MI ÑAMA 11
11
1Li Miali Diedo den yedi Musa: «N baa teni falabiadiyendo n go cua *Falono po leni Ejipiti yaaba po. Lani n yaa pendi o baa cedi yin ña nekanba. Wan baa tuo yin ña yaa yogunu o baa deli yi. 2Maadi bi niba ke ja kuli n mia o yieninlielo, pua kuli mo n mia o yieninlielo ban pa ba yaa tiadi n tie ŋanjilifa leni yaa tiadi n tie wula.» 3Li Miali Diedo den teni ke Ejipiti yaaba pala mangi leni Isalele yaaba hali yaala ke Musa oba den tie niciamo Ejipiti yaaba nuni po. Falono naacenba leni bi niba kuli den fangi o ki go kpiagidi o.
4Musa den yedi: «Li Miali Diedo n maadi yaa maama n tie na: ‹Li yaa ban pundi ku yagisiigu, n baa ña ki kua Ejipiti diema kuli nni. 5Ejipiti diema nni a bonjakpiala kuli baa kpe. Ki cili Falono yua n kaa ti gbandi po yaa bijakpelo ki gedi yaa naacemo n ye li naali nni yaa bijakpelo ki taani leni ti yandi kuli yaa bontonkpiala kuli baa kpe. 6A bubula baa yaa ye Ejipiti diema nni kuli boncianla ke li buolu daa tieni hali moala ki kan go faa ki tieni moko. 7Ama Isalele yaaba siiga ki cili leni bi niba ki gedi hali ti yandi, baa sangbanlo kan gogi. Lani n baa teni yin bandi Li Miali Diedo n tieni yaa gagidima Ejipiti yaaba leni Isalele yaaba siiga.› 8Lanyogunu a naacenba yaaba n ye ne kuli, bikuli baa cua n kani ki labini n nintuali ki yedi: ‹Gedi, fini leni bi niba kuli, yaaba n ŋua a puoli. Lani yaa pendi n baa gedi.› » Musa den ñani Falono kani ke o pali beni hali boncianla.
9Li Miali Diedo den yedi Musa: «Falono kan cengi a maama ba.» 10Musa leni Alono den tieni laa bancianma kuli Falono nintuali, ama Falono naa den tuo ke Isalele yaaba n ña o diema nni.
Mi Pendima jaanma
Currently Selected:
MI ÑAMA 11: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
