A Zã koe‑noogo 7

A Zeezi ma-biis ka-tẽebo

1Rẽ poore, a Zeezi dag n saagda Galɩle, bala, b dag n ka rat n saag Zʋʋde ye. Bala, Zʋɩf-rãmbã dag n baooda bãmb n na n kʋ.

2 # Mk 23.34, Tõ 16.13 Rẽ tɩ zãnã tigrã, sẽn yaa Zʋɩf-rãmbã tigr dag n kolgame. 3A Zeezi ma-biisã yeela bãmb yaa: Yi ka n kẽng Zʋʋde tɩ f karen-biisã me paam n yãnd tʋʋm nins fo sẽn maandã. 4Ned sã n dat tɩ nebã yãnd-a, a ka soosd n tʋmd a tʋʋmã ye. Fo sẽn maand bõn-kãensã, maan tɩ dũni neb bãng-fo. 5Sɩda, a Zeezi ma-biisã me dag n ka tẽed bãmb ye. 6A Zeezi yeela bãmb yaa: «Mam wakatã nan ka ta ye, la ne yãmba, wakat fãa zemsame. 7Dũni wã ka tõe n kisg yãmb ye. B kisa maam, bala, mam kɩta kaset tɩ b tʋʋmã yaa wẽnse. 8Kẽng-y tigrã. Mam nan ka na n kẽng tig‑kãngã ye, bala, mam wakatã nan ka pid ye.» 9A Zeezi sẽn gom ne bãmb woto n sa, a Zeezi kell n paa Galɩle.

A Zeezi kẽnga zãnã tigrã

10A Zeezi ma-bi-raopã sẽn kẽng tigrã, bãmb mengã me yaool n kẽngame. B soosame n kẽng tɩ nebã ka yã bãmb ye. 11Zʋɩf-rãmbã dag n baooda a Zeezi tigrã wakat n sokdẽ: «B bee yɛ?» 12La vũn-vũn n dag n be kʋʋngã sʋk wʋsg bãmb poorẽ. Neb kẽer yetame tɩ bãmb yaa nin-sõngo, tɩ kẽer yetẽ tɩ ayo, bãmb kẽesda nebã moogo. 13Ned baa a yembr ka saagd n gom bãmb yellã vẽeneg ye, b sẽn zoet Zʋɩf-rãmbã yĩnga.

14Tigrã rag n zoe n taa pʋɩ-sʋka, t'a Zeezi kẽng wẽnd doogẽ wã, n sɩng n zãmsd nebã. 15Linga Zʋɩf-rãmbã, la b sokame yaa: «Yẽnda yɩɩ wãn n mi Wẽnnaam gʋls-sõamy wã n yaool n ka paam zãmsgo?» 16A Zeezi leoka bãmb n yeele: «Zãmsg ning mam sẽn zãmsd nebã ka yit mam nengẽ ye, a yita sẽn tʋm-a maamã nengẽ. 17Ned ning fãa sẽn dat n tũ Wẽnnaam daabã na bãng zãms-kãng sã n yita bãmb nengẽ, wall mam goamã sã n yita mam meng nengẽ. 18Ned ning goam sẽn yit a meng nengẽ baooda a meng waoogre. La ned ning sẽn baood sẽn tʋm-a yẽnda wã waoogr yaa sɩd soaba, la ka-tɩrlem ka be yẽnda pʋgẽ ye. 19A Moyiis ka kõ yãmb tõogã sɩda? La yãmb ned baa a yembr ka maand tõogã sẽn yetã ye. Yaa bõe tɩ yãmb baood n na n kʋ maam?» 20Neb kʋʋngã leokame: «Zĩn n tar yãmba, ãnda n baood n na n kʋ yãmba?» 21A Zeezi leoka bãmb n yeele: Mam tʋma tʋʋmd a yembre, la a yɛɛsa yãmb fãa. 22#Mk 12.3, Sɩng 17.10A Moyiis n yeel yãmb tɩ y kẽes kom-dibli wã bãongo (bãongã ka sɩng ne a Moyiis ye. Yaa yaab-rãmbã n sɩng-a), la yãmb kẽesda kambã bãongo, baa ne vʋʋsg daare. 23#Zã 5.9Yãmb sã n tõe n kẽes ned bãong vʋʋsg daare, n ka kɩɩs a Moyiis tõogã, bõe tɩ yãmb sũyã yĩigd ne maam, mam sẽn kõ yĩn-tõr laafɩ vʋʋsg daarã yĩnga? 24Da bʋ-y bʋʋdã tɩ zems ne nin sẽn yãtã ya, bʋ-y bʋ-tɩrga.

Dẽ yĩnga, a Zeezi yaa Kirisã?

25Zeruzalɛm neb kẽer yeelame yaa: Ka rao‑kãngã la b sẽn baood n na n kʋ wã wɛ? 26Ad a sẽn yɛs nebã sʋk n gomd tɩ b ka yet-a tɩ bũmbu! Rẽ yĩnga, kãsem-dãmbã sɩd reegame tɩ yaa bãmb la Kirisã la? 27Tõnd yaool n mii rao‑kãngã sẽn yitẽ. La Kiris sã n wa, ned baa a yembr ka na n bãng b sẽn yitẽ ye. 28Dẽ, a Zeezi zẽka b koɛɛg wakat ning b sẽn zãmsd nebã wẽnd doogẽ wã n yeele: Yãmb mii maam, la y mii mam sẽn yitẽ. Baoosgo, mam ka wa m toor ye. La sẽn tʋm-a maamã yaa sɩd soaba, la yãmb ka mi-b ye. 29Mam mii bãmba, bala, yaa bãmb yʋʋr yĩng la mam sẽn be ka wã, la yaa bãmb n tʋm maam. 30Nebã da rat n yõka a Zeezi, la ned baa a yembr ka sɩɩs bãmb ye, bãmb wakatã sẽn dag n nan ka ta wã yĩnga.

31Neb kʋʋngã sʋka, wʋsg tẽe a Zeezi n yetẽ: Dẽ yĩnga, Kiris sã n wa, b na n maana bõn-bãn n yɩɩd dao kãngã sẽn maandã sɩda?

B tʋma gũudb a Zeezi nengẽ

32Fariizẽ-dãmbã wʋma neb kʋʋngã sẽn dag n gomd a Zeezi yell vũn-vũnã. Dẽ, maan-kʋʋdbã kãsem-dãmba ne Fariizẽ-dãmbã tʋma gũudb tɩ b tɩ yõk a Zeezi. 33A Zeezi yeel-b lame yaa: Mam ket n bee ne yãmb wakat bilf yĩng bala, la m na n leba sẽn tʋm-a maamã nengẽ. 34Yãmb na n baoo maam, la y ka na n yãnd maam ye, la mam sẽn na n zĩnd zĩig ningã, yãmb ka tõe n wa be ye. 35Zʋɩf-rãmbã goma ne taab n yeele: A na n kẽe yɛ tɩ tõnd da yãnd-a? A na n kẽnga Zʋɩf-rãmb nins sẽn sãeeg n be Gɛrk-rãmbã sʋka nengẽ n tɩ zãms Gɛrk-rãmbã bi? 36A sẽn yeel tɩ tõnd na n bao-a lame n ka yã, la tɩ tõnd ka tõe n wa zĩig ning a sẽn na n zĩndẽ wã, gom‑kãng võor yaa bõe?

Kʋɩls koom sẽn kõt vɩɩm

37 # Mk 23.36 Tigrã yaoolem daare, daar ning sẽn yaa-a kãseng n yɩɩdã, a Zeezi yalsa yĩngr n zẽk b koɛɛg n yeele: Bɩ Ko-yũud sẽn tar ned ning wa mam nengẽ n yũ. 38#Eze 47.1, Zaka 14.8Kʋɩlse, b koom sẽn kõt vɩɩm na n yii ned ning sẽn tẽed maamã pʋgẽ, wa Wẽnnaam gʋls-sõamyã sẽn yetã. 39A Zeezi dag n goma Sɩɩg-sõngã neb nins sẽn tẽed bãmbã sẽn na n deegã yelle. Bala, b dag n nan ka kõ nebã Sɩɩg-sõngã ye, a Zeezi sẽn dag n nan ka paam waoogrã yĩnga.

Welgr kẽe nebã sʋka

40Nebã sẽn wʋm gom-kãensã, neb n zĩnd kʋʋngã sʋk n yeel tɩ dao‑kãngã sɩd yaa Wẽnnaam no-rɛɛsa. 41Kẽer da yetame tɩ dao-kãngã yaa Kirisã. La neb a taab yetame yaa: Dẽ yĩnga, sɩd yaa Galɩle la Kirisã tog n yi sɩda? 42#2Sãm 7.12, Miis 5.1Wẽnnaam gʋls-sõamyã ka yeel tɩ «Kirisã na n yɩɩ a Davɩɩd yagenga, n dog Betlehɛm sẽn yaa a Davɩɩd tẽngã» sɩda? 43Dẽ, welgr zĩnda nebã sʋk a Zeezi poorẽ. 44Neb kẽer bãmb sʋk dag n dat n yõka a Zeezi, la ned baa a yembr ka sɩɩs bãmb ye.

Ned nan ka gom wa rao-kãngã ye

45Gũudbã leba maan-kʋʋdbã kãsem-dãmbã ne Fariizẽ-dãmbã nengẽ, la b sok-b lame tɩ yaa bõe tɩ b ka tall a Zeezi n wa? 46Gũudbã leokame n yeele: Ned nan ka gom wa rao-kãngã ye. 47Tɩ Fariizẽ-dãmbã leb n sok-ba: «A tõog n belga yãmb me n tõog la? 48Dẽ yĩnga, naab bɩ Fariizẽ baa a yembr tãa beeme n tẽ bãmb sɩda? 49Sã n yaa neb kʋʋngã sẽn ka mi tõogã, b yaa neb kãab-wẽng sẽn be b zutu.» 50#Zã 3.1,2Bãmb ned a yembre, a Nikodɛm, sẽn dag n wa-a a Zeezi nengẽ pĩndã yeel-b lame yaa: 51«Dẽ yĩnga, tõnd tõodã kaooda ned bʋʋd tɩ d ka reng n kelg a soaba, la d bãng bũmb ning a sẽn maanã sɩda?» 52B leoka yẽnda n yeele: «Fo me yaa Galɩle ned la? Vɛɛs sõama n gese, la f na yãnd tɩ Wẽnnaam no-rɛɛs ka yit Galɩle ye.» 53[Rẽ poore, ned fãa kuila a yiri.

Currently Selected:

A Zã koe‑noogo 7: MPBU

Highlight

Copy