Marko 7
7
1Na vivilingaga hawakwe Vafarisayo na vamo vamanicha fitabu hovene vafumaga ku Yerusalema. 2Na vavonaga vamo va vahemba vakwe valyaga chakulya na makono gilavulile, nguno: makono gakikalavile. 3Kwisi Vafarisayo na Vayahudi vose vakalyaga vuduhu kwikalava muno makono, na sisyo valifimazya fitilwe fya vaguku, na ulu vafumile ku igulilo vakalyaga ulu vakogile hambele; 4na galiho na gangi gene hogene vaganukulaga kugadima: kugusa fikombe, midumu na fiseme fya mukuvo. 5Haho Vafarisayo na vamanicha fitabu vamuvuzya, Kuki vahemba yako 6vakavile kusimiza mu fitilwe fya vaguku? Alisi wavawilaga; Yesaya wafumbulaga sisoga kwigulya ninwe vagulumi, kitisi yatonilwe,
Va chalo cheniki valinkuzya na mulomo,
Alisi myoyo yavo yili kule na nene.
7Alisi valinkuvila cha gele,
Kunguno valihembeka mavuhembeki hogene gali
Mikumo ya vanhu duhu.
8Inwe muliyileka mikumo ya Mulungu na mulifidima fitilwe fya vanhu. 9Na alivawila na mansyente, Muliguleka sisoga mukumo gwa Mulungu kufidima fitilwe 10finwe! Kwisi Mose wayombaga, Umukuzye nso na noko, na hangi, Homwene alimufusa ise ninga nina afwe lufu. 11Alisi inwe muliyomba, ulu munhu alimuwila ise ninga nina: icho ulikova kugwasiwa nane kili 12Korban (nguno: chavile kipanwa kumwa Mulungu) uyo mukamutavulilile kumuvezezya kinhu ise ninga 13nina ngʼo; syenisyo muliguvulaga muhayo gwa Mulungu na fitilwe finwe mukwilekelaga; na mingi ga mutindo gwenugu muligavezya. 14Na wayitanaga mbuto ya vanhu na wavawilaga, Inwe vose mundegeleke 15na mumaniche! Kuduhu kinhu kili hanze na munhu kilimwingila kilikovola kumwilavuzya, sumbwa genaya galimufuma galimwilavuzya. 16Munhu ali na matwi ga 17kwigwa, adegeleke! Na aho wafumaga ha vanhu, wingilaga mu numba, vahemba vakwe vamuvuzaja kunguno ya mukolani gwenugu. 18Na alivawila, Sisyo inwe vene mukavile na masala? Mukamanikizye ati icho cha hanze na kilimwingila munhu kikakovolile 19kumwilavuzya, kunguno kikavile kwingila mu moyo, sumbwa mu nda duhu, na kilifumila kwibala. Mu kuyomba syenisyo Yesu wafigilulaga filiwa fyose. 20Alisi wayombaga, Hochene kilimufuma munhu kilimwilavuzya; 21kwisi kufuma mugati, ku myoyo ya 22vanhu galifumila miganiko mavi: vusengʼhya, wivi, vuvulagi, vusihya, ihuhu, kayaya, vuyengani, wivonya, 23kusyola, mafusano, myete, kabapula; mavi gose genaya galifumila mugati, na galimwilavuzya munhu.
Alisi aho wavukaga kwenuko wafikaga mu chalo cha Tiro na Sidoni. 24Na aho wingilaga mu numba yimo wakovaga vanhu valeke kumanicha; alisi wavagi akakovolile kwivisa. 25Kwisi itungo lyenilo mukima, homwene mwanike wakwe wavagi na migavo ya zoma, wingilaga na wagwaga ha magulu gakwe. 26Na uyu mukima wavagi Mugriki, igongo lyakwe Musirofiniki. Na wamulombaga agufumye mugavo ku mwanike wakwe. 27Na uyu wamuwilaga, Uleke hambele vana vigute, kwisi yikavelile kukisola chakulya cha vana na kukiponezya ku mbwa. 28Alisi uyu witavukaga na wamuwilaga, Ahene Guku, alisi tuwa twene mu nhululi 29ya meza, tukulyaga tuvuvungili twa vana. Na wamuwilaga, Kunguno ya muhayo gwenugu jaga, mugavo 30gwamufumaga mwanike wako! Na wajaga ku numba yakwe na wamusangaga mwana alalile ku vulili wakwe na mugavo gwamufumile.
31Na wafumaga hangi ku chalo cha Tiro na wavitaga mu Sidoni na wajaga ha nyanza ya Galilaya mugati na chalo cha Dekapoli. 32Na vamuletelaga mukiva matwi nawe kameme, na vamulombaga atule kukono kwigulya nawe. 33Na wamusundaga inene kufuma mbuto ya vanhu, wingizaja mala gakwe mu matwi gakwe, watugaga mate na walukumaja nago lulimi lwakwe, walangamilaga kwilunde, 34wikaja myuye, wamuwila, Efata, 35nguno yayo: kivukaga. Na matwi gakwe gakivukaga, na itungo lili kata ka lulimi katungukaga, na wayombaga sisoga. 36Na wavalagilaga vakavawile ngʼo vanhu; alisi nulu wavalagilaga sisyo kingi, sisyo venava vayikumukaja kingi munogwene. 37Na vagengemalaga munogwene, vuyomba, Uyu wavezizye gose sisoga, alivezya vakiva matwi valigwa, navo va kameme valiyomba.
Currently Selected:
Marko 7: Nym51
Highlight
Share
Copy
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
