'ake ni le'an ne'adia le'an labigslabi dia ta gagoke. Labi rhe'anda yeselakane lo yo'o kie'ake sinka gagoke yeta, le'a na yecholekene laneza.
33Bene lachhile'anke le' gochhike Jesús:
Te nonaka sdzelheto ta gagoka tixekagolha bene, lo to lataj kin ga' bigslano zoa?
34Jesús gnabene le'ake:
—¿Nobala yetaxhtilha napalhe lén?
—Gachhi, le'an yebala belado —bochhike le'ake.
35Na'arhe gochhie le'ake kinda koeke lo yo', 36gde'ale gachhi yetaxhtilha kan bela na de bde'e xhle'an Diozo, bxhoxhaje na bde'e kika bene lachhile'anke le' te le'ake gdisike kika bene. 37Yogoke gdagoke nonga belhajkene, le'an botobikarhe ye gachhi ga'a ta yoxhaj bega'an. 38Ka bene gdagoke nakake tapa milhe bene, sinka glabarha nigolha kan bin bixhaj. 39Dena'a Jesús besele ka bene, na bebe'anhe lo barko te zeyiaje yechhi nababa Magadán.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.