MNS 24
24
1Balaamu yɛ, mà á goã kɔɔ̃n Dɛnaa Lawa ganaa, a barka da Izirayeli minin lɛn ganaa. Bɛ lɛ nɛ, a lɛ kɔ a wo ga sii-nyaan li wa, ka á bɛ́ á goã á woo ga li lɛlɛ lɔn, a gunyin paa. Sɛnɛ, a na á n yɔrɔ bɔyaa gɔrɔ, á dia diə gole kɛ la. 2A bɛ́ á n yii saa á ga, á Izirayeli minin lɛn yɛ, giã nɛ tanlɛ yii li, ǹ giã ǹ bǎã nɛ. Dɛnaa Lawa yiri daa gisĩ la, 3á tɔ́n bɔ boon kɛn nɛ kɛnɛn á ǹ pɛ:
Masɛ, Bewɔɔrɔ a nɛgiĩ Balaamu n boo diɛ.
Min mɛn yii bɛ́ sii yii,
bɛ n boo diɛ.
4Min mɛn too bɛ́ Lawa a boo miɛ,
á n Pàãyiidɛnaa a sii-nyaa yii,
á niɛ̃ kiɛ tán a lɛ la, a yii n niɛ̃,
bɛ n boo diɛ.
5Ee Zakɔba tɔrɔn lɛn,
asɛ-n kaa mɔnaa zìãn kɛn tá siĩni!
Izirayeli minin lɛn,
kaa giã ǹ bǎãn kɛn tá siĩni!
6Ǹ nə́ n da wɔlɔ la,
ka tà mu bɛ́ lɔn.
Maǹ ka dù gɔrɔ bɛ́ lɔn tà lɛ-a,
ka aloɛsi da bɛ́ lɔn,
Dɛnaa Lawa nə́ ǹ zumu.
Maǹ ka *sɛdrə da bɛ́ lɔn mu lɛ-a.
7Maǹ ka mu mɛn nə́ ke toɛ̃ dɛn nɛ,
bɛ̀ á baa si a kaa da wurun ganaa sɔnbɔraa nɛ.
Izirayeli minin lɛn kii á die boe Agaagi la.
Ǹ gána á die pàã yii.
8Lawa na á ǹ waa á soo ǹ ne Ezipti gána nɛ.
Á pàã kɔ ǹ la,
ka don a zũ bɛ́ lɔn.
Tɔrɔn mɛnɛn bɛ́ ǹ ziadɛnan lɛa,
maǹ bɛn lɔloɛ ǹ lɛ-a,
Maǹ nə ǹ wen yɔyɔrɛ,
ǹ kiɛ dɔdɔrɔ ǹ ganaa.
9 #
SGK 12.3; 49.9 Maǹ nə n kumii,
ǹ nə́ wɛɛ tán ka don siĩ bɛ́ lɔn,
ká yàra bɛ́ lɔn.
Die n boe la a ǹ da yoo ganaa ka pàã nɛ?
Bɛ̀ min mɛn nə́ lɛn bǐɛ̃ bíi ǹ li,
lɛn bǐɛ̃ nə n bíi bɛa dɛnaa li.
Bɛ̀ min mɛn nə́ lɛn baraa bíi ǹ li,
lɛn baraa nə n bíi bɛa dɛnaa li.
10Balaaki foo yoo Balaamu li. Á n gɔnɔn pɛsɛ̃, á pɛ Balaamu lɛ nɛ: «Man má n bíi máa n da lɛn baraa bíi maa zɔ́ɔn li, sɛnɛ n gunyin sɔɔbaa ǹ wɔ n ke, barka diɛ ǹ ganaa woone. 11A bɛ́ miɛ̃, n ta n gána nɛ! Ma goã má pɛ n nɛ, má maa á die gugurubaa koe n la taãn-taãnɛ, sɛnɛ á ke Dɛnaa Lawa nə n kurəə bɛa yɛ ganaa.»
Balaamu a boo gɔn nyɔmiɛ̃
12Balaamu tɔ́n na a lɛ si: «N goã ń minin mɛnɛn lɛn dia ma li, táa má goã má pɛ ǹ nɛ máa 13ta Balaaki na a kion sana tumaa laanka a kion wɔrɔ tumaa koe masɛ la, ma ba boe la ma bɔ ma din ni, ma sii bǐɛ̃ hinlaa sii baraa kɔn zɛnaa, ma Dɛnaa Lawa bɔlɔ tii-n wa. Dɛnaa Lawa bɛ́ re boo mɛn diɛ, man bɛ lɛ pii. 14Kanna kəni, man die woe ma tɔrɔ minin li. Sɛnɛ, Izirayeli minin lɛn bɛ́ re sii mɛn zɛnɛɛ ka nyɛɛn biɛ̃, Balaaki, n tɔrɔ minin manɛ, daa ma bɛ lɛ pɔrɔ n nɛ.»
15Balaamu tɔ́n bɔ boon kɛn nɛ kɛnɛn á ǹ pɛ:
Masɛ Bewɔɔrɔ a nɛgiĩ Balaamu n boo diɛ.
Min mɛn yii bɛ́ sii yii,
bɛ n boo diɛ.
16Min mɛn too bɛ́ Lawa a boo miɛ,
min mɛn bɛ́ lon a Lawa gɔ́ɔ̃ miɛ,
á n Pàãyiidɛnaa a sii-nyaa yii,
á n niɛ̃ kiɛ tán a lɛ la, a yii n niɛ̃,
bɛ n boo diɛ.
17Sii mɛn bɛ́ die, ma yii tá-a,
sɛnɛ, pelo sii bie wa.
Sii mɛn bɛ́ re n zɛnɛɛ,
má n yiin doa la,
sɛnɛ, a ba foɛɛ̃n wa.
Leere á re boe Zakɔba tɔrɔn bii,
kii á re yui tán Izirayeli minin bii,
a n die Moabu gána minin para giala wurii,
a Sɛɛti tɔrɔn tumaa dɛ.
18A n die Edɔmu gána kuĩ a giã la,
a n die a zɔ́ɔ,
Seyiri gána kɛ kuĩ a giã la.
Izirayeli minin man die gɔ̀lɔ̀ biɛ.
19Zakɔba tɔrɔ lɛ n die giɛ̃ a ziadɛnan mìi la.
Kiwi lɛ a min gialakunun mɛnɛn yii goã koo,
a n die bɛn bɔ̀n biɛ.
Balaamu n Izirayeli minin zɔ́ɔn bɔ̀nbaa boo diɛ
20Bɛ kio, Balaamu yii Amalɛki tɔrɔn yɛ, á tɔ́n bɔ boon kɛn nɛ kɛnɛn á ǹ pɛ:
Amalɛki tɔrɔ n tɔrɔn nyɛɛnɛ.
Sɛnɛ, nyɔɔbaa, bɔ̀n nɛ.
21Bɛ kio,
Balaamu yii Kenii tɔrɔn yɛ,
á tɔ́n bɔ boon kɛn nɛ kɛnɛn á ǹ pɛ:
Kenii tɔrɔn,
kaa giã ǹ bǎã tá didimi,
ká kaa kii dɔ gɛ̀fu la.
22A laanka ka bɛ yii ni,
tɛ n die kaa giã ǹ bǎãn lɛn mamaɛ,
Asiirii minin nə ka goa,
ǹ wo ka-n bɛ̀rɛ baa ǹ bǎã nɛ.
23Balaamu wusoo doo á bɔ boon kɛn nɛ kɛnɛn á ǹ pɛ:
Bɛ̀ Lawa bɛa siin kɛn lɛn zɛnaa,
Bɔ̀n nɛ! Die yii n boe la a goã koo?
24Mu la ǹ goon nə́ ke boe Siipri gána li,
maǹ die boe Asiirii gána minin yii ni,
ǹ bɔ Ebɛɛrɛ tɔrɔn dɔn dinin yii ni.
Sɛnɛ ǹ dinin dɔn tá re bɔ̀n biɛ.
25Bɛ kio, Balaamu nə́ n bɔyaa á woo a gána nɛ, Balaaki dɔ́ kiɛ̃ ka a zii ni.
Currently Selected:
MNS 24: SBPE2011
Highlight
Share
Compare
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.