LUKA 7
7
Mzoro wa akida ebanjwa
(Mat. 8:5-13)
1Ekinakenje viteto vyakwe vyose he vala vekimsikija, akaingia Kapernaumu.
2Naho hena mzoro wa akida mmwe ekiwaa kifwa, naye ni mntu ekundiwe haiwa. 3Ekinasikie mburi jakwe Yesu, akatuma vaghosi va Vayuda hakwe, kumsemba aze kum’banja mzoro wakwe. 4Navo vekinafike hakwe Yesu, vakamsembisha, vekiti, “Uu kimtara umketie huvo; 5ambu ekundishe mbari yetu, naye etujengie sinagogi.” 6Yesu akatonga hamwe navo. Ekizengelela hafuhi na nyumba yakwe, ula akida akatuma mbwiae hakwe, akamti, “Mfumwa, usikurishe vwasi, ambu tekinifwenye, we uingie kijusi ya gu yangu; 7nicho cheshigha nekikuvona iti tekinifwenye mi mwenye kuza hako; mira teta du kiteto, na mzoro wangu enebanda. 8Ambu nami ni mntu neinkiwe nzinya, nena vasikari veho kijusi hangu; nekimti uu, ‘Tonga,’ etonga; na uu, ‘Nzo,’ eza; na mzoro wangu, ‘Keta huvu,’ eketa.” 9Yesu ekisikia huvo, akamghuha, akagharukia lula luvungano lwemratere, akati, “Nimutio, Hata he Israeli sinavona mwitikijo m’baha sa uu.” 10Na vala vetumiwe vekihunduka uko kaa, vakamkicha ula mzoro abanda.
Mwana wa nche mkiva evushwa he vefwie
11Nyuma hadori akatonga he muzi mmwe weitangwa Naini, na varateri vakwe vakatonjanya naye, hamwe na luvungano lubaha. 12Ekinazengelele he mvera wa muzi, aho hekina kimba chefunywa na nze, ni mwana eremmwe he mlala wavo, naye efwiiwe ni mghosiwe, na vantu vajinki va muzi vekina naye. 13Mfumwa ekiramvona, akamfwa mbazi, akamti, “Usiie.” 14Akaswi hafuhi, akakunta kitanda, vala vetikie vakaimuka. Akamti, “M’bwange, nikuti, ‘Vuka!’” 15Ula efwie akavuka akaikaa si; akavoka kuteta. Akamwinkija he mlala wavo. 16Fole ikavagura vose, vakamkaza Mrungu, vekiti, “Hetu havoneka mroti m’baha; na, Mrungu avazia vantu vakwe.” 17Ii mburi yakwe ikagisha uko Yudea hose, na he masanga ose eho mondo na mondo.
Yohane M’batizi
(Mat. 11:2-19)
18Yohane akagaiwa iji mburi jose ni varateri vakwe. 19Niho Yohane akaitanga veri va he varateri vakwe, akavatuma hakwe Yesu, ekivwija, “We niwe ula eza, kana tuinde ungi?” 20Navo vekinafike hakwe, vakati, “Yohane M’batizi etutumie hako, ekiti, ‘We niwe ula eza, kana tuinde ungi?’” 21Na saa ila ila, akavabanja vajinki mawaji avo, na mavwasi, na mpepo mbivi; na matuntu vajinki vakainkwa kuvona. 22Niho akagharusha, akavati, “Tongani mumwukulile Yohane ivyo mwavona na kusikia: matuntu veinkwa kuvona, veholoje vetonga, veumbuka vezerijwa, vefwie masikio vesikia, vefwie vevushwa, na vakiva vebirikirwa Mburi Yedi. 23Mrela vwedi ni mntu ula esikanivihiwe.”
24Vala vetumiwe ni Yohane vekinatonge, akavoka kuvavwira mavungano mburi jakwe Yohane, “Mwetongie uko nyika kurarereha ni? Ni ibura lekushwa ni nkungu? 25Kana mwetongie kurarereha ni? Ni mntu edokie suke jenyutume? Manyani iti, vantu vedokie suke jena ngazo, vela vwedi, veho he nyumba ja kifumwa. 26Kana mwetongie kuvona ni? Ni mroti? Yee, nimutio, ekelile mroti. 27Uo niye eandikiwe ivi,
‘Rereha, nituma ntume wangu
Mozya he kizango chako,
Enekuharehia nzia yako mozya hako.’” 28Nami nimutio, “He vala vemoghiwe ni vache, tehena e m’baha kumvecha Yohane; mira ula e mdori he vufumwa vwa Mrungu ni m’baha kumvecha.” 29Na vantu vose na vareghuha kodi vekinasikie ivyo, vakaitikija kitea cha Mrungu, ambu vebatizwe m’batizo wakwe Yohane. 30Mira Vafarisayo navaremanya myomongwa vakakukindia mburi ya Mrungu vo venye, ni kila vesibatizwe niye. 31Mfumwa akati, “Vantu va lukolo ulu nivafwanyanye nani? Vefwanane na kini? 32Vefwanane na vana veikae si he kiete, vekiitangana, vekiti, ‘Twemubighiie mitoriro, neri musivine, tukawela, neri musiie.’ 33Ambu Yohane M’batizi ezie, esila mkate, neri esinwa mvinyo, mukati, ‘Ena mpepo.’ 34Mwana wa Mntu akaza, ela na kunwa; na unywi muti, ‘Rereha uu mraliisha na kunwiisha mvinyo, mmbwie wa vareghuha kodi na vabanu.’ 35Na kuigho chamanyika iti kina kitea he vana vose.”
Yesu evirwa mafuta he maghu na mfwanano wa varando veri
36Mntu mmwe wa Vafarisayo emrarike iti ale kijo hakwe; akaingia he nyumba ya ula Mfarisayo, akaikaa he kula kijo. 37Rereha, mche mmwe wa he ula muzi, eki m’banu, ekinasikie iti eikae si kila kijo he nyumba ya ula Mfarisayo, akaete chupa kemekenisa, kena mafuta epupuntika nezo. 38Akaimuka nyuma hafuhi na maghu akwe, akaia, akavoka kumdofija masoji he maghu akwe, na kuahanguja na nywii ja mtwi wakwe, akabwita maghu akwe na kuavira ala mafuta. 39Ula mfarisayo emrarike ekivona vula, akateta he ngoro yakwe, “Uu mntu nanga ne mroti, ekimanya uu emkunta iti ni ani, na iti ye ni m’banu.” 40Yesu akagharusha, akamti, “Simioni! Hena cho neenda kukuvwira.” Akati “Mcheji, teta.” 41Akati, “Mntu mmwe eambalwe ni vaando veri, mmwe emwava dinari maghana masano, na wa keri makumi masano. 42Navo vekinasove cha kumwiha, akavashighia vose veri. He avo veri, ni uhi enemkunda kukela?” 43Simioni akagharusha akati, “Nidunganya, ni ula eshighiwe nyingi.” Akamti, “Wachwa kwa kitea.” 44Akamgharukia ula mche, akamti Simioni, “Wemyoye uu mche? Neingie he nyumba yako, tuninkie mpombe ya maghu angu, mira uu enidofije masoji he maghu angu na kuahanghuja kwa nywii ja mtwi wakwe. 45We tunibwitie, mira uu too neingie teshighie kunibwita mno maghu angu. 46Mtwi wangu tuuvirire mafuta, mira uu enivirire maghu angu mafuta epupuntika nezo. 47He vuntu vwa ivyo, nikutio, Ashighiwa mabanu akwe mangisha, kila ekeyie lukukndo lubaha; mira, ula eshighiwe kidori, na lukundo lwakwe nire ludori.” 48Ekikenja akamti ula mche, “Washighiwa mabanu ako.” 49Niho vala veikae he kijo hamwe naye, vakavoka kuteta he ngoro javo, “Uu ni ani, sheighia mabanu?” 50Akamti ula mche, “Mwitikijo wako wakukija, tonga na mporere.”
Currently Selected:
LUKA 7: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
