TDP 34
34
Muizu a gɛ̀
1Muizu nə́ n toa Moabu a diə bǎã kɛ nɛ, á woo dii Neboo kele la, Pisigaa kele kɛ mìi ni, Zerikoo kiwi yɔrɔ-a. Dɛnaa Lawa gána lɛ tumaa nyaa nɛ: A saa Galaati gána ganaa a wo Dan gána yaa, 2Nɛfutalii gána tumaa, Efrayimu gána laanka Manaasee wɔ nɛ, ka Zudaa gána tumaa nɛ a wo yǎa Yìsi mu gole kɛ ganaa, 3gusin a lɛ̀gɔn la bǎã kɛ nɛ, Zerikoo a nyankɔrɔ basa kɛ nɛ, sèwo dan kiwi ke, a wo yǎa Sowara kiwi. 4#SGK 12.7; 26.3; 28.13Dɛnaa Lawa tɔ́n pɛ nɛ: «Man lɛ kɔ Abrahamu la Izaaki ni ka Zakɔba nɛ gána mɛn wɔ paǹ li, má ma á re koe ǹ tɔrɔn mala, a din lɛ n ka kɛ nɛ. Man nyɛɛ n nɛ máa n yii yɛ, sɛnɛ, n ba re we a-n wa.»
5Dɛnaa Lawa a dí-nyali Muizu na á gã walan Moabu gána nɛ, ka Dɛnaa Lawa bɛ́ á goã á pɛ lɔn. 6Dɛnaa Lawa ná a gere bĩ Moabu gána a nyankɔrɔ basa kɛ nɛ, Bɛti-Pewɔɔrɔ yɔrɔ-a. A da kaa pelo lɛ, min kɔn ba a yala bǎã doɛ̃ wa. 7Muizu bɛ́ giɛ̃, bɛ̀ a lɛ̀ paabiɛ ka fuə (120) ne. Bɛa waáraa, bɛ̀ a yii tɔn nə sì la wa, bɛ̀ a kakabaa tɔn woo á daa wa. 8Izirayeli minin lɛn nə́ Muizu a gɛ̀ wuu pɛ Moabu gána a diə bǎã kɛ nɛ lɛawaa pɔsɔɔ, a gɛ̀-koa tɔ́n nya.
9Nunu a nɛgiĩ Zozoe yiri na á goã piɛ̃-n ka sii-doɛ̃ nɛ, a giala, Muizu na á goã á n gɔn da la#34.9 Muizu na á goã á n gɔn da la: Muizu n bɛ zɛnɛɛ, a tá a pàã lɛ koe Zozoe la.. Izirayeli minin lɛn ná a bɔlɔ si. Dɛnaa Lawa goã á màn mɛn pɛ Muizu ni, mà a pɛ ǹ nɛ, maǹ nə́ sii tumaa zɛnaa á kɔnpɛ ka bɛ lɛ nɛ.
10 #
BBN 33.11
A saa bɛ lɛ ganaa, Lawa a boo gii-dali kɔsɔ tɔn yɛ Izirayeli gána-n doo duduu ka Muizu bɛ́ lɔn wa. A din lɛ laanka Dɛnaa Lawa nə ǹ nə́ goã boo diɛ bɛ̀ ǹ dia kɔn la. 11Dɛnaa Lawa na á goã a ná a din lɛ dia mà a wo kaãbaa ǹ sii dadaran zɛnaa Ezipti gána nɛ, ǹ kii laanka a dí-nyalin tumaa yɔrɔ-a, ka a gána minin tumaa nɛ. 12A din Muizu lɛ na á goã á dí nya ka Lawa pàã tumaa nɛ, á bɛa nyɛ́ɛ gole kɛ lɛ da nɛ.
Currently Selected:
TDP 34: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.