Okuruga 27

Alutare y'ebihongo by'okwokibwa

(Oku 38:1-7)

1“Okore ealutare y'omuti gw'omushita, oburai mita nka ibili n'obukika mita nka ibili. Eiganirane, kandi kandi egire obwemi bw'emita nk'emoi n'okushagamu kake. 2Ogiteho amahembe aha pembe zayo inai; kyonkai gakoleranwe na yonene; oshube ogisiige omulinga. 3Ogiheshere enyungu z'okugibwamu eijwi lyayo, n'ebitihyo, epakuli n'euma n'ebyoma by'okuyoza omuliro. Ebikwato byayo byona obikoze omulinga. 4Mara ogikolere ekisiika ky'omulinga ogwogosirwe, kandi aha rutimbe okomeho ebifungo binai by'omulinga aha pembe zarwo. 5Orute ahansi y'omugoma gwa ealutare, kityo rugende rugobe aha nusu yealutare egyo ahansi. 6Alutare ogikolere emigamba y'omushita, mara ogisiige omulinga; 7erabe omu bifunga aha mbaju zombili za ealutare, orwo eraba netwarwa. 8Ogikore murangara, mara ogikoze embaho. Okwo ngikwolekire aha ibanga, obe nikwo ogikora.

Nyakabuga

(Oku 38:9-20)

9“Okore nyakabuga y'ekiikaro. Rubaju rwayo orwa kasi oteyo entimbe za kitani nungi eyogosirwe, ez'oburai bw'emita 44. 10Enyomyo zazo zibe 20 n'amachuba g'enyomyo gabe 20 ag'omulinga, kyonkai engango z'enyomyo n'emiguha yazo bibe by'efeza. 11Kumoi na rubaju orwa bikara nayo oteyo entimbe z'oburai bw'emita 44, n'enyomyo zayo 20 n'amachuba gazo makumi gabili ag'omulinga. Kyonkai engango z'enyomyo ezo n'emiguha yazo bibe by'efeza. 12Kandi obukika bwa nyakabuga orubaju orw'obugwaizoba habeyo entimbe z'emikono 50, hamoi n'enyomyo ikumi n'amachuba ikumi. 13Obukika bwa nyakabuga omu maisho kwolekera oburugaizoba zibe mita 20. 14Entimbe eza rubaju orumoi orw'ekihigi zibe z'emita nka mukaga n'enusu, zina enyomyo ishatu n'amachuba gashatu. 15Rubaju orundi entimbe zibe z'emita nka mukaga n'enusu, zina enyomyo ishatu n'amachuba gashatu. 16Ekihigi kya nyakabuga kigire orutimbe rw'oburai bw'emita mwenda. Rube rw'emyendo ya kibururu na zambarau n'elikutukura na kitani nungi, eyogosirwe mara efumirwe. Rugiire enyomyo inai hamoi n'amachuba ganai. 17Enyomyo zona kuzingora nyakabuga zigire emiguha y'efeza; engango zazo zibe z'efeza kandi n'amachuba gazo gabe g'omulinga. 18Oburai bwa nyakabuga bube bw'emita 44, obukika bugire emita 22, n'obwemi bwarwo mita ibili n'omushobyo. Rugiire n'entimbe za kitani nungi eyogosirwe n'amachuba g'omulinga. 19Ebikwato byona eby'ekiikaro eby'okukoza buli kanya, n'enkondo zakyo, na zona eza nyakabuga zibe z'omulinga.

20“Kandi oragire Abaisiraeli bakuletere amajuta agarungi agakeneinwe ag'ezeituni ag'okwakya etara eyake obutarara mara bagitungike eiguru. 21Omw'ihema ly'omuterano aheru y'orutimbe oruli omu maisho g'esanduku y'endagano, Aroni n'abatabani barahembaga etara egyo kwema bwankya kugoba bwaigoro omu maisho g'esanduku egyo y'endagano. Abaisiraeli na baijukuru babo bekomye ekiragiro eki ebiro byona.

Currently Selected:

Okuruga 27: RHAY01

Highlight

Compare

Copy