Marko 4

Na hangi wavukizaja kuhembeka ha nyanza. 1Na mbuto nhanya munogwene ya vanhu vivilingaga hawakwe, syenisyo wingilaga mu wato na wikalaga muvo mu nyanza, na mbuto yose ya vanhu vavagiho ha nguka. 2Na wavahembekaga mingi mu mikolani na wavawilaga mu vuhembeki wakwe, Mudegeleke: Lolagi, muvivi wafumaga kuja kukaviva. 3Na yakwilaga aho 4wavagi aliviva, mbiyu zimo zyagwilaga ha nzila, na manoni gizaga na gazilyaga. 5Na zingi zyagwilaga kwitale, uko zikavile na vulongo wingi, na kunguno zikavile na vulongo wingi zyamelaga itungo lili. 6Na aho limi lyafumaga zyavavukaga, na kunguno zikavile na mizi zyanyalaga. 7Na zingi zyagwilaga mu mingʼhwa, na mingʼhwa gakulaga na gazipinehezaja, na zikambizye fisumo. 8Na zingi zyagwilaga mu vulongo vusoga na zyambaja fisumo, zyamelaga na zyakulaga na zyafyambaja fisumo kusika makumi adatu na makumi mkaga na igana. 9Na wayombaga, Homwene ali na matwi ga kwigwa, adegeleke!

10Na aho wavagi inene, venavo vavagi hawakwe hamohene na va ikumi na vavili vamuvuzaja nguno ya mukolani. 11Na wavawilaga, Inwe mwapivilwe kumanicha 12mbisila ya vutemi wa Mulungu, alisi ku venavo va hanze gose galiza mu mikolani, kigele kuvona vavone vuduhu kudulihanya, na kwigwa vigwe vuduhu kumanicha, kwigela ngʼo vapiluke moyo na vatondolwe mavukenaguzi. 13Na wavawilaga, Inwe mukagumanikizye mukolani ugu, na lumehoki mukumanicha mikolani yose yeniyi? 14Muvivi aliguviva muhayo. Alisi va hanzila vali venavo uko muhayo guliviwa, na ulu 15vagwigilwe, itungo lili Shetani aliza na aligwinja muhayo hogwene gwavivilwe muwavo. 16Na sisyo savasava Izyo zyavivilwe kwitale vali venavo, hovene ulu valigwigwa muhayo, valigwanukula itungo lili na kudeha, 17kasinaga vakavile na mizi muwavo venekili, alisi valigudima itungo ido duhu; ulu musyolo ninga kupeziwa kuligela kunguno ya muhayo, haho itungo lili valigayilizya. 18Na izyo zingi zyavivilwe mu mingʼhwa, vali 19venavo hovene valigwigwa muhayo, alisi myanya ya liwelelo na vuyengani wa nsavo na wigomelwa wa genaya gangi galingila na galigupinehezya muhayo, na gulidila vuduhu fisumo. 20Na izyo zyavivilwe mu vulongo vusoga vali venavo valigwigwa muhayo na valigwanukula na valifyambya fisumo kusika makumi adatu na makumi mkaga na igana.

21Na wavawilaga, Kinahe, tala yililetwa kigele yitulwe hansilili nʼisyelo ninga mu nhululi? Byo, sumbwa 22muno yitulwe kwigulya nʼifiga. Kwisi haduhu kinhu chavisilwe, sumbwa kifumbulwe, ninga haduhu kinhu 23cha lwiviso, sumbwa kigele hambele na vose. Ulu umo ali na matwi ga kwigwa, adegeleke! Na wavawila, 24Mwikomaje genaya muligigwa! Na kipimo chenicho inwe mulipima, inwe vene mukupimwa nacho, na hangi mukongeziwa. 25Kwisi homwene ali nacho akupiwa, na homwene akavile nacho, icho ali nacho akupuziwa.

26Na wayombaga, Vutemi wa Mulungu vuli kitisi ulu 27munhu wavivaga mbiyu hasi, alilala havuziku, alivuka halimi; na mbiyu yilimela na yilikula, na akamanikizye isi yilimela na kukula. 28Nsi yilifyambya fisumo kuyo yenekili, hambele mumelo, haho lingala, haho ngano zikomelile mu mangala. 29Alisi ulu filiwa fyapile, haho alilitumizya imozyo, kwisi itungo lya kwimbula lyafikileho.

30Na wayombaga, Tuvukolanizye naki vutemi wa Mulungu, ninga tuvoleche mugati na mukolani ki? 31Vuli kitisi mbiyu ya haradali hoyene, ulu yavivilwe mu 32nsi, yili ndo kukila mbiyu zyose mu liwelelo, na ulu yavivilwe, yukula na yuvi nhanya kukila miti zyose zya makuvi, na yufulumya matambi mahanya, syenisyo manoni gʼilunde galikovola kwikala mu mudaka gwayo.

33Na mu mikolani mingi ya mutindo gwenugu wavawilaga avo muhayo kitisi vakovolaga kwigwa.

34Alisi akayombile navo vuduhu mikolani, alisi kumhelo wavalotolelaga vahemba vakwe gose.

35Na lusiku lwenulo aho limi lyalokaga alivawila, Tuvuke kumwambu. 36Na aho vavadahaja vanhu vamujanaga sisyo mu wato, na mawato gangi gavagiho hamohene nawe. 37Na muyaga muhanya gwavukaga, na mavimbi gavutulaga wato kusika wendaga kokala. 38Na uyu wavagi kunuma mu wato alalile tulo ha musago; na valimumisya na valimuwila, Muhembeki, 39gukavile muhayo kuwako ulu iswe tulizimila? Na aho wamisaja, waguhilimilaga muyaga na wayiwilaga nyanza, Hulikaga, uve sele! Na muyaga gwadekanaga na havagi sele vuliko. 40Na wavawilaga, Kuki muli 41vova? Mukavile na luhigi na? Na vogohaga na kogoha kuhanya na vayombaga, Nani mwenuyu, kwisi muyaga na nyanza zilimudonhoka?

Currently Selected:

Marko 4: Nym51

Highlight

Copy