MARIKO 2
2
Kubanja eholoje
(Mat. 9:1-8; Luk. 5:17-26)
1Akaingia kangi Kapernaumu, hekivecha misi misiku, hakasikiwa iti eho nyumbeni. 2Vakavungana vantu vajinki mhaka mpengeni, hasishighwe neri kapengere; akateta navo kiteto chakwe. 3Hakaza vantu vetikie mntu eholoje, etikiwe ni vantu vane. 4Vekinaherwe kumfikia vuntu vwa luvungano, vakabaja gu hala hantu eho; vekinabaje vakaseja kila chayaia ula eholoje eyaie. 5Yesu ekivona mwitikijo wavo, akamti ula eholoje, “Mwanangu, washighiwa mabanu ako.” 6Hekina vaandiki kumwe vekiwaho, veikae si, vekidunganya he ngoro javo, 7“Hanini uu eti huvo? Efalaja. Ni ani eidima kushighia mabanu esire mmwe, eye Mrungu?” 8Hala indi Yesu akamanya he ngoro yakwe iti vedunganya huvo he ngoro javo, akavati, “Hanini mwedunganya huvo he ngoro jenyu? 9Kijangu ni kihi, ni kumvwira uu eholoje, ‘Washighiwa mabanu ako,’ kana ni kuti, ‘Vuka, tika chayaia chako, utonge?’ 10Mira nesa mumanye kuti Mwana wa Mntu ena nzinya kunu he masanga ya kushighia mabanu,” aho emti ula eholoje, 11“Nakuti, Vuka, utike chayaia chako ughotoke.” 12Akavuka, hala indi akatika chayaia chakwe, akafuma mozya he vose; aho vose vakamaka, vakamkaza Mrungu, vekiti, “Narini tetunavona huvo.”
Mwitango wakwe Levi
(Mat. 9:9-13; Luk. 5:27-32)
13Akafuma wa, akatonga mbaimbai ya bahari; luvungano lwose lukamswia, akavacheja. 14Aho ekivecha akamvona Levi mwana Alfayo, eikae si hantu ha kughuhia kodi, akamti, “Niratera!” Akavuka akamratera. 15Aho eikae si ekila kijo he nyumba yakwe, vareghuha kodi vajinki na venye mabanu vakaikaa si hamwe ne Yesu na varateri vakwe; ambu vala vekimrratera neki vajinki. 16Vaandiki na Vafarisayo vekinamvone ekila hamwe na vareghuha kodi na venye mabanu, vakavati varateri vakwe, “Hanini ela hamwe na vareghuha kodi na venye mabanu?” 17Yesu ekisikia akavati, “Vala vesiwaa teveenda mghanga, esire vala vewaa. Sizie kuitanga venye kitea, esire vabanu.”
Kukuima
(Mat. 9:14-17; Luk. 5:33-39)
18Varateri vakwe Yohane na Vafarisayo vekinakuima; heicho vakaza, vakamti, “Hanini varateri vakwe Yohane na Vafarisayo vekuima, mira varateri vako vesikuima.” 19Yesu akavati, Verarikwe he mlondolo, veidima ze kukuima hala mwenye mlondolo erena navo? Igheri lose mwenye mlondolo ena navo, teveidima kukuima. 20Mira heneza misi, venevushijwa mwenye mlondolo, niho uo msi venekuima. 21Tehena mntu egera ndame ya suke shaa he suke yesakae, na kakicha egera, ila shaa yagerwa ikonda ila suke yesakae, hala hebajike hazike. 22Neri tehena mntu egera luhwa he masagha esakae; kakicha eketa huvo, lula luhwa lunebaja ala masagha, mawa aitike, ala masagha akondike. Mira vegera luhwa he masagha mashaa.”
Kugimbika Sabato
(Mat. 12:1-8; Luk. 6:1-5)
23Aho ekivecha he mighunda msi wa sabato, varateri vakwe vakatonga he nzia vekimurura maeso a ngano. 24Vafarisayo vakamti, “Rereha, hanini vekonda kila chesikundijwa msi wa sabato?” 25Akavati, “Temunasoma hantu, ssa vuntu Davidi eketie, hala ekinasikie nza, ye hamwe na vaghenji vakwe, 26sa vuntu eingie he nyumba ya Mrungu, igheri la mtasi m’baha Abiatari, akala ila mikate ya kuvonyesha esechedi kulliwwa, esire vaasi, akainka na vaghenji vakwe?” 27Akavati, “Sabato yevikiwe vuntu vwa mntu, si mntu vuntu vwa sabato.” 28Heicho Mwana wa Mntu niye Mfumwa wa sabato.
Currently Selected:
MARIKO 2: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
